طقوس القراءة...

[هـــــــــــتلر]

مرحبا بكم جميعا
،،،،،،،،
لكل منا طريقة ما في القراءة
فهناك من يقرأ بصوت عال
وآخر يقرأ وهو مستلق على ظهره
وثالث وهو يمشي
ورابع في مكان عام
وخامس في مكان هادئ
وسادس وهو ممسك بالقلم ليدون ملحوظاته
وسابع وهو ممسك بالكتاب بكل رقة خوفا عليه من تكسر صفحاته
وثامن وتاسع و...
ما طقوسك حين تمارس/تمارسين القراءة ؟

[شموخ]

أنا أقرا بصوت عالي عسب ما أكون مدوخه

و دايما القلم في ايدي و الكتاب شوي تحت و شوي على ريولي

ما أحب أدرس على الطاوله .. و أحب أكون ياالسه في مكاان هادي بس صوتي المزعج عندي يعني

وووو وايد آخذ فترات رااحه << فترات دواره

ووو وايد آكل طبعا هذا بأيام الامتحانات

وووو ولازم الغرفه الي أنا يالسه فيهاا هي بس هذي الي أدرس فيهااا

و طبعاا ما تكون غرفة رقااد لأنه نقطة ضعفي اني أشوف شبريتي و عليهاا مخدتيه الي لازم لماا أرقد أحضنهاا

وووووووو بـــــــــــس .. هيه و صح ما أحب حد يقااطعني و أنا أدرس و أكوون مندمجه بس التلفون ما يسكت

ووووووو ثاااانكس هتلرووه الدب .. ما خبرتناا عنك

[الوفا طبعي]

بصراحة لما كنت في المدرسة احب اذاكر بصوت عالي .... ولازم القلم في يدي بس فيني طبع ادون ملاحظاتي في اي مكان ..... في الجدران على الطاولة ...... هبلة

اما الحين اذا حبيت اقرأ بصوت خفيف او بعيوني...واكون جالسة او مرتاحة على السرير وغرفة هادئة لاني احب اركز و اتعمق في القراءة...


مشكور اخوي على الموضوع

[الـعـمـيــــــــــــد]

ما أحب القراءة بصوت عالي
واحب اقرأ في مكان هاديء
احب اقرأ جالس باسترخاء


شكرا لك هتلر

[الاصايل انثى]

القراءة بالنسبة لي طقوس أهمها
أن أكون بمفردي
استرخاء
حسب حالة المزاج الصوت ..................
النقطه التي تحتاج مني تركيز
أرفع صوتي بها
وغالبا ما احتاج النوم بعمق بعد القراءة ........

تحياتي لك طارح الموضوع
أرق المنى