ازمة ورق

[alarz]

.



( أزمة ورق )


تَصَوَر
تَصَور يجي يوم .. نِلف وِنِدّوَر
على دفتر
سَادة .. مِسَطَر .. أو رزمة ورق

أزمة ورق !!
ليه
المخزون كُله اتسرق ؟
ولا الشجر
وورق الشجر فجأة اتحرق

أزمة ورق
ياخبر
ازاي ها يُمر يومنا
من غير
ما تكتب إيدينا وتبحلق عيونا
واللي لينا .. واللي علينا
إزاي ها نحسب دِيُونا

يادي الورق
واللي نابنا مـ الورق
يا ما جرينا
وذابت كعوب رجلينا
وياما دوخنا
على ورقة من الورق

إيه السبب
يا رول الورق
في إشاعة تحكي أزمتك
بِذِمِتَك .. إيه لَزمِتَك
والدنيا
كلها ورق في ورق

أدي الجرايد
ادي الجرايد من ورق
واقلام ورق .. وعقول ورق
راح فلان .. جه فلان .. قال قلان
بيمرجحونا .. ويزحلقونا .. بالوعود
والوعود
متعودينها .. وعود .. حبر على الورق

أزمة ورق !!
الميلاد عالورق .. والحياه عالورق
والموت .. لازم له .. خِتم وورق

أزمة ورق ؟؟
الناس بذاتها باتت ورق
والمصاير .. والحقوق
ضاعت يا سيدي فوق الورق

أزمة ورق ؟
والدنيا غرقانة ورق

:

نحسبها بالهداوة
بكلمتين يبلو الرمق
الناس بتجري .. بتجري في سَبَق
مضمارنا غابة
لا فيه امان .. ولا براءة
وكله ماشي .. بالدراع وبالحداقة
:

كان الورق
فيه الحروف .. والكلام .. والعدد
كُلُه طار مـ الورق
طَب بُص .. شُوف
الجو .. مليان بالحروف
إف خمسة وإف سابعة
طيارة نازلة .. وطيارة طالعة
بالحروف بيضربونا
بيطبقونا زي الورق
ومين ينشف قهرنا
صَبرنا .. عَزمِنا ؟
ولا ... منديل مستورد ورق
إف خمسة واف سابعة
واحنا .. يا خيبة سلاحنا
دُوبارة .. وطيارة ورق

:

أزمة ورق
الدنيا سوقها .. ورق
معاك ورق
لو بنكنوت .. ها يقدروك
معاك ورق
يثبت حسابك في البنوك
هامور تكون
حوت تكون .. أو حتى ديك مـ الديوك
ها يبجلوك .. ويفلسوك
ها ينفضوك بكل ذوق
تِمرض تِروق
تتوه .. تفوق
ها يمسحوك من عالورق

:

زمن الورق
صاحبك .. جارك .. أخوك
في الشِدة إيه .. ولا يعرفوك
عالم .. ورق
اصحاب وبس عالورق
جيران وبس عالورق
اخوات وبس عالورق
مين اللي قال
فيه أزمة ورق ؟

:
يحيى معوض
الارز

[الوحش]

أستاذي الجميل الرائع ..
يحي ...
كلما اقرأ لك حس بجمال اللهجة المصريه ..
بجد أنت رائع ..
ورق ..
فكرتني بقصيدة .. البتاع لأحمد فؤاد نجم ..
ألف شكر على الرائعه ..
ومن إبداع لأبداع ..
أخوكم
عاشق اللهجة المصريه ..
الوحش

[alarz]

أستاذي الجميل الرائع ..



يحي ...
كلما اقرأ لك حس بجمال اللهجة المصريه ..
بجد أنت رائع ..
ورق ..
فكرتني بقصيدة .. البتاع لأحمد فؤاد نجم ..
ألف شكر على الرائعه ..
ومن إبداع لأبداع ..
أخوكم
عاشق اللهجة المصريه ..


الوحش



أخي العزيز الوحش
صباحك جميل لانه مقتبس من شخصك
:
صدقني يوم كتبت هذه العامية
وتناولتها بالالقاء لمسامع البعض
فوجئت ان الشاعر الجميل احمد فؤاد نجم
قد كتب قصيدة ورق
وحرصت ان احصل عليها
وسعدت أني تطرقت للتعبير عن الورق قبل قراءة نص الفاجومي
وطبعا هناك فرق شاسع بين الاوراق
فانا بالنسبة له لازلت سطر بالمقارنة باوراقه
تشرفت بكم وحشنا
تحياتي

[ضيف المهاجر]

ابو الروووووووووووز ...
يا بو الورق الجوز ...

ايه ايه ... هو الورق حيخلص من السوق ولا إيه ..
ابسطها يا عم ...

رائع بثرثراتك أيها الارز ...

تحياتي

[هُمى الروح]

تك ، تك ، تك


أنهض يا صاحي يا نائم


يا ساهي يا لاهي





الدنيا تتعرى اليوم


أفتح عيني .. ماذا ..؟


الدنيا تتعرى ..؟


كيف .. ؟






أغمض عيني .. أغض النظر ..


والدنيا .. تطفق تريد ورق


تستر عورتها ..!





والورق غير موجود ..!




هو الشيطان وسوس لها أول مرة


بــ / حرقِ وجودها وسط النعيم





وتعرت .. ولا يوجد ورق يسترها ..




أكيد أنا في حلم ..؟





نعم ..بـ / الأمسِ ..


كانت سلة مهملاتي تغص بـ / الورقِ



أكتب حرف


لا ، لا .. خطي ليس بـ / جميل ..


وأقطعها .. دفتري كبير ومليان ورق



وحرف يجر حرف


وقطع يجر قطع


ودفتر يجر دفتر


والدنيا تكمل طريقها


بــ / نفسِ المنوال ..





**





مدرسة صفا ..


تحية العلم ..


إلى الصفوف معتدل سر ..!





عصا .. حواجب غاضبة ..!





الواجب ..؟


فين الواجب يا موسى ..؟




أستاذة .. الدفتر خلص ..





إيه .. يا كذاب ..


هــ / أخلص دمك اليوم ..




والله أستاذة .. رحت دكان بابوه


ماشي ورق


ورحت مكتبة العم سالم ..




وما في .. دفتر ..






وأنا يا أستاذتي مهتم بــ / الواجب ..كثير


ويضحك الخبيث من تحت لـ / تحت


عمت عينه بليد ويتقاطر بلادة




وأسمع قصة الورق منه




ويقول .. رحت للشجر اسأله فين الورق


سكت عني الشجر


وركلني بعيد عنه





طبيعي يا موسى .. هو أنت كنت تهتم


بـ / الواجب يوم كان في ورق





ويضحك .. وأضحك أنا ..


وطلعت أخبث منه ..




عادي يا موسى .. بما إن قلبك


متأثر لـ / عدم كتابة الواجب ..!




لسه الدنيا فيها خشب ..!


جيب فحمة وأكتب الواجب عليها


جميل نرجع الماضي يا طالبي العزيز ..!


ويبكي .. وأضحك أنا ..!




قال ما في ورق .. قلت الخشب موجود..!





**






ويبكي ( عبدالرحمن ) ..


ماما .. عاوز .. ورق


عاوز .. أصنع طيارة ..


أطير فيها في الجو


أسافر للفضاء


من فوق أسلم عليك


وأكون طيّار زي بابا ..!





والورق .. أنتهى من الدنيا ..


وعبدالرحمن يبكي ..





قتلنا أحلام الأطفال


بـ / إهمالنا ..




كيف عبدالرحمن


بيكون طيّار دون طيارة ورق ..!؟





**



وزحمة .. في كلِّ مكان زحمة ..


وصدمني بـ / سيارته اللاند كروزر ..




أتنرفزت .. أحترقت


سيارتي الجديدة


الحلوة ، الجميلة


صدمها الرجل دا ..


هــ أفرمه ..





هــ / أشتكي للشرطة ..


ولمة وحشرة ..


البطاقات الشخصية ..


الشرطة .. يا أخوان حصل خير ..





انتوا أخوات ..


أخوات ..


أنتِ .. هُمى بنت الخريف النائم


وهو .. هرم بن الخريف النائم .. !





يعني هو أخوي ..؟


الورق قال كذا ..!




و هو في ورق لسه..؟


والشرطي يسجّل المخالفة ..


نعم .. ومن قال في أزمة ورق أصلاً ..


أبحثي .. يجوز في أوراق تربطك بـ / أخوات غيره ..!





**





ومساء الزهر يا أرزنا


:37: ومشكلة الورق


ما أدري لوين خليتني أسافر




ورق ، ورق ، ورق


هارب من بيوتنا


خاصمنا وهرب


وقال خلو ورق الووردْ ينفعكم..!





مشاكسة راقت لي كثيراً كثيراً


ليس بـ غريب لـ بحر حرفك


نشيط جداً في كل مكان يكتب




تقديري يا مبدع

[alarz]

ابو الروووووووووووز ...
يا بو الورق الجوز ...

ايه ايه ... هو الورق حيخلص من السوق ولا إيه ..
ابسطها يا عم ...

رائع بثرثراتك أيها الارز ...

تحياتي


حبيبي يا ضيف
والله واحشني
اغلط وهات اللي بالي بالك وزرنا يا رجل
في انتظارك
:
:)
لا طبعا اكيد
الورق عمره ما هي يخلص
:
شكرا لمرورك الكريم

[alarz]

تك ، تك ، تك




أنهض يا صاحي يا نائم



يا ساهي يا لاهي





الدنيا تتعرى اليوم



أفتح عيني .. ماذا ..؟



الدنيا تتعرى ..؟



كيف .. ؟






أغمض عيني .. أغض النظر ..



والدنيا .. تطفق تريد ورق



تستر عورتها ..!





والورق غير موجود ..!




هو الشيطان وسوس لها أول مرة



بــ / حرقِ وجودها وسط النعيم





وتعرت .. ولا يوجد ورق يسترها ..




أكيد أنا في حلم ..؟





نعم ..بـ / الأمسِ ..



كانت سلة مهملاتي تغص بـ / الورقِ




أكتب حرف



لا ، لا .. خطي ليس بـ / جميل ..



وأقطعها .. دفتري كبير ومليان ورق




وحرف يجر حرف



وقطع يجر قطع



ودفتر يجر دفتر



والدنيا تكمل طريقها



بــ / نفسِ المنوال ..





**





مدرسة صفا ..



تحية العلم ..



إلى الصفوف معتدل سر ..!





عصا .. حواجب غاضبة ..!





الواجب ..؟



فين الواجب يا موسى ..؟




أستاذة .. الدفتر خلص ..





إيه .. يا كذاب ..



هــ / أخلص دمك اليوم ..




والله أستاذة .. رحت دكان بابوه



ماشي ورق



ورحت مكتبة العم سالم ..




وما في .. دفتر ..






وأنا يا أستاذتي مهتم بــ / الواجب ..كثير



ويضحك الخبيث من تحت لـ / تحت



عمت عينه بليد ويتقاطر بلادة





وأسمع قصة الورق منه




ويقول .. رحت للشجر اسأله فين الورق



سكت عني الشجر



وركلني بعيد عنه





طبيعي يا موسى .. هو أنت كنت تهتم



بـ / الواجب يوم كان في ورق





ويضحك .. وأضحك أنا ..



وطلعت أخبث منه ..




عادي يا موسى .. بما إن قلبك



متأثر لـ / عدم كتابة الواجب ..!




لسه الدنيا فيها خشب ..!



جيب فحمة وأكتب الواجب عليها



جميل نرجع الماضي يا طالبي العزيز ..!



ويبكي .. وأضحك أنا ..!




قال ما في ورق .. قلت الخشب موجود..!





**






ويبكي ( عبدالرحمن ) ..



ماما .. عاوز .. ورق



عاوز .. أصنع طيارة ..



أطير فيها في الجو



أسافر للفضاء



من فوق أسلم عليك



وأكون طيّار زي بابا ..!





والورق .. أنتهى من الدنيا ..



وعبدالرحمن يبكي ..





قتلنا أحلام الأطفال



بـ / إهمالنا ..




كيف عبدالرحمن



بيكون طيّار دون طيارة ورق ..!؟





**




وزحمة .. في كلِّ مكان زحمة ..



وصدمني بـ / سيارته اللاند كروزر ..





أتنرفزت .. أحترقت



سيارتي الجديدة



الحلوة ، الجميلة



صدمها الرجل دا ..



هــ أفرمه ..





هــ / أشتكي للشرطة ..



ولمة وحشرة ..



البطاقات الشخصية ..



الشرطة .. يا أخوان حصل خير ..





انتوا أخوات ..



أخوات ..



أنتِ .. هُمى بنت الخريف النائم



وهو .. هرم بن الخريف النائم .. !





يعني هو أخوي ..؟



الورق قال كذا ..!




و هو في ورق لسه..؟



والشرطي يسجّل المخالفة ..



نعم .. ومن قال في أزمة ورق أصلاً ..



أبحثي .. يجوز في أوراق تربطك بـ / أخوات غيره ..!





**





ومساء الزهر يا أرزنا



:37: ومشكلة الورق



ما أدري لوين خليتني أسافر




ورق ، ورق ، ورق



هارب من بيوتنا



خاصمنا وهرب



وقال خلو ورق الووردْ ينفعكم..!





مشاكسة راقت لي كثيراً كثيراً



ليس بـ غريب لـ بحر حرفك



نشيط جداً في كل مكان يكتب





تقديري يا مبدع



اروح منك فين يا همى
قلمك ده مالوش حل :)
تصدقي
نفسي اقولك انت لو كنتي طلعتي
مخرجة تليفزيون وسينما او كاتبه سيناريو
كان العالم اياهم قعدو في البيت
خيالك الخصب اجنحته لا تكل ولا تمل
:)
أما الورق يا همى
انا ضاع ثلاث ارباع عمري بين الورق وورق المراجع
والاخر أخدنا شهادات ورق واتعينا بالورق
وكل يوم بكتب دوا عالورق واقرأ ورق
لما كرهت شيء اسمه ورق :)
:
يقطع ابليسك ضحكتيني والله يا همى
اسعدك الله

[أريج الروابي]

ورقة..ورقة..ورقة
بحب الورق..و بموت في الورق
بس يا خسارة..ملِّ مني و زهق..
قلت لنفسي ححاول أصالحو..
قالي : ليه يا ختي..؟
فيه حد ينسى جرحو..؟
قعدت أمدح فيه..
و اتحايل عشان أراضيه......
((يا جميل انت يا قمر..
بحبك في كل الصور..
ورقة فجيبي..و ورقة فشنطتي..
و بورق ملون..بتستر بونبونتي..
يا حلو انت يا سيدهم..
يا للي بوجودك مغلبهم..
ارض عني و بلاش تسبني..
و ارجع لينا
و بطلبي طاوعني..))
قال لي
((فاكرة نفسك كوفي عنان..
يا دوبك مفاوضة عشان أرجع
يا ختي غوري ..صابك جنان..
خلي دنيتكم..بغيابي تتوجع..
حرام عليا أعيش معاكم..
و أشيل همومكم و استر عيوبكم..
زهقان يا ناس سيبوني فحالي
اعيد حساباتي..و ارتب نفسي
و فكرو فطريقة غير جثتي..
تلم افكاركم و أسراركم..
و تتحفظ بيها أملاككم و أموالكم..
مش انتو دلوقتي في التكنولوجيا
اللي قتلتني و خلتني موميا..
ياااااه يا أيام زمان..
يوم ما كان الورق في أمان..
و كان غالي عند الناس
و فصناعتهم حاجة أساس
و في الألفية الثالتة..
بارت بناتي..و بقت رخيصة
كولو بالدجيتال و الكرت ..
الناس بيها عملت هيصة..
و خلتني بينكو زي الزفت..
روحي سبيني..قلبي واجعني
من حسرتي و هم سكني..))
و أنا دلوقتي ..حايرة فأمري
و بعد شوية هينفذ صبري..
عايزة ورق أكتب عليه
و دوِّن حجاتي بين سطوره
بحبو قوي و بموت فيه
كلمة يمكن..تطيب شعوره

و يعيش يعيش يعيش
الورق .. الورق

** ** ** ** ** ** ** **

لا لا لا يا الأرز
كرهت الورق؟؟

أهو زعل و سابنا
هنعمل ايه دلوقتي..؟؟

متجدد كعادتك أيها الألق
من الجميل أن نستشعر الأشياء بجانبنا
و نخلق جو الحوار معها

مين عارف مش يمكن فيوم الورق يتكلم
كلو جايز..

تقبل مروري و خربشتي
و دمت بود أستاذنا

**أريج..

[alarz]

ورقة..ورقة..ورقة

بحب الورق..و بموت في الورق
بس يا خسارة..ملِّ مني و زهق..
قلت لنفسي ححاول أصالحو..
قالي : ليه يا ختي..؟
فيه حد ينسى جرحو..؟
قعدت أمدح فيه..
و اتحايل عشان أراضيه......
((يا جميل انت يا قمر..
بحبك في كل الصور..
ورقة فجيبي..و ورقة فشنطتي..
و بورق ملون..بتستر بونبونتي..
يا حلو انت يا سيدهم..
يا للي بوجودك مغلبهم..
ارض عني و بلاش تسبني..
و ارجع لينا
و بطلبي طاوعني..))
قال لي
((فاكرة نفسك كوفي عنان..
يا دوبك مفاوضة عشان أرجع
يا ختي غوري ..صابك جنان..
خلي دنيتكم..بغيابي تتوجع..
حرام عليا أعيش معاكم..
و أشيل همومكم و استر عيوبكم..
زهقان يا ناس سيبوني فحالي
اعيد حساباتي..و ارتب نفسي
و فكرو فطريقة غير جثتي..
تلم افكاركم و أسراركم..
و تتحفظ بيها أملاككم و أموالكم..
مش انتو دلوقتي في التكنولوجيا
اللي قتلتني و خلتني موميا..
ياااااه يا أيام زمان..
يوم ما كان الورق في أمان..
و كان غالي عند الناس
و فصناعتهم حاجة أساس
و في الألفية الثالتة..
بارت بناتي..و بقت رخيصة
كولو بالدجيتال و الكرت ..
الناس بيها عملت هيصة..
و خلتني بينكو زي الزفت..
روحي سبيني..قلبي واجعني
من حسرتي و هم سكني..))
و أنا دلوقتي ..حايرة فأمري
و بعد شوية هينفذ صبري..
عايزة ورق أكتب عليه
و دوِّن حجاتي بين سطوره
بحبو قوي و بموت فيه
كلمة يمكن..تطيب شعوره


و يعيش يعيش يعيش
الورق .. الورق


** ** ** ** ** ** ** **


لا لا لا يا الأرز
كرهت الورق؟؟


أهو زعل و سابنا
هنعمل ايه دلوقتي..؟؟


متجدد كعادتك أيها الألق
من الجميل أن نستشعر الأشياء بجانبنا
و نخلق جو الحوار معها


مين عارف مش يمكن فيوم الورق يتكلم
كلو جايز..


تقبل مروري و خربشتي
و دمت بود أستاذنا


**أريج..



:)
إشهد يا ورق
البُساط من تحت الارز في العامية اتسرق
جميل جدا انسياب عاميتك اريج واللهم لا حسد
اراكِ وهمى في العامية ( لبلب )
اشكر لكِ اريج هذا التفاعل الجميل حيث تناول
بين السطور الكثير الكثير
العامية سواء مصرية أو غيرها تصل لشريحة هائلة
من الناس وتأثيرها أبلغ وأبلغ
سلمت الايادي

[عاشق السمراء]

(( مساء جميل !! ))

فعلا ازمة ورق ..
هو ليه الورق اصبح ازمه ..
..
الارز ..
لا غريب عليك حرفك المتجدد
الفكرة راقية ..
والمفردات .......... اعجبتني !!

والحقيقة ..
(( كلنا اصبح ورق )) ..

..
تقديري !!

[alarz]

(( مساء جميل !! ))




فعلا ازمة ورق ..
هو ليه الورق اصبح ازمه ..
..
الارز ..
لا غريب عليك حرفك المتجدد
الفكرة راقية ..
والمفردات .......... اعجبتني !!


والحقيقة ..
(( كلنا اصبح ورق )) ..


..


تقديري !!



العاشق الحبيب
شكرا لهذه المتابعة الخضراء
:
بلا شك الأزمة اشاعة مفتعلة
محال ان يختل الرواج في سوق الورق
كُثُرٌ يزاحمون الورق والورق براء من خصالهم
:)
من يدري قد نُعد قائمة بالناس الورق
ونكتب على ظهورهم بدلا من الورق
:
السموحة
تخاريف ليلية
:
دمت في عالم التالق
تحياتي

[زنبقةُ الحرف]

أول ما قرأت عنوان خاطرتك ..
رحت ألم الورق الي بالبيت وأخبي ..
هههههه
ارزنا المتجدد والمتألق جميل هذا الخيال ..
أمتعتنا بالقراءة فعلا ..
دام حرفك نابضا ..
تحياتي

[alarz]

أول ما قرأت عنوان خاطرتك ..

رحت ألم الورق الي بالبيت وأخبي ..
هههههه
ارزنا المتجدد والمتألق جميل هذا الخيال ..
أمتعتنا بالقراءة فعلا ..
دام حرفك نابضا ..

تحياتي


:)


رغم ان كل شي في الدنيا هذه يا ملكه
له في الدنيا فائدة مهما كان هذا الشيء
لكن الورق ده حكاية :) ومستحيل تخلص
والدليل
اثنين بيدرسو سويا
احدهم قال للاخر احنا تاعبين نفسنا وبنذاكر وبنسهر ليه
الثاني قال
لاجل ما ننجح
الاول قاله
حاجة من اتنين يا ننجح يا نرسب
رسبنا .... نو بروبليم
نحجنا .. قُدمنا حاجة من اثنين
يا ندخل كلية ... يا ندخل الجيش
دخلنا كلية .. نو بروبليم
دخلنا الجيش
قدمنا حاجة من اتنين
يا ندخل ضباط .. يا ندخل جنود
دخلنا ضباط ... نو بروبليم
دخلنا جنود
قدمنا حاجة من اثنين
يا نخدم في المدينة .. يا نروح الجبهة
نخدم في المدينة .. نو بروبليم
نروح الجبهة ..
قدمنا حاجة من اثنين
يا نتشمس .. يا نحارب
نتشمس ... نو بروبليم
نحارب
قدمنا حاجة من اتنين
يا نعيش .. يا نموت
عيشنا ... نو بروبليز
موتنا ....
قدمنا حاجة من اتنين
يا نندفن .. يا نتركن
ادفنا .. نو بروبيلم
اتركنا ...
قدمنا حل من اتنين
يا نتحلل .. يا تنفحم
اتحللنا .. نو بروبليم
اتفحمنا
قدمنا حل من اتنين
يا يحرقونا يا يصنعونا
حرقونا مفيش مشكلة
صنعونا قدمنا حل من اتنين
يا يبيعونا .. يا يخزنونا
باعونا .. نو بروبليم
خزنونا
قدمنا حل من اتنين
يا نتسرق .. يا نتفلق
نتسرق .. نو بروبليم
نتفلق
قدمنا حل من اتنين
يا نكون كربون بطارية
يا نكون اقلام رصاص
كربون بطارية نو بروبليم
اقلام رصاص
قدمنا حل من اتنين
يا نتبري .. يا نتقصف
نتبري .. نو بروبليم
نتقصف
قدمنا حل من اتنين
يا نلاقي بَراية
يا نكفيها حكاية
الصبح طلع
:
:)
تخاريف صباحية
:
صدعتك يا ملكة
ونسيتك ازمة الورق
:)

[أريج الروابي]

هههههههههههههه

لا أتمالك نفسي من شدة الضحك
حكاية و لا في الأحلام
و قدمنا حل من اتنين..
..
..
لغاية السنة الجاية

[alarz]

هههههههههههههه



لا أتمالك نفسي من شدة الضحك
حكاية و لا في الأحلام
و قدمنا حل من اتنين..
..
..
لغاية السنة الجاية



:)

تصدقي أريج
أنا حاولت اختصر الحكاية
لأن خُفت على ملكة الحب
تقرا المكتوب وما يكون امامها
غير حل واحد من اتنين .. تقتلني :)
:
سعيد بابتسامتكِ أريج
تحياتي