نصائح ( للعاشق) مش عاشق السمرا طبعا [الأرشيف]

alarz

04 - 06 - 2007, 01:30

(( نصائح للعاشق ))

عامية الارز

:

((1))

العشق .. العشق

العشق في الظاهر

إثنين في هيام ووسامة

العشق .. زي التلفاز

ألوان ونظام بولي سيستيم

راح تبقى نظام بولي عاشق

وفي قلبكياما ها تكتم

العشق

العشق .. ده .. حالة

يا نميها .. يا نغميها

:

بيقولوا

في العشق .. ها تعيش .. العز

عز . !!!!

ده في عز الظهر نجوم ها تشوفها

بيقولوا

في العشق .. ها تذوق الشهد

شهد !!!

لو عايز الجَد ويا الشهد مرار

وفصول

في فصول السنة ها تذوقها

:

نصيحة

خُدها نصيحة مني يا غالي

الحب والعشق … في الزمن الحالي

زمن القُصة .. وسوسو ولالي

زمن المخفي .. والمسيار والعرفي

واقع بيقول

العاشق .. إنسان .. حالم .. مسطول

انسان دايخ .. زي .. الداير في سواقي

يا جاري

يا جاري . في . العشق

كلف خاطرك .. واطلع سطحك

ها تلاقي سلوك وسلوك .. ها تلاقي سلكك مشبوك

في هوائي .. وهوائي العشق .. بيبث الحب الطياري

:

العشق ….. إنت وحظك

ده حكاية وتوته توته

يا تموت في القلب

يا نكملها .. ونرقصها بزغروطة

العشق

في الواقع دوامة

دهاليز .. الغاز .. وارقام

وسيناريو

بحلاوته .. ووحاشته

راح تغرق فيها

لو كنت أبو هيف العوام

العشق

ده أكبر مول .. ومحلاته كتيرة

فيه الحب .. وفيه النار والغيرة

فيه الرعشة

وفيه الدمعة .. لما بتيجي السيرة

وزي ما فيه الورد .. فيه الشـوك أكوم

ووصال .. وخصام .. وعتاب ومــلام

قالو العشق

أحلام .. ووعود وكلام

لو .. تتحقق

أحكام .. مأذون وشهود وأختام

فيا خالي من عشقك نام واصحى

وادرس ابعاده تمام

سيبك

سيبك من الشهد

سيبك مـ الشهد والتسبيلة والتنهيدة

قدامك خطوة جديدة

اعشق .. اعشق بتأني

خَليك جوة الجرة . واتأكد ميلون مرة

مـ الابيض والاسود والوردي والبمبي

واحسم ردك .. أحسم ردك

حواء مش سهلة .. أه من حواء

أه من حواء

( يتبع )

alarz

04 - 06 - 2007, 01:49

حواء مش سهلة .. أه من حواء

(2)

أه من حواء

حواء دي معادلة
شقة .. وشبكة .. وزفة ..ودبكة

وربطة في خِلفَــة تقولك واء

ها ينسوك اسم ابوك .. والعيشة ها تهدك

ها تكمل .. ولا ها تهرب أنت وجلدك

ها تكمل ….. ؟؟

أوكي

طب .. أوعاك

تتخدر .. لما تسبل بعيونها

وأوعاك

مكياجها يبحلقلك .. لما تغير لونها

وأوعاك

القشطة فوق الركبة .. أو تغريك بعطورها

وأوعاك تندب .. بخطوة

خطوة .. لو دبت من غير تفكير

رحت وتهت في مشوارها

يا عاشق

حواء طلباتها فرمان

تعرق .. تغرق .. تُولَع

اسمع .. نَفِذ .. وابسطها

حواء .. دي معادلة

خفتها .. حيويتها .. وراحتها

في الغالب .. بتوازي صِيغتها

صَيغ . صَيغ يا ابن الناس

هات ..هات

هات الاصفر هات الابيض .. هات الماس

هات لبن العصفور .. وتعالى بجيب مليان

ها تلاقي البسمة

ها تلقي الشوق بيزيد .. والدنيا بترخ حنان

حواء .. أه من حواء

(يتبع)

أريج الروابي

04 - 06 - 2007, 02:30

استرسل في نقمتك على حواء
فلي عودة إن شاء الله

alarz

04 - 06 - 2007, 06:12

استرسل في نقمتك على حواء

فلي عودة إن شاء الله

اريج العزيزة

وهل لاسترسالي رتم دون اريجكِ

تسعدني نسمات حروفكِ هلا هلا

الابواب مشرعة لعودتكِ العطرة

أما نقمتي على حواء

حواء على العين والراس

لكنها نصائح من باب المناكشة

:)

alarz

04 - 06 - 2007, 06:20

(3)

حواء .. أه من حواء

لو قصرت . وتأخرت

أو طنشت إشارة بصباعها

عالرابع

راح تقلب غول .. غول .. في طباعها

تقعد لك عا الوحدة .. وتشوفك مـ الراجل نُص

وجنابك متشنكل على واحدة ونص

تتنطط .. تترقص .. ها تشقلب حالك

ويا ويلك .. لو .. مش .. عاجبك

أو منك … تنهيدة .. أوف .. بتسمعها

أو يغلط وشك يوم

ويفوت تكشيرة .. بعين تلمحها

لو أخرس .. غمض عينك لا تتهور

ًمكن نظرة شكوى تخونك

وتشوفها الهانم .. وتصور

وتصور اللي ها يجرى لك

لما عينك في الظلمة تنور

وساعتها نصيحة

خُد نَفَسَك .. لملم حالك .. الحق نَفسَك

أطوي الغيظ .. لقمة وابلعها

مشي أمورك واحفظ دورك

إمشي اتمخطر. زوج مش أكتر

فوت دايماً يا غلبان .. وارسم بسمة جنتلمان

رسم البسمة مسألة صعبة .. ؟

لا مـش صعبة .. طقطق ودنك يا حباب

عدي وفوت من أطخن باب

ارفع حاجب غمض عينك

شد شفايفك عالجناب

راح يظهر صفين اسنان زي البنور

ها تروق

وها تحلى في عيونها الصورة

ها تظنك .. ندمان .. ووديع وِسبور

ليلة ورا ليلة تلف تدور … أسد العاشق بقى عصفور

وادي حواء .. مهما تثور

إجباري .. في حبابي عنيك

ادفع يلا حِل الكيس .. ما تماطل لا تولع فيك

شفت العاشق يا غندور يا ولهان

حواء

يا تحق رغَبَاتها

يا مصيرك مستشفى جنان

:

عامية / الارز

احلاهن

04 - 06 - 2007, 12:42

اكثر شي مستشفى الجنان

بامانه

من راح يدخله

alarz

04 - 06 - 2007, 17:04

أهلا احلاهن منورة

والله يا احلاهن شي محير

من العاقل ومن المجنون

من وراء تلك الاسوار

او هذا العالم في مستشفى كبير

بصرف النظر يا احلاهن

نأتي إلى قضيتنا

:)

وبامانة أيضا

هل المثال الذي اشرت له في عاميتي

موجود ولا لا

:

تشرفت بزيارتك

عاشق السمراء

04 - 06 - 2007, 17:23

(( مساء جميل !! ))

كح كح كح
عفوا ..
لمحت هنا لغة العشق
هرولت ..
انت اذا ..
هناك مشاكسة !!
..
يا ايها الارز ..
دع النساء ..
قل جن جنونها منك
دع النساء ..
قد فاح عطرها منك
دع النساء
وتعال هنا علمني
كيف يخرج الحرف منك
..
سيدي ..
لا تزال نشاط غير منقطع !!
..

شموخ

04 - 06 - 2007, 20:57

يسلمووووووو

لا تعليق

alarz

05 - 06 - 2007, 02:05

(( مساء جميل !! ))

كح كح كح
عفوا ..
لمحت هنا لغة العشق
هرولت ..
انت اذا ..
هناك مشاكسة !!
..
يا ايها الارز ..
دع النساء ..
قل جن جنونها منك
دع النساء ..
قد فاح عطرها منك
دع النساء
وتعال هنا علمني
كيف يخرج الحرف منك
..
سيدي ..
لا تزال نشاط غير منقطع !!

..

:)

كحة ورشح

البرد عامل عاميله معاك يا عاشق :)

صباحك وردي أيها المستفز الأراري

شوف يا عاشق طلباتي :)

أنا عايز حب

:

أنا عايز حب .. ينبض في القلب

مش عايز حب .. يسقيني الغُلـب

مش عايز حب .. يطلعلي حكاية

مش عايز اتجنن .. ولا أقول

يا خسارة ... كان عقلي معايا

ولا اضيع نفسي .. والبسها جنايـة

:

ولا عايز حوا .. في جنونها اتهوا

وإن قولت يا حوستي .. ترازيني بغارة

تجري و تولول .. مــــن جارة لجارة

ولا اغمض عيني ... وتطفي النور

واتسلطن وانعس .. وفي ايدها ساطور

نفسين في سيجارة

وفي شربة مية

الاقيني بتعبىَ في اكياس وِشكـارة

ويا بخت القطة

لا تسيب لي علامـة .. ولا حتى أمارة

:

أنا عايز حب .. يفضل في القلب

مش عايز حب .. يسقيني الغُلـب

ولا رايح فين .. ولا جـــــاي منين

ولا فارد شعــرك .. وكالونيا لمين

ولا اقول اشمعنى

اشمعنى رقبتي .. كدة عالسكين

لو بصت عيني .. في شمال ويمين

او .. هربت نظرة .. كدة عالحلوين

أنا عايز حب .. يفضل في القلب

مش عايز حب يسقيني الغُلب

:

كلمات الأرز

تحياتي عاشقنا

alarz

15 - 06 - 2007, 04:48

يسلمووووووو

لا تعليق

:)

الله يسلمك جرح روحي

شكرا لهذه المتابعة والتواصل

واعتذر عن التاخير في الرد

ما الم بعمان الحبيب

جعلنا جميعا غير قادرين

على التواصل في ظل تلك الظروف

ونحمد الله ان اهلنا في عمان بخير

لذا تعمدت اليوم الرد لتحفيز الجميع

على العودة لسابق العهد في المشاركة والتواصل

دمتِ بخير

أريج الروابي

15 - 06 - 2007, 05:06

(( عايز حب يفضل بالقلب...

مش عايز حب يسقيك الغلب...!!!))

يا حراااااااااااااااااااااااااااااااااااااام

عايز حوا..خرسا و عميا ..

ما بتفهمش..

كل كلامها..أيوة و حاضر..

و ضحكة وش..

يعني عايزها..زي الدمية..

من غير أمرك..ما تتحركش..

لا..لا..لا.. يا آدم!!!

حواء دي...نبع الروح..

و ياما داوت...بالقلب جروح..

إن كانت أمك..و لا مراتك..

أو بنتك..بعبيرها تفوح..

بتغــــــــــــير..!!

بتغير عليك..أيوة صحيح..

من لهفتها..

و من نباهتها..خايفة عليك..

من ستات بينافسوها فيك..

خايفة عليك..

خايفة عليك..لفيوم تتغير..

و تقولها...تجديد مش أكتر..

كل ده كوم..و الثاني أكبر..

لما عليها ..تقعد تتأمر..

عايز ده....مش عايز ده..

سياسة قمعية...تقولش هتلر..!!

و المسكينة ليها خيارين..!!

و ما فيش غيرهم ..هما اتنين..!!

يا إما هتصبر على غلبك..

يا برضو هتصبر معاك سنين..

و بعد ده كلو بتعاتبها..

بتأكلها مرار العيشة..

و فضحكتها بتنسيها..

رضاك يا آدم شيئ محــــــــــــــال

و التفاهم معاك..مالوش مجال

و المثل الشعبي..لوه معاني..

و يمكن بكلمة ..يلخص كلامي..

(( يا مأمن الرجال...

يا مأمن الميه بالغربال..!!))

و أمانة...
مش المثال اللي أنا بتكلم عليه ده...

موجود فعلا في مجتمعتنا العربية..؟؟!!
***********
وعدتك بالعودة, و قد فعلت
و أعتذر إن كان في ردي بعض العنف
لكنه رد أنثى شهدت نقمتك على حواء
دمت بخير
تحياتــــــــــــــي..

**أريج..

alarz

16 - 06 - 2007, 01:52

:)
اريج

كما توقعت اكتشفت فيك مَلَكة العامية

لي عودة أكيد ان شاء الله للتواصل

بعد فحص الغُربال :)

انتظريني

alarz

19 - 06 - 2007, 01:09

(( عايز حب يفضل بالقلب...

مش عايز حب يسقيك الغلب...!!!))

يا حراااااااااااااااااااااااااااااااااااااام

عايز حوا..خرسا و عميا ..

ما بتفهمش..

كل كلامها..أيوة و حاضر..

و ضحكة وش..

يعني عايزها..زي الدمية..

من غير أمرك..ما تتحركش..

لا..لا..لا.. يا آدم!!!

حواء دي...نبع الروح..

و ياما داوت...بالقلب جروح..

إن كانت أمك..و لا مراتك..

أو بنتك..بعبيرها تفوح..

بتغــــــــــــير..!!

بتغير عليك..أيوة صحيح..

من لهفتها..

و من نباهتها..خايفة عليك..

من ستات بينافسوها فيك..

خايفة عليك..

خايفة عليك..لفيوم تتغير..

و تقولها...تجديد مش أكتر..

كل ده كوم..و الثاني أكبر..

لما عليها ..تقعد تتأمر..

عايز ده....مش عايز ده..

سياسة قمعية...تقولش هتلر..!!

و المسكينة ليها خيارين..!!

و ما فيش غيرهم ..هما اتنين..!!

يا إما هتصبر على غلبك..

يا برضو هتصبر معاك سنين..

و بعد ده كلو بتعاتبها..

بتأكلها مرار العيشة..

و فضحكتها بتنسيها..

رضاك يا آدم شيئ محــــــــــــــال

و التفاهم معاك..مالوش مجال

و المثل الشعبي..لوه معاني..

و يمكن بكلمة ..يلخص كلامي..

(( يا مأمن الرجال...

يا مأمن الميه بالغربال..!!))

و أمانة...
مش المثال اللي أنا بتكلم عليه ده...

موجود فعلا في مجتمعتنا العربية..؟؟!!
***********
وعدتك بالعودة, و قد فعلت
و أعتذر إن كان في ردي بعض العنف
لكنه رد أنثى شهدت نقمتك على حواء
دمت بخير
تحياتــــــــــــــي..

**أريج..

صباح الاريج

:)

بداية يا اريج ساحاول مسح الصورة الدارك اللي اخذتيها عني

وكأني هنا لمهاجمة حواء

:

يا حوا

يا حوا يا عيوني .. ويا قلبي

يا حوا ....

من حقي أدوق الحُب

واعيش الحُب .. واقول رأيي

أنا مسالم .. لا بهاجم

ولابجمع ، ولا بقسم ولا بطرح

ولا .. قصدي اطول حوا عشان اجرح

من حقي اعيش وافرح

والاقي في دُنيتِك مَطرَح

من حقي

ولو احلامي مأسورة

أنام واحلم .. واشوفك

حقيقة خيال أو صورة

من حقي

من حقي يا حوا من حقي

من حقي أكون واكون

أكون زاهد .. أكون عاشق

أكون عاقل .. أكون مجنون

ومن حقي يا حوا من حقي

ما تجوري على حبي وما تكابري

وما تحاولي تداري ... الحب وتخبي

أنا آدم

لا حول ولا قوة

بِدون حُبِك .... يا حوا

الأرز

:

نأتي يا أريج للمثل والمثال :)

يا مأمنة للرجال .. يا مأمنة للمية في الغُربال

صراحة العموم فيها ظلم

والظلم الأكبر

أن المرأة حتى وإن كانت جبروت

دائما تكسب التعاطف

لا ادري هل لبلاغة الدموع وتأثيرها على الاخرين

هل بسبب التصور السائد انها مهيضة الجناح

ربما

وربنا يستر

:)