طلب [الأرشيف] - منتدى نبض المعاني

عاشق السمراء

30 - 03 - 2007, 15:33

مساء جميل!!

عمر ..
اهلا بك اخي العزيز ..
طلبك غريب بعض الشئ ..
لكن سر خلطة الحلوى العمانية ..
أنها لا تخبر عن حالها ..
لهذا فهي مميزة ..
شكرا لهذا الاهتمام
ومن لديه اي معلومة عن طلب اخونا عمر .. يكون مشكورا بتوضيح الطريقة بالصور او بالمعلومات ..!!
........................ تقديري !!

كنوز

31 - 03 - 2007, 03:03

السلام هلا اخوي عمر
والله مع إني من الكويت ولكن هذه الطريقه اللي أعرفها و على فكره نسويها إحنا بالبيت و لذيذة وعلى فكره عندي خطه انا معاك
خلنا نروح محل ( عمان الخضراء ) بمنطقة حولي و اهم يسوون الحلوى جدامنا يعني نشوف و نعرف سر الخلطه ( ما عليك من عاشق يعرف بس ما يبي يقول لنا ) أعرفه نحيس ;18;
وعلى فكره اخوي عمر صعبه تحصل شرح بالصور لصناعة الحلوى ولكن اتمنى انه عاشق يسويها لها مع أخته و يصور الطريقه
هذه الطريقه اللي اعرفها وعلى فكره يبيلها إنك تجابلها يعني ما تترك المكان لأنه راح تحركها كثير :

المقــــــادير :-
10 كوب ماء 1 كوب نشاء + 1 كوب ماء ( طبعا يخلطون مع بعض )
5 كوب سكر 1 كوب زيت
1 فنجان هيل ناعم 2 ملعقة كبيرة زعفران
فستق ومكسرات لنضع بداخلها وللزينة 1 فنجان قهوة ماء ورد

الطريقة :-
نخلط جميع المقادير مع بعضها بعض وتترك على النار لمدة 3 ساعات تقريبا
وخلال فترة وفترة نحرك الخليط علشان ما يلصق بالجدر ونستخدم ملعقة خشبية أفضل فى عملية التحريك واذا مر عليها ساعتين نبدأ نحرك الخليط بصورة مستمرة بدون توقف تقريبا 40 دقيقة أو أقل يعنى لحد ما يغلظ القوام ويصير مثل الشيرة وبعدها نضع المكسرات ونرفعها عن النار ونضعها بعلبه نايلون مربعه أو دائرية ونرش الوجه أيضا بالفستق وهيل ناعم أيضا
وبالعافية ..