يقول انا ابيك ؟؟؟؟؟؟؟؟؟؟؟

[همس الندى]

جاني بعد مامشى خلفي يباريني


جاني بعد ماخلص حكي الغزل عنده


جاني بقوله00على كيفي ويبغيني


وانه مضى عام وانا دايـــــــم اصــده


يقول انا ابيك girl friend تعطيني


من منهل الحب في مزحه وفي جــده


مده قصيره00مع الايام ترضيني


كلك غموض وانا اعجابي وصل حده


بكشف غموضك غصب عنك وطيعيني


انا ادب اطلبك ماهـــــو طلب شـــده


وقفت له00 وبشموخ ترفضه عيني


الزم حدودك عن الزلات لي صـــــــده


ابعد وراجع حساباتك00 بذا الحيني


وترك ستار الخجل لاتحاول اتشده


ترى حدود الصبر فاضت ولافيني


ابعد وحاذر تجي الضربات مرتده


بنت القبايل انا مارضى توديني


نزوة خطا00 ياولد لشموخي اتهده


كيف اتمرغ بدرب الذل يشقيني


حر الخطا00ياولد 000لعنات ممتده


لا00ماتوطى لدرب الذل لو فيني


حطيت ثقلك ذهب يابن العرب عده


ماهي انا من يبيع الزين بالشيني


حتى ولو زادت الاثمان لـــي رده


ماانزع حياي احترام النفس يكسيني


اغضي البصر عنك واذا شفتك ارده


اذا الورود المستها كفوف ويديني


يبهت شذاها وتذبل ماخذت مـــــده


واذا الجواهر توطت الارض والطيني


تصدي ويرخص ثمنها مالها عـــده


حصن الفتاه الحيا00 والعقل00 والديني


وترى00 الحيا والشرف تصعب لها الرده

[عاشق السمراء]

مساااااااااااااااء جميل ...

للندى همس ..

وأنا اشهد بهذا القول ..

جميل ما وضعتِ هنا ..

ونسأل الله الهداية للجميع !!

(( حرف ))

اعرفك يا بنت اعرفك زين ..
بنت النشامى قول وفعل ..
ما تعرفي اللعب على الحبلين ..
كان قلتي قول ..
صار القول بلحظة فعل !!

[عبدالله اليعقوبي]

يسلم لسانك

يابنت الشرف الأصيل

تحيتي على هذا الجمال الشامخ

تحيتي لك على قمة العزة

[مرهف الاحساس]

.... عزيزتي .. همس الندى ...

... كلمات جميلة ... ومعاني جليلة ...

... واسمحيلي ان اقول ... في عجالة ...

.. سلمت يمينك على ابداعك ولك مني ..

... تحية طيبـــــة تهـــدى لــك بشده ...

.. سطرت لأ حلا المشاعر شعرك بفني ...

... جمايلك ما احـــد يحصي لها عده ...
.. تبقين بنت الرجــــال اقولها عني ...
... كلمة وفاء قـــالها شاعر وذا رده ...

.... اشكرك ودمت بصحة وعافية ...

_________________________
*** مرهــــــ الاحساس ــــــــــــف***