عازف القلم
24 - 04 - 2006, 06:14
๑ஜ๑ஜ๑ أسْـطُـورَة زِمَـانِـيْ ๑ஜ๑ஜ๑
.
.
.
خلفية موسيقية (http://www.naseemalrooh.net/naseem/sounds.php?mqtaa=525)
يا بحور الشعر كوني بالعدد كثر الثواني
__________ من زمن حوّاء إلين آخر رحم ينجب جنينه
بي سفينة من مشاعر ما تكفّيها مواني
__________ والشعر عشرة بحورٍ ما توفّي هالسفينة
الشعر في شكله واحد من زمانه الأولاني
__________ له طواريقٍ قديمة يتّبعها ناظمينه
واللي يشعر يحتطب لكن بواديه المعاني
__________ والحطب هو سر حرفه والشعر شعلة حنينه
الحطب فيه الغضا بالنار الأول ما له ثاني
__________ وفيه عرفج في ثواني تشعله ويطفى بحينه
والسمر له ريح طيّب باشتعالاته تباني
__________ والتتن لا خير في ناره ولا خير ابدخينه
والأصيل ابن القبايل لا لفاله الضيف عاني
__________ أشعل العود الأصيل وطيّب الضيف ابيمينه
هذا كلّه من خشب له جذر متشتت يعاني
__________ يرضع نهود الترايب لجل من ياطا جبينه
بس مو كل زين زين وما هو كل زينٍ يزاني
__________ وبالمزاين اتزاين كل زين وكل زينة
والمباني ما اتشابه وان دعيناها مباني
__________ والمداين تختلف وان كان مفردهم مدينة
ياشعر علمني وشلون اصبح أسطورة زماني
__________ وكيف اخلي كل طفلٍ يبتدي ابحرفي رطينه
وكيف أعدّي هالسّما من دون ما أبرح مكاني
__________ وكيف ازلزل كل صدرٍ واحبس انفاسه رهينة
وكيف أخلي الشمس تشرق كلّ ما ينطق لساني
__________ ولما اسكت تعتذرلي في خشوع وفي سكينة
ولا تدري لا تحاول توصف احساسٍ غزاني
__________ والله انّي ما أبرضى لو تواصيفك رصينة
كيف أوفّي حقّ شخصٍ من شرايينه غذاني
__________ لين طالت قامتي من بعد نطفة مستهينه
كيف أوفّي حقّ مخلوق ابْحشا متنه كساني
__________ تسعة شهورٍ حملني ما اشتكى ضعفٍ وهينه
كيف أوفّي حقّ أمّي يا كبر ذنبه بياني
__________ كيف أوفّي قلعةٍ في مصحف الباري حصينه
كيف أوفي قمةٍ هي أعلى من شوفي وعياني
__________ كيف أوفّي نسمةٍ أحيا بها بس ما تبينه
كيف أوفّي شمعةٍ ماعت جوانبها عشاني
__________ دمعها زادٍ لها و"الأف" تطفيها غبينه
هي بشر في أرضنا بس طينها من كون ثاني
__________ والله اعلم هي ملاكٍ بسّ ماخذ شكل طينه
كل ما شلت القلم عقلي توسل بي ورجاني
__________ وش بينفعك القلم والفكر عاجز لا يعينه
يكفي انّك أسمك امّي هذا يشعرني ابهواني
__________ والأسد مهما تعالى كان شبلٍ في عرينه
ماني قادر أوصفك الوصف يا يمّه جفاني
__________ وانتى أدرى في عنادي وان راسي ما يلينه
والحقيقة ان وصفك عيا يتركني وشاني
__________ لين جاب الوصف خاضع رافعنلي ساعدينه
اعذريني لا مدحتك واسمحي غلطة بناني
__________ ينحنيلك راس شعري يا ذهب توّج جبينه
يا عصامية بنت من متنها سدٍ حماني
__________ واحتوتني ابكلّها والقلب هدتلي وتينه
المدينة إن سقيناها حصى تعطي مباني
__________ وانتي دنيا من عطايا وان سقيناها غبينه
والقمر يا يمّه واحد يا قمر يضوي زماني
__________ والقمر لامن فقدته وين أبلقى بايعينه
أنتي مو بس تاج راسي أنتي أسباب الجناني
__________ وأنتي روحي وأنتي عمري وأنتي أحضاني الأمينة
لا ضحكتي ما أصدق أن بالدنيا أناني
__________ ولا ابتسمتي ما أصدق يبقى في العالم ضغينة
ولا بكيتي كنَّ همَّ الكون كلّه بالمحاني
__________ ولا عصاك ابيوم دمعك تصبح افراحه سجينه
أسألك باللي من السبع انزل السبع المثاني
__________ لا حزنتي لا تجيني ودمع عينك تذرفينه
والله أني ما أبعرف أحضنك ولا أعاني
__________ ولا أشكي ولا أبكي ولا أسمع ما تبينه
صدقيني ما أبالغ لا حزنتي بس ثواني
__________ ودي أبذل كلِّ مالي بسّ ما شوفك حزينه
فدوةٍ لك كلَّ ما لي مو عطيّة بس عشاني
__________ ما أبي أخسر حياتي ابْسيف دمعٍ تشهرينة
ولو بيديني أشتري عنك الحزن تالي الزماني
__________ كان من دمّي شريته لا نفذ ما بالخزينه
أنتي دمي وآنا دمك كيف انا بانسى مكاني
__________ يوم كان اسمي جنينٍ يغتذيبك واتحمينه
وان عطيتك ما عطيتك ما أظن أقدر أداني
__________ نص حقك ولا ربعه ولا أدنى ما ترينه
يكفي انّي أنسى نفسي لاذكرتك في كياني
__________ وانسى اسمي وانسى لوني وانسى كل العالمينه
يا بعد فواز أنتي يا بعد كل من دعاني
__________ يا بعد هالعالم انتي والسماوات المتينه
البدر باسمك تسمّى يا عصب عظم المحاني
__________ والشفق لجلك تحنّى لا وقفتي اتطالعينه
الله اللي بك حباني وأشهد أن الله كفاني
__________ واشهد أنه ما ظلمني وما ظلم حدٍ بدينه
أسألك بالله يا أمي، بربٍ بك حباني
__________ بالعزيز اللي دفنلك جنّته تحتك رهينه
تغفريلي كل غلطة وكل زلة من لساني
__________ وكل حرف وكل فعل وكل ما يخفى ويبينه
خايفٍ ربي وخايف دعوتن تنطر دفاني
__________ دعوتن تنصرك منّي وان بكى قلبك دفينه
دعوةٍ تحرم ظنينك لا غدت كل الأماني
__________ "جنةٍ يلقاك فيها" قبل قصره وحور عينه
أوعدك مادمت حي اني أغطيك ابحناني
__________ واوعديني تذكريني لا وقف قلبي رنينه
لجلك استنزف خفوقي كل لحظة وكل آني
__________ وان قضى نزفه خفوقي اجرح اجروحي واعينه
لجلك أبنيلك قصيدة مالها في الكون ثاني
__________ يا أهم انسان عندي بين كل العالمينه
هاذي الخمسين تبطي تختصرلك امتناني
__________ ماهي حقّك لا وربّي دون حقّك يا الثمينة
ولو قضيت أيام عمري أنظم أشعار وأغاني
__________ ما بوفّي حق "ظفرك" ولا شيٍ تلمسينه
.
.
.
.
.
.
.
.
.
.
.
.
.
.
.
๑ஜ๑ஜ๑ أسْـطُـورَة زِمَـانِـيْ ๑ஜ๑ஜ๑
عازف القلم
08/03/2006
.
.
.
خلفية موسيقية (http://www.naseemalrooh.net/naseem/sounds.php?mqtaa=525)
يا بحور الشعر كوني بالعدد كثر الثواني
__________ من زمن حوّاء إلين آخر رحم ينجب جنينه
بي سفينة من مشاعر ما تكفّيها مواني
__________ والشعر عشرة بحورٍ ما توفّي هالسفينة
الشعر في شكله واحد من زمانه الأولاني
__________ له طواريقٍ قديمة يتّبعها ناظمينه
واللي يشعر يحتطب لكن بواديه المعاني
__________ والحطب هو سر حرفه والشعر شعلة حنينه
الحطب فيه الغضا بالنار الأول ما له ثاني
__________ وفيه عرفج في ثواني تشعله ويطفى بحينه
والسمر له ريح طيّب باشتعالاته تباني
__________ والتتن لا خير في ناره ولا خير ابدخينه
والأصيل ابن القبايل لا لفاله الضيف عاني
__________ أشعل العود الأصيل وطيّب الضيف ابيمينه
هذا كلّه من خشب له جذر متشتت يعاني
__________ يرضع نهود الترايب لجل من ياطا جبينه
بس مو كل زين زين وما هو كل زينٍ يزاني
__________ وبالمزاين اتزاين كل زين وكل زينة
والمباني ما اتشابه وان دعيناها مباني
__________ والمداين تختلف وان كان مفردهم مدينة
ياشعر علمني وشلون اصبح أسطورة زماني
__________ وكيف اخلي كل طفلٍ يبتدي ابحرفي رطينه
وكيف أعدّي هالسّما من دون ما أبرح مكاني
__________ وكيف ازلزل كل صدرٍ واحبس انفاسه رهينة
وكيف أخلي الشمس تشرق كلّ ما ينطق لساني
__________ ولما اسكت تعتذرلي في خشوع وفي سكينة
ولا تدري لا تحاول توصف احساسٍ غزاني
__________ والله انّي ما أبرضى لو تواصيفك رصينة
كيف أوفّي حقّ شخصٍ من شرايينه غذاني
__________ لين طالت قامتي من بعد نطفة مستهينه
كيف أوفّي حقّ مخلوق ابْحشا متنه كساني
__________ تسعة شهورٍ حملني ما اشتكى ضعفٍ وهينه
كيف أوفّي حقّ أمّي يا كبر ذنبه بياني
__________ كيف أوفّي قلعةٍ في مصحف الباري حصينه
كيف أوفي قمةٍ هي أعلى من شوفي وعياني
__________ كيف أوفّي نسمةٍ أحيا بها بس ما تبينه
كيف أوفّي شمعةٍ ماعت جوانبها عشاني
__________ دمعها زادٍ لها و"الأف" تطفيها غبينه
هي بشر في أرضنا بس طينها من كون ثاني
__________ والله اعلم هي ملاكٍ بسّ ماخذ شكل طينه
كل ما شلت القلم عقلي توسل بي ورجاني
__________ وش بينفعك القلم والفكر عاجز لا يعينه
يكفي انّك أسمك امّي هذا يشعرني ابهواني
__________ والأسد مهما تعالى كان شبلٍ في عرينه
ماني قادر أوصفك الوصف يا يمّه جفاني
__________ وانتى أدرى في عنادي وان راسي ما يلينه
والحقيقة ان وصفك عيا يتركني وشاني
__________ لين جاب الوصف خاضع رافعنلي ساعدينه
اعذريني لا مدحتك واسمحي غلطة بناني
__________ ينحنيلك راس شعري يا ذهب توّج جبينه
يا عصامية بنت من متنها سدٍ حماني
__________ واحتوتني ابكلّها والقلب هدتلي وتينه
المدينة إن سقيناها حصى تعطي مباني
__________ وانتي دنيا من عطايا وان سقيناها غبينه
والقمر يا يمّه واحد يا قمر يضوي زماني
__________ والقمر لامن فقدته وين أبلقى بايعينه
أنتي مو بس تاج راسي أنتي أسباب الجناني
__________ وأنتي روحي وأنتي عمري وأنتي أحضاني الأمينة
لا ضحكتي ما أصدق أن بالدنيا أناني
__________ ولا ابتسمتي ما أصدق يبقى في العالم ضغينة
ولا بكيتي كنَّ همَّ الكون كلّه بالمحاني
__________ ولا عصاك ابيوم دمعك تصبح افراحه سجينه
أسألك باللي من السبع انزل السبع المثاني
__________ لا حزنتي لا تجيني ودمع عينك تذرفينه
والله أني ما أبعرف أحضنك ولا أعاني
__________ ولا أشكي ولا أبكي ولا أسمع ما تبينه
صدقيني ما أبالغ لا حزنتي بس ثواني
__________ ودي أبذل كلِّ مالي بسّ ما شوفك حزينه
فدوةٍ لك كلَّ ما لي مو عطيّة بس عشاني
__________ ما أبي أخسر حياتي ابْسيف دمعٍ تشهرينة
ولو بيديني أشتري عنك الحزن تالي الزماني
__________ كان من دمّي شريته لا نفذ ما بالخزينه
أنتي دمي وآنا دمك كيف انا بانسى مكاني
__________ يوم كان اسمي جنينٍ يغتذيبك واتحمينه
وان عطيتك ما عطيتك ما أظن أقدر أداني
__________ نص حقك ولا ربعه ولا أدنى ما ترينه
يكفي انّي أنسى نفسي لاذكرتك في كياني
__________ وانسى اسمي وانسى لوني وانسى كل العالمينه
يا بعد فواز أنتي يا بعد كل من دعاني
__________ يا بعد هالعالم انتي والسماوات المتينه
البدر باسمك تسمّى يا عصب عظم المحاني
__________ والشفق لجلك تحنّى لا وقفتي اتطالعينه
الله اللي بك حباني وأشهد أن الله كفاني
__________ واشهد أنه ما ظلمني وما ظلم حدٍ بدينه
أسألك بالله يا أمي، بربٍ بك حباني
__________ بالعزيز اللي دفنلك جنّته تحتك رهينه
تغفريلي كل غلطة وكل زلة من لساني
__________ وكل حرف وكل فعل وكل ما يخفى ويبينه
خايفٍ ربي وخايف دعوتن تنطر دفاني
__________ دعوتن تنصرك منّي وان بكى قلبك دفينه
دعوةٍ تحرم ظنينك لا غدت كل الأماني
__________ "جنةٍ يلقاك فيها" قبل قصره وحور عينه
أوعدك مادمت حي اني أغطيك ابحناني
__________ واوعديني تذكريني لا وقف قلبي رنينه
لجلك استنزف خفوقي كل لحظة وكل آني
__________ وان قضى نزفه خفوقي اجرح اجروحي واعينه
لجلك أبنيلك قصيدة مالها في الكون ثاني
__________ يا أهم انسان عندي بين كل العالمينه
هاذي الخمسين تبطي تختصرلك امتناني
__________ ماهي حقّك لا وربّي دون حقّك يا الثمينة
ولو قضيت أيام عمري أنظم أشعار وأغاني
__________ ما بوفّي حق "ظفرك" ولا شيٍ تلمسينه
.
.
.
.
.
.
.
.
.
.
.
.
.
.
.
๑ஜ๑ஜ๑ أسْـطُـورَة زِمَـانِـيْ ๑ஜ๑ஜ๑
عازف القلم
08/03/2006