المساعد الشخصي الرقمي

مشاهدة النسخة كاملة : بعد اذنك


النشوان
19 - 05 - 2005, 22:21
بعد اذنك.....

بعد اذنك اذا تسمحي
احبك
بعد اذنك ابي عطفك و
حنانك
ابي بعد اذنك
يرويني غرامك
بعد اذنك
انا احبك

وين القى مثل كلامك
والا وين القى مثل همسك
تشرق الشمس بسمك
وتغيب بجبينك
ألا يا قمر ضاوي
يا سلطانة افكاري
ألا يا مريحة بالي
لو عبدتك ترى مو كافي
ولو سجدت لك كفرت
بملة اجدادي

جنون الشوق
ساقني يمك
حافي الحب جيتك
بكل احساس ناديتك
بصدق العاطفه خصيتك
يا قلبها وينك
بعد اذنك
حبيتك

ما ودك تجودي بكلامك
ما احس
الحب بسطورك
خوف هذا
والا غرورك
ورب الحب وربك
اصدق شعوري يمك
مسكنه اسمك
هوى قلبك

يا شوق
ارمي العالم ورا ظهرك
كل غالي يرخصلك
تدرين يا شوق !!
كل ليلة اشوف
القمر ونجوم السما
تدرين وش قلتله؟!
قلت:
يا قمر بعد اذنك
لا عاد اشوفك بهالمكان
اختلف وقتك والزمان
بعد اذنك
هذا المكان
لأغلى من يكون
ومن غيرها يكون
غلا الوجدان
جديد الأحلام
شفتي شلون صرت اتكلم
صرت بعشقك
لي مع القمر شان

همس حروف
وكثير بقى ما بان
ارفعي ستار الخوف
الحب توه بأمان
يا نهر صافي
يا اعذب الالوان
يا كاس كادي
يرويني بحنان
يعيش لكي الحب
ويبني قصوره هيام
ويعيش لكي الود
ويديم مني لكي الغرام

فرصه اخيره
ويا جود الوقت
نظرتي غريبه
وعلى اللساني حروف ثقيله
هذا هواي
لكن الحظ عيا يشيله
سبحان رامي الشوق
بين خل وخليله
وسبحان رافع الحب
ومصبر بالعنا عبيده

يا وقت وقف
يا زمن بعد اذنك دقيقه
يا عتمة العنا
شوفي لك طريقه
ودي ابوح بكلمة
يمكن كثير
عندهم ما هي غريبه
ودي اقول كلمة
بس تحترق
ما تعدت شفاتي
تموت الحروف الاربع
واحساسها فيني حريقه
بعد اذنك .. بعد اذنك
انا احبك
:83:
غـــايـــه
19 - 05 - 2005, 22:26
نشوان

ومن بعد اذنك

اقولك

سلمت الانامل اللى اجادت

بالوصف والمعانى الرائعه باختيار الكلمات
النشوان
19 - 05 - 2005, 22:58
غـــايـــه</B> (http://www.nabdh-alm3ani.net/nabdhat/member.php?u=3011) vbmenu_register("postmenu_125719", true);
وجودك هو الاروع واتمنا تواصلك معي واشكرك على التحفيز
mohammad
20 - 05 - 2005, 15:18
نجم جديد في سماء المنتدى
جميل ...............
عاشق السمراء
21 - 05 - 2005, 00:29
مسااااااااااااء جميل ...

،،،

(( النشوان ))
حضور له اتزان ..
له معنى الحرف ..
والاوزان ..!!
جميل منك هذا العطاء ..
وهذا التسلسل الجميل ..
بين الحروف !!
(( حرف ))
بعد أذنك
تعال ..
خاطري اهمس لك ..
ان الشوق طال ..
بعد اذنك ..
لو تجي ..
تمطر سماي حب ..
والورود تملء الدرب ..
والعطاء يسكن القلب ..
بعد اذنك ..
ابيك..
خاطري المس يديك ..
وعيني تناظر عينيك ..
وربي لو لا المسافة ..أجيك!!
ظــل القـمر
21 - 05 - 2005, 02:33
النشـوان ..

نبضـات الـحب

اعتـلت عـرش قلبك في حنين
فــ لتهنـأ بــ حبك الدفيـن

ولــ تروي عطش السنين
ولــ نُمتـع بــ حروفك نواظرنا
ولهـا نطلق عنـان مشاعرنـا


فــ دمت ودامت هذه الاطلالـه
بــ رونقـها



أختك

ظــل القمر
البوسعيدي,,,
21 - 05 - 2005, 09:11
سلمت يا سيدي على الدرر الثمينة الي كتبتها ..
النشوان
21 - 05 - 2005, 11:37
شكرا اخواني واخواتي على كلماتكم اتي تثلج الؤاد ......واوعدك بالجديد والاروع
السندباد
15 - 06 - 2005, 09:25
سبحان رامي الشوق
بين خل وخليله
وسبحان رافع الحب
ومصبر بالعنا عبيده

--------------------
سبحانه

جدميل نزف حرفك ، أسجل إعجابي وحضوري

تحياتي القلبية
:80: