عافوني

[عبدالله اليعقوبي]

ما كنت عارف يا خساره تعافـــــون
ما كنت عارف ذا الخجل كيف شلته

خلاص إبشر ما غدت ذيك لعيــــون
تشوف زولي دامك اليوم عفتــــــــه

أقول خلي الله أعلم بمكنــــــــــون
قلبٍ هواكم قد صرخ ضيم صمتـــــه

مسموح وادع بس يا ليت بالهــــون
أنا حبيبي جرحكم حيل شلتــــــــه

خلاص تنسى وخلني مثل ما اكون
واحد لقيت في الطريق وسألتــــــه

هذي جروحي يا حبيبي ينــــــادون
خذها حطب يوم بردك شعلتــــــــه

وانا أوعدك كلمة الآه بتكــــــــــــون
معزوف يطرب قلبك اللي ألفتـــــه

وأرجوك عاود يوم ربعك يملـــــــــون
وألعب بقلبي ذلك إللي جهلتــــــه

صدق حبيبي صار فكري كمجنـــون
آخر كلامة حكمة اللي عقلتــــــــه

[عاشق السمراء]

مساااااااااااااء جميل ...



صح لسانك ..

استاذي الفاضل ..

لا نجيد المجاراة ..

لكن لا يمنع طبعا .. !!



(( حرف ))

عفتني ..

والزمن شاهد ..

والحبر حاضر ..

والدمع سال ..

والقصيدة تبكي ..

والشوق طال ..

عفتني ..

يا أغلى خليل ..

هم ليل غدى طويل ..

عفتني ..

وانا مع طيفك امضي ..

يحاكيني طيفك ..

بعض وقتي وأمضي ..

عفتني بلا ادنى سؤال ..

صعب انسى ..

صعب ابقى ..

صعب أحيا ويا الخيال .. !!

[عبدالله اليعقوبي]

شكرا لك يا ايها الجميل

على كلماتك الراقيه هنا

تحيتي لمرورك على جرحي

لك محبتي

[روووعه]

ما كنت عارف بأن الجرح

سيكويني..

وما كنت عارف بها الزمن

تعوفوني ..

وما كنت عارف أغلي خلي

يخونوني ...

خلاص بأنسى أنا مثل

ما نستوني ...





حملت كلماتك عزف موسيقي رائع .. مو مهم العزف يختلط بين عتاب الأحبه والجرح العميق ... هكذا هى الحياه تتبدل فيها العادات كما قالت جدتي لا تبقى على حال واحد ... صعب نبقى على الوفاء ...

كلماتك كتبتها من قلب مجروح ولامست جرح أخر ...

تسلم