كل ذا جفوه وخصام
وتقول لا ذا مو كلام
اتعبت قلبي امورك
والله ذي قسوه حرام
بعد حبك والقرب
وصوتك الغالي العذب
وبسمتك إلي تلالي
كل دنياي بطرب
تبتعد عني حرام
كل ذي قسوه بشعورك
آه يا مصعب نفورك
العمر كله مظلّم
وأنحرم من ضي نورك
والله ذي ضربة حسام
الفرح عنّي مسافر
صارت الدنيا مقابر
إمتلت دنياي حرقه
وأمطرت ذيك المحاجر
آه يا صعب الكلام
أعشقك يا كل عمري
يالهوى في القلب يسري
كل إحساسي تناثر
ضاع فكري ضاع عمري
إنتهى عندي الملام
