غاب الشعور
غاب الحضور..
وما بقى في الصاله غير
واقفه تتمعني فيني
واقفه واللهفه في عيني
واقفه وكل النظر
والشوق لي فيني ظهر
مدري النظر من كثرة إعجاب
ولا عيونك تايه بعد وسراب
آه العذاب
رسيني بمرسى
كلميني ولا أنسا
وأكسري حاجز التفكير فيني
المرايا زجاجها اصبح تراب
***
ولصوبها تاخذني خطوه
وتخرج الكلمات عنوه
ابسالك ابنشدك ..
إنتِ عرفتيني
ترا عيونك داخلي تشعل حنيني
وبكل هدوء وبكل بساطه
تنزل الدمعه عذاب
وبعيونها زاد إضطراب
وإني أنا اشعلتها بسكاتها
وإن الشعر إلي بعد قد فاتها
تبغي قصائد محزنه
تبغي احتضار الأزمنه
حسيت انا في عيونها كل الحزن
محبوبها قد خانها بس من زمن
وتذكرت كل الجروح بحفلتي
وكان الألم يقطر حروف بشفتي
أشقيتها وانا بعيد
أشقيتها معنى وقصيد
وأعطيتها وانا ارتعش
كن القصايد ذي نعش
تحمل موات احزانها
وتغيب ..
وما بقى في الصاله غيري
أكتب القصه عذاب..
عذاب
|
|
|
|
|
تواصل مع
