ما تستاهلين يا الانثى

**الأميــA-S-Sــر** · 18 - 07 - 2003, 18:11

نعن ايتها الانثى الرقيقه الجميلة الوديعة ما تستاهلين هذه الكلمات العنيفة في حقك من شخص اكيد هو مصدوم والله واعلم سبب صدمته
اسمحوا لي واعتذر اني انقل هذه الابيات التي قرأتها في احد المواقع ولتسمح لي الانثى 00 بس اكيد هذه الكلمات قيلت في انثى الافعى والعياذ بالله

لا ردج الله لا ولا أطلب تردين .. ادعي عليج بعثرةٍ في صلاتي
عثرة تشلج ما بعدها تقومين .. يا للي نقضتي عهودنا الماضياتِي
كانت تروح الروح ساعة تروحين .. وتعاف نفسي شربها والمقاتي
كنتي مناة القلب والروح والعين .. واليوم عينج يعلها ماتباتي
كنت أحسبج للعهد و الحب توفين .. قلتي الغدر بالحب ما هو سواتي
و بان الغدر سمٍ جرى بالشرايين .. الله عسى يسقيج سم الفعاتي
كلي سقيتج حب و اليوم تنسين .. تقولين حلم أيام و اليوم فاتي
و خذتي الهوا لعبه على ما تحبين .. إلين عصفت بالهوا عاصفاتي
و صرتي بشعري فالعذارى تباهين .. تقولين أنا شمس العصر في حلاتي
وبالشعر صورتج خزام ورياحين .. واثرج هضاب وشوك مابه هداتي
و بالشعر غليتج على كل غالين .. و أثرج دنيَّه تتبعين الدناتي
رسمتج سحابة خير قطر تلفين .. فزت لج الصحرا زهور ونباتي
رسمتج مهاتٍ للجميلة تقودين .. و أثرج خروفٍ ضيعتها الرعاتي
توسلت لج على حب عامين .. عامين لكن في حسابي مئاتي
ناديت لكن لي أبد ما تسمعين .. عمري و روحي و الفكر في شتاتي
خنتي و بعتي كل عهد وأيامين .. ما عاد يفرق بين ماضي و آتي
و صرتي مثل غيرج برخصٍ تبيعين .. يا مرخصتنني مابقى لج غلاتي
تحسبين انج بالمهافات ترقين .. كيف الصعود يكون للهاوياتي
والنوق من تخرس فلا يفيد تمرين .. مايفيدها قلص وضرب العصاتي
ومع ناقة خرسا تكلفت سنتين .. فلا لانت بشده ولا بالهداتي
اسبوع فدوامِي و لا ايي غير يومين .. و يوم أوصل الدار أتصل و أحاتي
صبري نفذ و اليوم ثارت براكين .. مظلوم أنا و باجر تحل دعواتي
سمعي عسى من بعدها ما تسمعين .. سمعي دعاء من صار قلبه حصاتي
عساج عوقٍ منه ما عاد تبرين .. عوقٍ تشافق له قلوب العداتي
أدعي عسى من ناظرج ما تشوفين .. و تطحن بج الأيام طحن الرحاتي
يالله عسى يحتار فيج المداوين .. تبين الممات و لا يجيج المماتي
يالله عسى كف الندامة تعضين .. تندمين يوم انه يفوت الفواتي
وتبكين دم يسيل من مقلة العين .. ويحتار قلبج من عناج وتعاتي
و عسى ما تلاقين منه القلب تهدين .. و إن هو حصل أدعي عساج الشتاتي
يا بلوة اللي وسط بيته تعيشين .. غافي و حوله شب جمر الغضاتي
عسى بعمرج ساعة ما تهنين .. و تمضي حياتج بين هم و شقاتي
يا بنت قلبي وين مثله تلاقين .. قلبٍ عطاج الحب ما قال هاتي
ييتج وروحي شلتها لج بكفين .. وفي التاليه رمح الخيانه جزاتي
يالله عساج النار يا أم ويهين .. كلنا انكشفنا ما تفيد العباتي
يالله عسى تلبسج جن و شياطين .. و تكونين مدعاة الحكي و الشماتي

**الـعـمـيــــــــــــد** · 18 - 07 - 2003, 18:35

يا الله كل هذي قسوه

**سأظل أحبك** · 18 - 07 - 2003, 23:43

الامير

اعتقد هذي قصيدة كتبها واحد في حبيبته اللي كرهها ..

بس بعدين كتب فيها قصيدة ثانية يقول انه لا زال يحبها !!!!

**عاشق السمراء** · 18 - 07 - 2003, 23:49

مساااااااااء جميل ..

ربما حالة ثوران جعلت من هذا الشاعر ...

يثور كالبركان .........!!

وتبقى الانثى .. عطر لا يدنس !!

شكرا لك اخي الامير ........ للاختيار !!

**سهد الليل** · 18 - 07 - 2003, 23:56

ومن يدري سبب تفجر بركانة على الانثى

تحياتى

سهد الليل

**حـــور** · 19 - 07 - 2003, 03:40

الشكر على الاختيار
بس واااااايد قويه هذي
تحياتي

**نبع الحنان** · 19 - 07 - 2003, 08:25

لم يكن حبا أبدا ..
هذا الذي أثمر هذه البغضاء
فمن يحب يستحيل ان يكره محبوبه مهما صار..

الأمير..
شكرا على هذه النقلة القاسية..
نبع,,

**الأميــA-S-Sــر** · 19 - 07 - 2003, 18:56

نعم صحيح من يعرف الحب يستحيل ان يعرف الكره 00 ولكن يبقى لكل شيء ضروفه واسبابه

شكرا للرد اخواني واخواتي

**ضيف المهاجر** · 20 - 07 - 2003, 01:18

الأنثى عزيزي ... هي نبض الحياة .... كتبها في حالة ثوران ...لكن شكرا لك اخي

**عبدالله اليعقوبي** · 20 - 07 - 2003, 01:45

بما أن الرجال لسوا واحدا فالنساء ينطبق عليها نفس المنطق

لعله كتبها في امرأة مثل مالدين اولبرايت او إستير أو سلومي

وليس في امرأة مثل فاطمه او خوله او عائشه

لك تقديري على هذا الإختيار ولكن تبقى المرأة الصالحه الطيبه المحترمه اصل الأخلاق ومدرسة الأمه

الموضوع: ما تستاهلين يا الانثى

أدوات الموضوع

ما تستاهلين يا الانثى

معلومات الموضوع

الأعضاء الذين يشاهدون هذا الموضوع

ضوابط المشاركة

خيارات

الادارة

مواقع

الاتصال بنا