رد مع اقتباس
السلاام عليكم .. و مرحباا بكم يميع .. ^^"
1/ ممكن تقدم نفسك ونتعرف عليك أكثر ؟
اممم .. شموخ .. من دولة الامارات .. أحب أهلي و بلادي و وطني و كل الناس .. و أحترم الجميع .. لي مبادئي الخاصه و اسلوبي الخاص .. و اللي ما يعرفني يجهلني .. و يجهل شخصيتي .. ^^"
2/ قبل رمضان هل يكون لك شعور خاص ، أو استعداد خاص ؟
بصراحه وايد أستانس قبل رمضان و اكون متحمسه وايد للصيام و أحب أجواء رمضان ..
3/ هل ذقت طعم الصيام في غير بلدك ؟
اممم ... لاا و الله ما احيد
4/ موقف طريف أو محرج حدث لك في رمضان ؟
امم .. يعني من المواقف الطريفه اني قبل يوم كنت بالابتدائي أتم صايمه و قبل ما يأذن بدقيقتين افطر ههه بس لأني ما اروم أقاوم منظر الأكل ع السفره هههه و بعد احيانا نتسحر و اذان الفجر يأذن ^^"
5/ نوادر رمضانية أو مقالب لك حدثت لك في رمضان ؟
اممم .. ماشي .. بس أحيد مره اخويهـ محطي بموبايله أذان .. و مخفف الصوت .. و يالسين نتريا الأذان .. إلا نسمع أذان .. و نفطر و هو فطس ضحك يقول انا محطي أذان بموبايلي .. طبعا حصل له هزبه من الوالده هههه
6/ أكلة تعجبك في رمضان ( ضع صورة ) ؟
سمبوسه ..
7/ كيف تقضي يومك في رمضان ؟ وماهي عاداتك وتقاليدك في رمضان ؟ ( برنامجك اليومي في رمضان ) ؟
اممم الصبح رقاد و نوعا الظهر ... نصلي ... و نحن نيلس نشوف TV و امايه تروح المطبخ .. و العصر نحن نروح نساعد و بعد الفطور نيلس نشوف TV شعبية الكرتون و فريج و قرآن بعدين و نصلي التراويح بعد الصلاة نتزاور .. و جي لييييييين السحوور ..
8/ ماذا تتمنى في هذا الشهر ؟
أن يقبل الله تعالى مننا صيام هذا الشهر و كل الطاعات و يغفر لنا خطايانا و يهدينا و ينصرنا على من عادانا و يرحمنا و يحسن خاتمتنا و يبلغنا رمضان المقبل و نحن في أتم الصحه و العافيه
9/ بمن تفكر حينما تسمع بحلول شهر رمضان ؟
افكر كم مره بختم ... و بعدين على طول يروح بالي عند السمبوسه ههههه و الزيارات الحلوه بعد التراويح
10/ ندخل بالفطور ... ماهي سفرتكم في الفطور عامة ؟
رطب و قشطه و روب و لبنه و شوربه و ثريد لحم و عيوش و سلطه و سمبوسه ... و عصاير و ألبان .. و لقيمات << تقريبا هذي أشياء اساسيه
11/ أنتم من النوع اللي كل شيء على الفطور وإلا فيه شيء بعد المغرب ؟؟
يحطون كل شي ع الفطور ... بس نحن نفطر على رطب و نروح نصلي و نرجع نكمل
12/ أنت من جمهور الفيمتو وإلا التانج ..
لا هذا و لا ذاك ... عصاير طاازجه و فرررررش بس ^^" .. و الأهل يحبون فيمتو يوميا لازم
13/ اول رمضان صمته كم كان عمرك؟
ما احيد ... بس من الابتدائي
14 / نجي للسحور ... تكلم لنا عن سحوركم باختصار ...
سحورنا امممم .. كل واحد ياكل على مزاجه ... اللي يخطر بباله .. يعني ما نفرش سفره و نتيمع كلنا عليها خخخخ
15 / هل سبق وأخذت عمرة في رمضان ؟ وماهو شعورك ؟
بصراحه لاا ... و خاطري أروح ..
16\ اذكر..(ي).. برنامج ديني عبر الاذاعه او التلفاز تتابعه في رمضان؟
أتابع برامج العريفي .. و أحب برنامج خواطر
17 / موقفك من الأشخاص الذين يقضون جميع أوقاتهم في الأسواق والتنقل بين المحطات .؟
هذيل الناس يضيعون على نفسهم فرصه يمكن ما تتعوض
18 / ثلاث بطاقات لمن تعطيها في هذا الشهر ..
بطاقة حب .. حق أمايه
بطاقة صداقه ... حق ربيعتي
بطاقة شكر .. حق كل الناس اللي بحياتي و انتوا من ضمنهم ^^"
19 / كلمة أخيرة ...
أشكرج حنين ... و ان شاء الله رمستيه خفايف عليكم ^^"
