النتائج 1 إلى 8 من 8

الموضوع: قصة حب في بومبي

  1. #1
    الصورة الرمزية ريم دبي
    Title
    نبض جديــد
    تاريخ التسجيل
    03- 2003
    العمر
    41
    المشاركات
    14

    قصة حب في بومبي

    قصة حب في بومبي

    في صيف 98 سافرت ريم و عايلتها و جيرانهم للهند، على أساس انهم سايرين علاج ،بس سفرة العلاج هذي انجلبت قصة حب.
    أول ما وصلوا الهند و طبعا هم متعودين على مطار الهند لأنهم كل سنة هناك،كان باص السفارة يترياهم برع و هم ما شاء الله و لا العشرين و كلهم حريم و لا ريال وياهم غير أخوها الصغير. المهم هم كانوا حاجزين كلهم في فندق واحد و هو طبعا ريجنت بس للأسف صارت مشكلة في الفندق فافتقروا يعني عايلة ريم ساروا سكنوا في أسكوت و الباقين في ريجنت.
    و طبعا مثل كل سنة من أول يوم نزلوا السوق و تمشوا على الكورنيش و غناكم الله عن هذاك الكورنيش ، و ركبوا الركشة و استانسوا و طلعوا كل اللي في خاطرهم.
    طافن 6 أيام من وصولهم و هم على نفس الحالة لين مايا هاليوم و تغيرت حياة ريم للأبد ، كانت ريم نازلة السوق ويا أمها علشان ياخذون دهن العود من عند أجمل ، و ريم بطبعها تخاف من الحيوانات و خاصة السبلان و طبعا مثل ما تعرفون بومبي ممزورة بهن ، المهم كان هناك واحد هندي قابض سبال و حذاه واقف واحد مواطن ، ريم يوم شافت السبال لصقت في أمها و يوم شافها الولد خايفة قال للهندي هات السبال و خذ السبال عنه و قال لريم تخافين قالت له هيه و طبعا هذا كله و الأم ما تدري ، و بعدين و هم رادين الفندق كان الولد و راهم و ريم ما تدري ، بس ريم فضوليةزيادة عن اللزوم و قالت بصد ورا، و يوم صدت ورا شافته لاحقنهم لين الفندق و طبعا ريم استانست.
    و بعد السالفة بفترة و كل ما تنزل السوق تشوفه حتى انه قام غير الفندق اللي كان ساكن فيه و سار سكن وياهم في فندق أسكوت. و كانوا كل يوم يتشاوفون في السيرة و في الردة ، و شي أكيد انهم بيتحابون. ريم ما قدرت تصبر عنه لحظة وحدة وهو نفس الشي بعد.
    و بعد كم يوم سافر الولد وريم ما كانت تدري بس كانت تحس انه في شي ناقص في حياتها،كانت كل يوم تنزل السوق بس علشان تشوفه و هو ما كان موجود ، فجأة شافت حد من ربعه و خبرها انه سعيد رد البلاد ، ريم بغت تتخبل كيف يرد البلاد و ما يخبرها بس هو كان مخلي رقمه عند ربيعه ، قام ربيعه و عطاها الرقم . من هذاك اليوم و ريم تحن على أهلها انهم يردون البلاد و شي أكيد انهم ردوا لأنهم ما يقدرون يرفضولها طلب.
    و أول ما وصلت المطار شافت سعيد على الكونترات و شافها هو بعد ، عرف عنها كل شي بنت منوه وين ساكنة و كم عمرها و كل شي .
    مرت الأيام و هي تبغي تتصل بس ما تقدر لكن آخر شي اتجرأت و اتصلت كلمته تقريبا ساعتين و تموا على هالحالة تقريبا 3 شهور .
    سعيد اختار ريم انها تكون حرمته، ريم فرحة يوم عرفت انه سعيد ناوي يخطبها وسارت وخبرت حرمت اخوها علشان تكلم اخوها وامها ، وفعلا ياسعيد وخطبها من اهلها وتمت خطوبتهم 6 شهور، المهم ربيعة ريم طلعت بنت خالة سعيد وتخبلت يوم عرفت انه سعيد خاطب ريم ما خلت شي ما سوته علشان اتفرق من بينهم، واستوا اللي كانت تبغيه وافترقت ريم عن سعيد.
    سعيد قال مستحيل انه ياخذ بنت خالته من عقب اللي سوته وريم ودرت ربيعتها اللي كانت وياها من 12 سنه.
    شفتوا اخرت الصداقه!!!

  2. #2

    الف ليله وليله

    ربما تكون من قصص الخيال اوقصص الف ليله وليه

    لكني ما اظن ان ريم المقصوده في القصه هي نفسها ريم كاتبة الموضوع ههههه

    وسؤال فضولي

    يعني هم راحو وماخذين كل الاهل والجيران

    طيب ليش ما اخذوا جيران الحاره اللي مقابلتنهم او جيران المنطقة الثانيه ؟؟؟؟؟؟؟!!

  3. #3
    الصورة الرمزية عاشق السمراء
    Title
    "رجل عادي جدا"
    تاريخ التسجيل
    05- 2002
    المشاركات
    21,307
    السلام عليكم ..


    جميلة .. بأحداثها رغم النهاية ..

    ومادار بها من احداث .. !!


    سيدتي ريم .. شكرا لك .. !!

  4. #4
    الصورة الرمزية سهد الليل
    Title
    نبض مبــدع
    تاريخ التسجيل
    09- 2002
    المشاركات
    2,647

    Icons20

    [ALIGN=CENTER]الصداقة ضائعة في هالزمن

    تحية على القصة الحلوه

    سهد الليل [/ALIGN]

  5. #5
    الصورة الرمزية * البـــــاشـــق *
    Title
    نبض متألـق
    تاريخ التسجيل
    05- 2002
    المشاركات
    8,524
    هيه يا ذا الزمن

    الخليل يفرق بين حبيبين

    ما اقول الا

    الصداقة كنز لا يفنىز

    تسلمي سيدتي ريم دبي

    تحيـــ(الباشق)ــــاتي

  6. #6
    الصورة الرمزية ريم دبي
    Title
    نبض جديــد
    تاريخ التسجيل
    03- 2003
    العمر
    41
    المشاركات
    14

    السلام عليكم

    مشكورررررين على رايكم في القصه ، وريم اللي في القصه هي نفسها اللي كاتبه القصه
    وبخصوص جيرانهم هذيل دايمن معاهم...:n28::n28:

  7. #7
    هذي حال الدنيا
    لقاء وفراق
    الله يعين
    الانسان يصبر على احداث الزمان


    [ALIGN=CENTER]ع الأقل (سعيد )طلع أحسن
    من (عبدالله )الي قابلته أختك الملكة
    على بوابة الهند في بومبي
    وبنفس المكان الي فيه السبلان والكوبرا
    والي لصق فيها لصقة
    لين في النهاية اكتشفت انه
    ياي يشحت فلوس فلوسه مخلصااااااااااااات :n23:[/ALIGN]

  8. #8

    عزيزتي

    اصبري وتاكدي ان ماراح سياتي الاحسن منه وحال الدنيا هكذا يضيع شيء يؤثر على القلب ويجرحه لكن سياتيكي الزمن بافضل منه

    والحمد لله على نعمة النسيان فإنسي عزيزتي ولك مني كل تحياتي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML