"شعر بالعامية المصرية "
تحيا مصر
بصوا معاي وشوفوا مصر
الله أكبر تحيا مصر
بصوا وشوفوا ديا مصر
الله أكبر تحيا مصر
**
حلوه يا بلدي يا نور العصر
حلوة يا بلدي يا أرض النصر
شوفوا شوفوا ولاد النيل
مجد وعظمه صبح وليل
كل تاريخنا عظيم وأصيل
**
حلوة يا بلدي كلك فخر
دولا ولادك ورد وزهر
تحيا مصر وتحيا مصر
**
أنت النور لعنينا يا مصر
أنت حضارة كل الدنيا
أنت النور والجنة يا مصر
تحيا مصر وتحيا مصر
**
شوفوا شبابنا
شوفوا ولادنا
قصة حب كبيرة لمصر
تحيا مصر وتحيا مصر
**
كل شبابنا زي الفل
الله أكبر عَلى الكل
بهتف يصرخ ضد الذل
الله أكبر تحيا مصر تحيا مصر
**
ارحل ارحل يا مُبارك
واوعى تنس ابنك معاك
يا مُبارك يا مُبارك
اوعى تنس فلوسنا معاك
دم ولادنا كمان معاك
تلتين سنه كمان معاك
**
كانت سوده
وقهر وظلم
زنزين ضلمه
وهم وغم
واعتقلات
وانتهاكات
وانتخبات
ظلم في ظلم
**
اوعاك تنسى إن نسيبك
ولا حتاخد مالنا معاك
ولا إيديك بدمانا نسيبها
لازم تعرف إننا شعب .. عظيم وأصيل
لما يثور على ظلم الحاكم
يبقى ملهوش في الدنيا مثيل
**
يبقى خلاص بُركان .. بُركان
صوته بيوصل كل مكان
أصله دا غنوة كل زمان
لحن جميل على الأرغول
والله حقول ..وافضل أقول
قصة حب وعشق لمصر
قولوا ورايا وقولوا معايا
تحيا تحيا تحيا مصر تحيا مصر
**
ارحل ارحل يا عميل
يا اللي حتسكن اسرائيل
يا عميل الأمريكان
ارحل ارحل ياللا أوام
يا للي بتكدب من زمان
**
ايه حتقوله وايه حتزيده
كل كلامك زفت في زفت
انت قتلت وانت سرقت
**
دم الشهدا دم الورد
طول ما نشوفك
بصرخ فينا
فين الحد ... فين الحد
**
اعرف وافهم مش حيسيبك منا حد
يا للا نهتف .. يا للا نقول
تحيا مصر وتحيا مصر
تحيا مصر تحيا مصر
**
ابن خاطر