ـن هنــا وهنــــاك ( كل شـــي حلـــو فيــكِ ياشــــام )

[رحاب الشام]

صبااح النور

لكل يلي بيمر ع مشاركتي وبيستمتع بصور مدينتي




لاتواخذوني عم اتأخر عليكم اعذروني

اسباب مرضي حالت لـتأخري لكن مانسيتكم

واليوم رح عوض هيدا الشي وجايبتلكم صور بتحنن

رح نبداها متل ماقلنا نشوف شو في حول قلعة دمشق

يعني بتعيشوا جو الشام القديمة متل

( البزورية سوق الصاغة قصر العضم القيمرية قهوة النوفرة )

يلي رح نبدا من الطرق يلي بيوصل لـ عندها جانب الباب الثاني

للمسجد الاموي بتنزل ع درج بتوصل حدااا





هي يلي ع جانب اليمين






واطيب كاسة زهورات او شاي مع نفس اركيلة

( مع اني بكره التدخين كله والله يشفى من ابتلى به )



والان منطقة القيمرية
بيصادفنا بالاول بقايا معبد جوبتير الروماني
( للاسف كتابات ع الاثار بنلاقيها بـ اكثر الاثار السورية )





شوفوا عرايش الخميسية بتغطي الشارع بشكل رائع





جامع فتحي او المدرسة الفتحية اشهر جامع بالقيمرية







وهيدي احدى الحارات من دخلة النوفرة
على السبع طوالع

[رحاب الشام]

وهلأ من باب المسجد الاموي الجنوبي
يلي بيطل ع سوق الصاغة منشوف اغصان الخميسية
تغطية مئذنة السلطان قايتباي ذلت الطراز المملوكي






وهون بنبدا مع سوق الصاغة المكشوف






هيدا احدى محلات الصاغة
امانة اذا حد جاية ع بالو كيلو كيليين يقلي
لاتستحوااا ههههههه




وصلنا لسوق البزورية يلي فيه خيراات الشام
شو مابدكم من افخر البهارااات و انواع الضيافة








اتفضلوا دوقوا ضيافة العيد واشتروها من هلأ
قبل ماتنسوا هههه





هيدا من سوق مدحت باشا بعد الترميم
تابع بعض منه للبزورية سووه من جديد
بـ طراز قديم ماتقدر تدخل بـ السيارة إالا تقريبا
بنصه عند مفرق البزورية
وانت جاية من شارع الامين





هيدا احد الذين يشتغلون بحرفة الارابيسك
جانب سوق البزورية
عندن تصاوير مرايا بتاخد العقل كتير مرغوبة للسياح
الاجانب يلي بياخدوها كـ هدااياا لاهلن





وبرضو اذا حبيتو تكتبوا اسمكم داخل زجاجة رمل
المبدع يلي بالصورة
بيسويلكم ياها بأقل من عشر دقائق وانت واقفين
بتلاقوه جانب سوق الصاغة قرب البزورية
( عم ادعمه كرمال كان معي بالدراسة بالفنون )

[رحاب الشام]

والان الى قصر العضم
رح احكيلكم عنو شوي قبل ماتشوفوا الصور

يقع في مركز دمشق القديمة جنوب الجامع الاموي
على مساحة 5500 م2 وقد شيد على الطراز الشامي
العريق يتميز بفخامة التكوين وثراء مقتنياته
كان سكن لنائب السلطة العثمانية ايام الاحتلال التركي
يسمى دار الفلوس
لكن في سنة 1163 هـ اخذه احمد باشا العظم والي الشام
بعد ان جند اكثر الحرفيين والبنائين لـ ثلاث سنوات
كي يظهر قصره آية في الابداع وجمال الزخرفة







الحدائق الغناء والزهور واشجار الكباد
وبرك الماء تملأ القصر









يتصل المتحف بقسمين السلاملك والحرملك
يحيط بها باحة واسعة وتتوسطها بركة كبيرة
حولها اشجار الحمضيات والزينة
وبصدر الباحة ايوان مرتفع على جانبية قاعتا استقبال
وجناح الحرملك يتصل بالمدخل الرئيسي بثلاث ابواب
تتوسط اجمل قاعات المتحف واغناها
كمايتألف من ستة عشر قاعة وتسع غرف كبيرة
وثلاثة ايوانات واربع اقباء واربع برك كبيرة
وتسعة عشر ساقية ماء تنوعت بين جدارية وارضية
وحمام وسطاني وبراني وجواني واربع مقاصير
ومخزن للعربات واسطبل












الزخرفة العجمية في سقف ايوان الحرملك

[رحاب الشام]

هنا نجد قاعة الكتاتيب والدراسة ايام زمان





وهلأ بنروح ع قسم الحمام الجواني



وهون بعد قسم الحمام البراني بلف حالو
بالمنشفة وبيجهز حالو لكاسة زهوراات



نظرا لما يتمتع به من فخامة الزخرفة والنقوش
فـ انه تحول الى متحف للتقاليد الشعبية ليكون حافظا
للتاريخ العريق لحضارتنا وكنوزنا الاثرية من الاندثار
و يشهد اقبالا كبيرا من المواطنين والسياح












وهيك بيطلع برا المتحف باخر سوق الحميدية
قرب الجامع الاموي




يلا الان اترككم واشوفكم المرة الجاي

بـ خان اسعد باااشا

صور حلوة كتير وزخرفات بتجنن

انتظروني وخليكن بالقرب من هنا وهناك

فما زال كل شي حلو بـ الشام

ودي وتقديري لكل من مر من هنااا





( هيدي المشاركة كلها بما تحوي
اجتهاد شخصي مني
حسبي الله ان نقل احد منها نسخ لصق
دون تعب اوسجلها بـ اسمه

[الـعـمـيــــــــــــد]

لا تتوقفي رحاب
فكل شيء حلو فيك يا شام


يستاهل

[نور الأمل]

ما شاء الله عليك ررحاب


رائع ما طرحتي


اتمنى لك التوفيق خيتو

[رحاب الشام]

رحال

تسلم يارب
لاتخااف مش رح اتوقف لكن
بضطر احيانا ع حسب ظرف طارىء اني اتأخر
او كرمال بحضر الجزء التاني من همستي
شاكرة لك مرورك الدائم
وهديتك وصلت يخليلي انت
ودي مع كل ورودي

[رحاب الشام]

قمر الزماان

تسلميلي حبيبتي ويخليلي انتي
هيدي عيونك هي الرائعة كـ روحك
شاكرة لك مرورك العذب
ودي مع كل ورودي

[رحاب الشام]

هاقد عدت اليكم من جديد

مع احلى صور من هنا وهنااك من دمشق الشااام

واليوم متل ماوعدتكم رح تشوفوا

الاصالة والزخرفة والنقوش المبدعة بـ خان اسعد باشااا

الذي بني في العصر العثماني وانتهى بناؤه عام 1754م

وسمي باسم الوالي الذي بناه- والي دمشق أسعد باشا العظم-

الذي حكمها لمدة اثني عشر عاماً

و كان الخان من أملاكه الخاصة ثم انتقلت ملكيته فيما بعد

إلى عدد من التجار ثم استملكته مديرية الآثار والمتاحف لاحقا

وها نحن ندخل من بابه الاكثر من رائع





رح احكيلكم عنو شوي
يقع خان أسعد باشا في سوق البزورية بالقرب
من حمام نور الدين ويمتد على مساحة تبلغ 2500م2
يمتاز بواجهة عريضة مبنية من الحجر الأبيض والأسود
في وسطها بوابة ضخمة مصنوعة من الخشب المصفّح بالحديد
وتظهر على الباب مقرنصات حديدية بشكل واضح للناظر
تعطي للباب رونقه ومتانته
وما إن تدخل بوابة الخان حتى ترى مدخلاً مسقوفاً بعقودٍ متقاطعةً
تُزيّنها زخارف غاية في الروعة والإتقان
أظهر بانيها موهبته الفنية والمعمارية
وعلى جانبيّ المدخل درجٌ يؤدّي للطّبقة العُليا



حتى نافورة المااء لها وقع خااص لما تشوفها شخصيا




وهون السجاد ذات العيون الجميلة ههههه
شي بياخد العقل



لاحظو جمال الهندسة المعمارية العربية





شوفوا جمااال القبة المزخرف بيخليك ترجع تعيش
بعبق الماضي وسحره

[رحاب الشام]

يغطّي سقف باحة الخان ثمانية قباب متساويةٌ الحجم والارتفاع
حيث ترتفع عشرين متراً موزّعة بصورة متناظرة على أطراف
مِحوَرين متعامدين
و تقوم القباب على أربع أعمدة تشكل قاعدة مربعة الشكل
يعلوها أربعة أقواس حجريّة تصل بينها زوايا تحمل إطار القبة
ثم تليها الرّقبة التي تُزيّنها زخارف من العصر العثماني
ويحيط بالصّحن غرف الخان المبنية بالحجر الأسود والأبيض
بشكل متناوب وعددها ثلاثة وعشرين مخزنًا مُعظمها مصمّم
على شكل أجنحة ونوافذ الغرف مقنطرة مصنوعة من الخشب








هنا الردهة في الطابق الثاني



وفي القسم الشمالي الغربي مسجد صغير
يفتح على خارج الخان ويتألف الطابق العلوي من أروقة
مشرفة على الباحة وخلفها خمسة وأربعون غرفة
وجميع الغرف مغطاة بقباب صغيرة وهي ذات أبواب ونوافذ
مازالت تحتفظ بأصالتها مع أقفالها



إن واجهة هيدا الخان ومشهده الداخلي يثير الإعجاب
بما فيه من روعة الزخرفة والتنسيق اللوني والدراسة الرائعة
للفضاء الداخلي وبنصحكم تزوروه رح تنبسطوا كتيرررر

وهيك بتكون خلصت جولة اليوم

بلاقيكم المرة الجااي مع تفتيلة جديدة بـ دمشق الجميلة

ومع صور من منطقة العمارة


لـ مقام السيدة رقية رضي الله عنها

ولـ سوق السروجية وباب الجابية

لهيك خليكم حدي لاتروحوا لـ بعيد واسفة اذا بتأخر عليكم

زحمة مواصلات بعز الضهر لاني بصورلكم ياهم

ودي وتقديري لكل من يمر من هناااا



واحب اقول ان هيدي المشاركة كلها بما تحوي
اجتهاد شخصي مني
حسبي الله ان نقل احد منها نسخ لصق دون تعب
اوسجلها بـ اسمه