الموضوع: جيـــل أفجــع بيـاكــل مـا بيـشــبع .. بتحـاكيـــه لا بيــــرد ولا بيســمع

موضوعي اليوم راح يكون
بـ اللهجة الشامية

وبـ الـتأكيد مارح احكي عن كل الاولاد ولاالبنات

لأنه الدنيا لساتا بخير


كلنا بنقول

هالجيـــل أفجــع بيـــاكل مابيشبـــع



بتحاكيه لابيــرد ولا بيسمع



وبيــروح ومابيـــرجع



مابيعرف ليلو من نهارو
وع الانترنت والتلفزيون بيصحى وبيقوم





دروسه نادراً مايحفظها
وواجباته ووظائفه دوم عم يتذمر منها

حياته ومشاعره مفككة و ملبكة
مو عارف وين يضيع وقتو






بس ياترى
وياهل ترى
في حدا سأل حالو مرة شو السبب
رح الكن اناااا ليش


وقت اللي هو بيطلب طلب
ايه(تكرم ومن عيوني حاضر )
والكل بيقلو تؤبرني طلباتك أوامر




بدك بلاي ستيشن وجيم بوي وكمبيوتر
من بكرا وحياتك راح تحضر



بدك ياعيوني مصاري
الخزنة مفتوحة الك بيلي فيها
خجلك لاتداري



ومن كتر ماعاش برفاهية
صار مالو قادر يحمل مسؤولية



ووقت الأب بيحكي معو لـ يأنبو
بتجي أمو وبتقلو
اتركه حرام خطيّ لساته صغير مابيفهم



ولما بيعصب ويصرخ اذا مانفذو طلباتو
بتجي أمو بتراضيه
وابوه بيجبلو بدل الغرض غرضين
وشوية تانية رح يبوسو إيديه
بس مايبكي وينقهر ودمعو تنزل




وبـ رأيي الشخصي المتواضع
وأنا بكلامي لا عم هاجم ولا عم دافع
التوازن سيد التربية وأكيد مطلوب
وإلا راح يطلع هـ الجيل مريض ومعطوب

لأنه وقت بنعطي حرية بلا حدود
راح نخرب عليه ويصير عقله مفقود

والدي ووالدك وعمي وعمك
ماكان عندن لاكتير أقلام ولا دفاتر
ولا دزينات محايات ودفاتر
بس كانوا بكل شي من الأوائل
وبشغلهم ودراستهم فطاحل

وياريتنا نعرف إيمتى نقلو
أمرك وحاضر
بنكون حطيناه ع الطريق الصح
وجنبناه كتير مخاطر
وماخليناه يصير صايع ضايع
و نقول بعدين هيك حظو يصير فاشل
و يلي مالو حظ لايتعب ولايشقى


سك على ولادك بترتاح

بس ماتنسى تعطيهم المفتاح





همسة اخيرة

بـ امكان اي أب وأم انن يدللو ولادن

’’ لكن كلشي بحدود ’’

واي شي زاد عن حده انقلب ضده


دمعة من ابنك اليوم
بتكفيه دموع بـ المستقبل
بينما ابتسامه رضا مؤقته
رح تورث عاقبة للهلاك بكرا

أطفالنا أمانة في اعناقنا فـ لنحافظ عليهااا



طولت عليكم سامحوني
وإذا غلطت صححولي
بس زعلي على بعض هل الجيل اليوم
خلاني اكتب هيداالموضوع
يارب يحمي ولادنا وبناتنا
ويقدرنا نربيهم أحسن تربايه
ويدلهم على طريقه دايم دوم
وبهيك خلصت اليوم قصتنا بشوفكم بـ مشاركة تانية