المسافرون العرب السياحة في تركيا عطلات افضل المطاعم السعودية دليل المواقع حوامل
ميكساتك افضل سعودي بينج عروض السعودية عروض كافيهات جدة
  المسافر كود خصم نون اسعار الموبايلات اوروبا  
           
النتائج 1 إلى 2 من 2
رحلتي الى بورت غالب _ الجزء 2
  1. #1
    عضو شرف الصورة الرمزية كنوز
    تاريخ التسجيل
    11- 2002
    المشاركات
    3,186

    رحلتي الى بورت غالب _ الجزء 2

    السلام عليكم و رحمة الله و بركاته
    أتمنى استانستو معاي في الجزء الأول للرحله
    والحين راح تشوفون صور للجزء الثاني من الرحله و هي رحلة بحريه لمشاهدة الشعاب المرجانيه و الأسماك الملونه و الدلافين و السلاحف و عجل البحر
    وعلى فكره صادف إنه كنا بروحنا باليخت و بصراحه أخذنا راحتنا و كانت رحله مريحه جدا جدا و قال لنا القائد للرحله إنه لحسن حظكم ولأول مره تصير معانا إنه مجموعه سائحين تطلع لهم الدلافين بالطريقه اللي شفناها و تلعب معانا و كذلك عجل البحر لأنه في مرات سابقه كان يهرب من اليخوت و بصراحه احنا استمتعنا معاه و راح اقول لكم قصته مع الصور و كذلك السحلاف والحمد لله إنه حظنا صار حلو و شفنا كل شي
    وبالنسبه للمرجان بصراحه ما كان معاي كاميرا للبحر و المره القادمه ان شاء الله راح اخذها و أصور لكم تحت البحر و المرجان

    نبدأ بسم الله بصور لبدء الرحله و أول ما تحرك اليخت فينا -تفضلوا معاي شوفوا الصور




    وفي هالصور لما تحرك اليخت و تشوفون معاي المارينا من بعيد و كان المنظر جميل ولون البحر بصراحه عجيب و لونه أزرق غامق لدرجه ما تتخيلونها





    هالصوره نقلد فيلم تايتنك في مقدمة اليخت
    بس بصراحه من قوة الموج خفنا و نزلنا
    لأنه الموج كان يضرب حيل باليخت


    والحين نبدأ رحلة الدلافين و بصراحه كانو روعه و كنوا معانا على طول
    ويسبحون مدار اليخت و كان السائق يضرب الهرن لليخت و الدلافين
    سبحان الله كأنها ترقص مع الصوت و تطلع بره و نرد للبحر
    وكان معانا لمده طويله جدا واستمعنا معاهم







    والحين نكمل الرحله مع عجل البحر و هذا جننا
    بصراحه طلع فجأه لدرجة إنه الطاقم اللي معانا
    قالوا إنه أول مره يطلع بالطريقه هاذي و رايق حييل
    لدرجه انه كان يوصل للمركب اللي احنا فيه
    و يمشي تحته و يطلع لنا بطريقه حلوه و يحرك راسه لنا
    و بنت اختي كانت أول من نزل له و لعبت معاه
    وبصراحه كان رااائع تحسون كأنه طفل يلعب معاها
    وكانت تمسح على ظهره و تركب على ظهره و هو يطلع بره و يغوص و يلعب معاها
    شفوا الصور معاي





    وهذه المنطقه للسلاحف و طبعا غصنا تحت الماء علشان نشوفهم
    وتسمى المنطقه مرسى الرئيس مبارك



    وفي نهاية رحلتنا ردينا الكويت الغاليه بالسلامه
    و بصراحه كانت رحله لا تنسى أبدا و ان شاء الله عن قريب راح أرد لبورت غالب
    و أنصحكم تزورونها للراحه و مافيها ازعاج و زحمه
    وغير عن شرم الشيخ اللي صارت زحمه حيل
    وهذه منطقه هاديه للي يبحث عن الراحه
    وهذا موقع المنتجع شوفوه و فيه الاسعار
    http://www.portghalib.com
    واحنا بصراحه في باكيج بالكويت نزل حلو و بأسعار حلوه شوفها على موقع طيران الجزيره

    و مع السلامه في رحله جديده
    التعديل الأخير تم بواسطة كنوز ; 03 - 08 - 2009 الساعة 03:32

  2. #2
    نبض متألـق الصورة الرمزية رائد
    تاريخ التسجيل
    12- 2008
    المشاركات
    3,115

    رد: رحلتي الى بورت غالب _ الجزء 2

    رحلة جميلة كنوز
    الحمد لله على السلامة
    وبدنا تكون المرة الجاية
    رحلة خاصة لأعضاء النبض
    وتكوني انت مرشدتنا السياحية
    دامك زورتي هالمنطقة
    يسلمووو كنوز على الصور الأكثر من رائعة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

  عروض رمضان عروض العثيم عروض بنده عروض هايبر بنده  


1 2 3 4 5 6 7 8 9 10 11 12 13 14 15