المسافرون العرب السياحة في تركيا عطلات افضل المطاعم السعودية دليل المواقع حوامل
ميكساتك افضل سعودي بينج عروض السعودية عروض كافيهات جدة
  المسافر كود خصم نون اسعار الموبايلات اوروبا  
           
النتائج 1 إلى 4 من 4
خربشات بيردية..!!
  1. #1
    نبض جديــد الصورة الرمزية بيرد333
    تاريخ التسجيل
    09- 2002
    العمر
    56
    المشاركات
    187

    Icons21 خربشات بيردية..!!

    [ALIGN=CENTER]خربشات بيردية..!!
    ـــــــــ

    هان عليا قلبك..!!
    ــــــــ

    هان عليا قلبك ينسى هوايا..

    ويضيع عمرى وإنت معايا..

    واخد فرحى...سيبلى قسايا..

    يجرح قلبى بدمع عنيه..

    أديك قلبى...تلعب بيه..

    وبأحلامى وشوق لياليه..

    عشان قلبى محبش قبلك..

    تخدع قلبى وتظلم فيه..

    ليه الماضى مش على بالك..

    ليه أحزانى بقت تحلالك..

    إيه هيوازى ظلمك ليا..

    وأنت تخون وتبكى عليا..

    أيوه أنا آسف على الحنية..

    لكن دمعة عينك حق عليا..
    *****************

    لسه فاكر..!!
    ــــــ

    لسه فاكر حبى ليك..

    وإنشغال بالى عليك..

    ولا فاكر شوق عينيه..

    لما كنت أشتاق إليك..

    لسه فاكر حبى ليك..

    يا حبيبى حس بيا..

    خاف عليا..

    وإفتكر حبى إللى كان..

    لمسه واحدة من إيديا..

    نظرة واحدة من عينيا..

    ترجعك أيام زمان..

    لسه فاكر حبى ليك..

    كل لحظة بعيشها جنبك..

    با فتكر شوقى وعندك..

    با فتكر لهفة عينيك..

    لسه فاكر حبى ليك..!!

    ***************

    الحق عليك..!!
    ـــــــ

    الحق عليك..والشوق فى عنيك..

    وبتتقل برضه وبتعاند..

    جرتنى وراك,,وعشقت هواك..

    وأنت ولا هنا..قلبك جامد..

    بتبص لفوق..وتدارى الشوق..

    وبتبعد قلبك عن قلبى..

    وعملت تقيل..يا أبو رمش كحيل..

    وداريت أشواقى عن حبك..

    بس أنا حسيت..إنك حبيت..

    مستنى عليك..تفتح قلبك..

    ده أنا شوقى أكيد..والنار هتزيد..

    وحرام تجرح قلبى فى حبك..!!

    *****************

    لو مرة حبيبك باعك..!!
    ـــــــــــ

    لو مرة حبيبك باعك..إزعل منه ولومه..

    لكن..إوعى تخونه..وتحب قلب غيره..

    لأنك مهما تقسى..عمرك ما فى يوم هتنسى..

    إنه كان حبيبك..وإنك كنت أسيره..

    عشان الذكريات...والفرح والآهات..

    هيه فرحة حبيبك..هيه دمعة حبيبك..

    هيه أيام زمان..والأشواق والحنان..

    عمرك ما هتنسى حبيبك..لو حتى كان هيسيبك..

    تتمنى تعيش وياه..وتعيش فرحان بهواه..!!

    ******************
    فين الحب..؟..!!
    ــــــــ

    تعرف إيه الشىء الصعب..

    لما تكون مش لاقى الحب..

    وأما تكون تايه فى مكانك..

    وحزنك شايله جوه القلب..

    طلع حزنك من قلبك..

    وإسعى ودور فين الحب..

    الحب قريب من قلبك..

    قرب منه ونادى عليه..

    وإرفع إيدك وإدعى لربك..

    وإصفاله وإرجع ليه..

    هوه إللى خلقلك قلبك..

    وكل حاجة ملك إيديه..

    متفكرش ويحتار فكرك..

    لازم تعرف مين بتحب..

    تعرف إيه الشىء الصعب..

    لما تكون مش لاقى الحب..!!

    *************

    بيرد333
    [/ALIGN]

  2. #2
    نبض مبدع الصورة الرمزية قطرة مطر
    تاريخ التسجيل
    11- 2002
    المشاركات
    362
    [ALIGN=CENTER]
    أخي الفاضل / بيرد 333 ،

    جميل ما أقرأ هنا ، ورائع ٌ تلكَ الكلمات العفوية العميقة المعاني ،

    فعلا ً لقد أخذتني إلى عالم ٍ آخر ،

    البساطة والبراءة ، في حروفك ،

    اشكركَ على هذه الخربشات البيردية الراقية ،،

    تحياتي المخضبة بماء الورد ،[/ALIGN]

  3. #3
    "رجل عادي جدا" الصورة الرمزية عاشق السمراء
    تاريخ التسجيل
    05- 2002
    المشاركات
    21,307
    [ALIGN=CENTER]
    مسااااااااااااااء جميل ..



    ايها المغرد ..

    دائما تبهرنا بالجديد .. وبأساليبك الراقية .. !!

    عميقة تلك المعاني ..

    ولغة العامية طغى عليها .. واعطتها جمال وحلاوة !!


    تواصل جميل منك !!
    [/ALIGN]

  4. #4
    نبض مبــدع الصورة الرمزية سأظل أحبك
    تاريخ التسجيل
    05- 2002
    المشاركات
    1,723
    بيرد

    [ALIGN=CENTER]خربشات شفافة .. عميقة المعاني
    لا اعلم كيف أبدي اعجابي بقلم يحترف كتابة الشعر ![/ALIGN]

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

  عروض رمضان عروض العثيم عروض بنده عروض هايبر بنده  


1 2 3 4 5 6 7 8 9 10 11 12 13 14 15