الموضوع: المرأة الكويتية دخلت البرلمان_ألف مبروك

السلام عليكم و رحمة الله و بركاته
مادري إشلون أبدأ الموضوع و بصراحه فرحانه واااااااايد
لنجاح الانتخابات في بلدي الغالي الكويت
والحمد لله للمره الثالثه ننتخب كنساء بالكويت
وندفع دفة الديمقراطيه بالكويت و نزف لمجلس الامه
فوز 4 نساء أكاديميات في مجلس الأمه لأول مره بتاريخ الكويت

حققت اربع نساء فوزا تاريخيا في الانتخابات التشريعية الكويتية لتدخل بذلك المرأة مجلس الامة للمرة الاولى في هذا البلد المحافظ منذ اطلاق الحياة البرلمانية في 1962 ومنذ اعطاء النساء حقوقهن السياسية في 2005.

الأولى / على اليمين الدكتوره معصومه المبارك ( كنتي أول وزيره كويتيه و الحين نائبه قويه دائما )
الثانيه / الغاليه على نفسي الدكتوره سلوى الجسار ( حبيبة دائرة منطقتي و موفقه يالغاليه )
الثالثه / الدكتوره رولا دشتي ( ربي يوفقج يا صاحبة المخ الإقتصادي )

الرابعه / الدكتوره أسيل العوضي ( ربي يوفقج يا أسيل حبيبة الكل )

ويشارك الاخوات عدد 46 نائب منهم سابق و منهم جديد

حلو تجربة الديمقراطيه


ويارب تهدأ العواصف السياسيه اللي مرت فيها الكويت لفتره طويله
وكانت أنفاسنا محبوسه وربي يعلم بالخوف اللي عشناه على بلدنا
لأنه أمور سياسيه كثيره صارت و البلد تلخبط ولكن .......

الحمد لله الحمد لله الحمد لله إنتهت على خير
الإنتخابات لمجلس الأمه الكويتي
ونفذنا رغبه أبونا و غاليينا الأمير الشيخ صباح الأحمد الصباح

يارب إحفظ الكويت و بلادنا العربيه و الاسلاميه
ويارب يوفق كل إخواتي و إخواني نواب مجلس الأمه
لأنه والله أمامهم مسئوليات كبيره لإعادة صفوف الكويت الغاليه


موفقين في مجلس الأمه