لو بينك وبيني الف كون
لو كنتي اعلي من السما
لو بينك وبيني الف ميل
او بلاد ملهاش طريق
مستحيل انسي في يوم
انك انتي عمري انا
لو موتي قربك يرضي قلبك
سبيني اموت
يا عمر عمري اللي انتهي
مليت السكوت
سبيني اصرخ ناطقا اسمك
يمكن افوق من السبات
يمك افوق
لو عمري قربك عمره يوم
سبيني اعيشه في جنتك
يمكن الاقي في الطريق
بداية عمري المنتهي
او يمكن الاقي المغفره
جوه عنيكي الطيبين
يا حلم احلام السنين
نفسي اسالك
هو انتي ايه
ولا انتي مين
سر الوجود ولا الوجود منك بدا
انتي الخلود ولا الخلود فيكي انتهي
انتي موت ولا حياه
ولا انتي نور او انتي نار
ولا الهدايا بعد الضلال
انتي مين ولا انتي ايه
باسالك وانتي السؤال
وباختصار
سبيني اجاوب عالسؤال
انتي الوجود وكل الوجود بعدك عدم