أنا
مخلوق من طين
مابين الخير
ومابين الشر
تاريخ جميل
يفرح
وتاريخ لعين
حزين
يجرح
أنا
بقدرة ربنا
خليت العلم
يطاوعني
وعليه أتأمر
ورحت طاير
في أعالي السما
من غير جناح
ورحت أمشي
أتمختر
فوق
سطح القمر
أنا
عملت حاجات
حاجات عظيمة
تبقى حكايات
زي برج بابل
والأهرامات
ولوحبيت أغير
شكل الأرض
أهد جبال
وأبني وأعمر
وأخضر صحرى
وكمان أقدر
سور الصين
ونهر النيل
أقربهم
وأبعد دجلة
عن الفرات
وأكثر
بس!
في حاجة !
مش فاهمها
ومن زمان
تعبتني قوي
دوختني قوي
حاجة زي اللعنة
وأكثر بكتير
ولها تأثير
على عقلي وقلبي
حياتي وعمري
جسدي كلّه
حاجه أسمها
وبالجمع كده !
الستات
وجمالها
ودللها
وحلاوتها
لما تبتسم
الله أكبر ,
بس!
يمصيبتي
يالهوتي
لما تكشر,,
حكمت البيداري
رد مع اقتباس
المشاركة الأصلية كتبت بواسطة حكمت البيداري
أنا