الموضوع: حنين

[poet font="Tahoma,5,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
بسم الله الرحمن الرحيم

قولي يا اما وسمعيني
قولي يا اما وعلميني
انه لسه فيه امل
وان فيه مستحيل
ممكن يتعمل....
بعدك يا اما نسيت الامل
والحب والامان
نسيت يعني ايه حب وحنان
قلبي شقق زي ارض
عطشانة للميه
قولي ياما وعلميني
ولا قولك ضميني وريحيني
امسحي عني العذاب
دانا قلبي بعدك يااما شاب
فاكرة يااما ....
لما كنت بتعلميني
وجنبك بتاخديني وتحضنيني
وللقرآن تحفظيني
وتحصنيني
فاكرة ...
لما كنا نحلم سوا
لما كنا نتعب سوا
وفي العصاري نعقد نحكي
وتشرحيلي وتفهميني
وحشني صوتك ياحنينة
وحشني قلبك لما يراعيني
وبالحنان تحسسيني
عارفة يااما
كل يوم في الغربة بعيشه
بيغربني عنك سنين
وسنين
امتي يااما ارجعلك وترجعيلي
من جديد........
وحشني اشوفك بتجمعينا
وللحديث والفقه تعلمينا

وحشني اشوفك
وانت بتساعدي الفقير واليتيم
وترسمي بسمه علي
وجه الغريب والقريب
عارفة يااما
بعدك ماشفت حبيب
والقلب مااستأنس
في يوم لحديث
غير حديثك الحلو يااما
امتي يااما ارجعلك وترجعيلي
خايفة يااما الغربة تسرقني منك
ومااعرفش ارجع من جديد
والطريق يتوه ولا يطول
ولما ارجع لا الاقيك ولا تلاقيني
خايفة يااما من تصاريف القدر
اوعي ياما تتركيني
انا من غيرك ماليش حبيب
ولا حتي ونيس
انا هنا يااما عاملة زي شجرة صبار
وسط الرملة والصحرا اللي مالهاش
حدود...
لما بتعب من حرقة الغربة
بتخيلك واشوفك ...واشوفك زي السراب
****************************************

[/poet]