::.. بسم الله الرحمن الرحيم ..::
هي قبلة على جبينه
هدية إلى
طفلة العشق
من هنا
إلى
أراضي الوجع
الساكنة
فيه
يبه هذي سنيني والشباب الي يصلي كان
هدية لك وسجدة ذنب خانه فيك ميلاده
تصلّي كلّهـا أشيـايْ لجلك ما بها خوّان
مراياتي وسجــادة وفرح ٍضاع بحداده
غدى لاجي يدوّر له على سكة حزن أوطان
بعد ما عافْته سكّة سنيني وطاح فـ بلاده
أجيلك غرفتك أسئل وما ألقى سوى البيبان
على أرضية الذكـرى أصادفها كما العادة
حزينة تعتكف في صمتها من غيرها الحيطان
حفر فيها الأسى عمره وصارت لعنة أوتاده
يرتّلها خـرز مسبــاح لك آية ولا إيمان
وناقصها مدام إنـه شرب من صبرك مهاده
وانا وشهو يصّبرني ولا غـيرك يبـه إنسان
يسافـر للعنـا لـو زاد بي جرحه وإلحاده
ومن غيرك يبه لملم رفات ودمعـة الحرمان
وحرماني أشوفـه فـ الزمان الجـاي ميعاده
أبترك دمعتي لحظة وهـذي سجدة الغفران
عسى عطف العلي يبري وجع خانك ولا عاده
منى..؟11راحت يبه دام الوجع في داخلك سيّان
طوى ظل المـنى صوتك وغابت لحظة انشاده
فمان الله بتـرك شمعـتي يا معبد الوجدان
ويركــع جنبهـا عمري هدية لك بما جاده
مع أطيب المنى
طفل
الرصيف