رد مع اقتباس
طول عُمري
طُول عُمري عايش
طُول عمري
عايش مُسالم وراضي
زيرو
في السياسة .. والمناهضة والقواضي
طُول عُمري
عايش .. مُسالم وراضي
لا ليا
في الحيازة .. ولا مالك أراضي
:
عُمري في حالي
أحلق لوحدي
في العلالي
ويوم يتقلبلي .. أقصقص جناحي
ويوم
إن سمحت ظروفي
اكتب واعبر بنبرة حروفي
واكتب ..
وارتب ولادة كتابي
ماليش
ماليش في الجرايد
حكومي ومعارض
لا اصدق صُحافي كلامه جُزافي
ولا اسمع إذاعي يصدع دماغي
:
لكن النهاردة
نَفسي من جوه نَفسي
حاسة بخطر
وعيوني شايفة
نوعين .. نوعين من البشر
صنف مغبون .. معدوم عصامي
وصنف دُون ... أناني حرامي
ناس بتلعب ... بالملايين
وناس غلابة .. مطحونين
ناس .. سِريرها ريش
وناس
عالبلاطة والحديدة
همها بس تعيش
قولولي
أحكي ؟
ابتدي ولا ما ابتديش ؟
وارجع معاكم لامبارح
يسلام على امبارح
كان الخير كان طازة وصابح
يسلام على امبارح
وابوك وابويا
والعرق ولقمة العيش
كان همهم نكبر
وعالحياة نقوى ونقدر
ورغم ضنك الحياة
عمر السؤال
ما كان رده مفيش
ابتدي ولا ما ابتديش
واحكي عن زمان يا زمان
كان زمان
يجي هلال رمضان
شايل فانوس وياميش
كُنا
كُنا ندوق العيد في كعكة أُمنا
بالسكر .. ورسمة المناقيش
كان
كان السحور كُله خفايف
يجي الفطور
لَمِة أحبة
شَعر الكُنافة وأحلى قطايف
كنا زمان
كنا نمشي عالصوابع
لاجل ما ينام الكبار
كان الكلام
بالادب بالهمس بشويش
كُنا زمان
وكُنا .. بنذاكر بِذمة
نسهر ونتعب وننجح
ونطول موج المصايف
بحر وهوا .. ونعيش
ابتدي ولا
ابتدي ولا ما ابتديش
واحكي عن جيل اليوم
السكر السنترافيش
جيل المحزق والملزق
والبَادي .. والشعر ابو ورنيش
جيل البيتزا ..
والواوا .. والبابا أُبح
جيل الكجولة والروشنة
جيل الطيش
ابتدي ولا ما ابتديش
:
يحيى معوض
الارز
المشاركة الأصلية كتبت بواسطة أمل الحياة
