(2)
تيجو نمشي معاه مشواره
نتفرج على عفشه وداره
:
عالباب
في حنان بيحّضن في عِيالُه
وينادم على مَراتُه بهانة
يا ولاد
أُموكو فين يا ولاد نعسانة ؟
والرد أهو جاله فوق راسُه
بصابونُه وزهرهُ وبوتاسو
أتاريها عالسطح بتنشر خلاجاتُه
:
الدار
الدار على قد الحال والنقدية
في بساطة
مـ السقف لحد الأرضية
عيشة بساطة أُمال إيه
لا موكيت .. ولا باركية
ولا باب وعليه بواب
ولا سكيورتي نعدي عليه
القاعة
القاعة حيطانها وردية
في الوش في طاقة ونملية
وفي ريحها شَلته وطبلية
عالجنب
عالجنب كنبة ودولاب
وادي قُلة راقدة في صنية
وبابور .. طربوشة هباب
وروايح
وروايح خُد عندك
تقلية وبتنجان وقريش على طعمية
:
فلاحنا
وَجِب وضايفنا
وعنيه في سذاجة بتسألنا
مين أحنا
:
وسبقتُه قبل ما يسألني
:
وسألته
:
( يتبع )