الموضوع: الحلم المستحيل

الحلــــــــــــــــ المستحيل ـــــــــــــم
*******************
منال: صدقيني يا ريم هالشاب غير كل شي فيه غير_ يتميز بأشياء كثيرة وأول شي الاحترام
ريم بحنيه: مصدقتك بس لازم تعرفي شي انه الشباب لهم طرق كثيرة للفت الانتباه
منال بحماسه: بس بعد أنــــــــــــــوار غير حتى عن ربعه اللي معاه!!!!!

(منال بنت محترمة ولأبعد الحدود معروفة بين الكل بالطيبة والتهذيب,,, وما أي شخص يلفت نظرها أو بسرعة تنجذب للأشخاص ،،،، منال طالبة بالجامعة قسم صيدلة معروفه بالاجتهاد والمثابرة،،، أما ريم ف هي صديقة منال من أيام الطفولة صديقتها روح بالروح وبالرغم أنهم ما يتلقوا الا في الويك أند وبعض الاجازات الا أن كل أسرارهم مع بعض،،، )

ريــــــم: منال ديري بالك ولا تتعلقي فيه وبعدين تتعبي بالنهاية
منــــال بحزن: أعرف ياريم ان مستحيل يصير بينا شي في المستقبل.....
ريــــم قاطعتها: لا تقولي مستحيل _ انتي ما تعرفي المكتوب _بس حاولي أنك ما تعجبي فيه أكثر وأكثر...
الجامعة بالنسبة لمنال مكان لدراسة وبالرغم انها معجبه بأنور الا أنها مستحيل تحط عينها بعينه أو تلفت انتباهه بحركة،،، وهذا الشي اللي خلا أنور يبادلها الاعجاب ويحترمها أكثر من أي شخص...

(أنور كان شاب مهذب خلوق_محترم جدا_جذاب وله ابتسامه تسحر،،، مجتهد وطالب علم بمعنى الكلمة)

في الجامعة
ذكرى: ها منال كيف ذاكرتي للامتحان؟!
منال بثقة: أكيد حبيبتي على بالك كنت ألعب بالاجازة!!
ذكرى: على بالي أنوار ما خلاك تذاكري_ ف بالك 24ساعةهههههههه
(( يقولوا الطيب عند ذكره ))
وما هي الا ثواني الا ويمر أنور وصاحبه جاسم من قدام منال وذكرى: منال نزلت راسها بحركه سريعة،، أما أنور فكانت هذي فرصته تميطالع فيها لين جاسم ضربه ع كتفه
جاسم: أنور بسك عاد ما شفت البنت كيف أحمرت؟!
أنور ومتضايق من حركة جاسم: جاسم شفيك؟؟؟!
لا تعيد هالحركة قدام البنيه ما ابيها تاخذ فكرة سيئة عني!!!
وف المقابل
ذكرى: كل شوي أنور وأنور وبالاخير نزلتي راسك لين بغى ينكسر ههههههه
منال سرحانه: آآآه هالرجال عذاب ويسلب الالباب فديته والله_ _ بعد ثانية أستوعبت كلام ذكرى
وقالت: مالت عليك _ أشتبيني أسوي يعني أحط عيني بعينه أو أبتسم له؟؟؟!!!

ذكرى: ع الاقل عطيه نظره خليه يرتاح_ أخاف يحول من كثر ما يشوف J
منال بضيق: أففففففف من سوالف ياذكرى قفلي الموضوع وفزي الامتحان ما بقاله شي.....
يوم عن يوم معانات منال تزيد صحيح أنها تبي أنور وأنور يميل لها بشكل ملحوظ،،، وأذا غاب واحد فيهم يموت الثاني من شوقه له،،، صحيح منال ما كانت تبادله النظرات بس قلبها كان يحس فيه ويدعيله بكل خطوة،، بأختصار الحـــــــــــب اللي كان بينهم حب هادي وقور صادق نابغ منىقلوب طاهرة وصافية،،،
بس المانع الوحيد المانع الي يمكن قلبين من السعادة (الاهل ) أنور منطقته تبعد ألف الامتار عن منطقة منال،،،
وأذا كانت منال بتبعد عن أهلها فأهلها مستحيــــــــــــــل يقبلوا بفراق بنتهم العزيزة...
ف سكن الشباب الجامعي...
أنور كان سرحان في عالم ثاني والشباب ضحم وسوالف وهوبعيد عنهم قلبا وقالبا
جاسم: أنور؟؟؟ أنور شفيك _ فس أيش تفكر؟؟؟
أنور: هـــــــــــا ولا شي بس تعرف الامتحانات قربت وجالس يفكر فيها!!!!
جاسم وبعدم اقتناع: أكيد تفكر في الامتحانات؟؟؟؟؟؟؟
أنور: عندك شك؟؟؟!!!!
جاسم خفض صوته: كنت أظن تفكر ف الغالية!!!!
أنور ومرتبك: جاسم خلاص عاد لا تجيب طاريها خلي البنت في حالها.
جاسم: لا يكون تغار بس هههههههههههه
أنور قام من المكان وهو معصب
جاسم: تعالى يا ولد الحلال وين؟؟؟
بس أنور ما عطاه مجال وطلع من الغرفة ع طول
وفي نفس الوقت منال كانت تفكر فيه بس قطع حبل أفكارها أتصال ريم
منال: هلا والله
ريم: هلا فيك وينك يالقاطعة لا أتصال ولا مسج حشى كل هذا دراسة
منال: أفا عليك أنتي الغالية بس تعرفي من أمتحان لامتحان وفوق هذا أمتحانات النهائية قربت.
ريم: الله يعينكم بس_ الا شخبار بو نورةJ ؟؟؟
منال وبخاطرها صورة أنور: تصدقي اليوم شفته قبل الامتحان فديتــــــه كان كاشخ ولا لابس نظاره شمسية مخليتنه أف ولا أحلى!!!!
ريم: عيل هالامتحان بتجيبي فيه الدرجة النهائية دام شفتي الحبيب قبل الامتحان!!!!
منال: هههههه لا وأنتي الصادقة خربطت فيه زين _ صورته ما فارقت بالي وما عرفت أركز _ الله يستر بس!!!
ريم: الله لا يبلينا بلواكم!!!!
منال: بس عاد وخليك من أنور وغيره_ كيف الكلية وكيف الحلوين اللي فيها؟؟؟
ريم: بعدنا ما شبكنا مع أحد_ عجبنا واحد وطلع متزوج هههههJ حظ ردي!!!
ظلوا ريم ومنال من سالفة لسالفة ربع ساعة تقريب،،، وانتهت المكالمة بع الحديث
منال حاولت قد ما تقدر تبعد طيف أنور عنها علشان تركز بالمذاكره
ريم تمنت ان الله يقربهم من بعض زيادة ويجمعهم بالحلال_ لان الحب كان مسيطر عليهم بشكل كبيــــــــــــر!!!
مرت الايام بسرعة،، والامتحانات النهائية قربت_ منال كانت تعرف هالامتحانات معناها فراق أنور الحبيب نور العيون_ أما أنور فكان يحسب الساعات ويتمنى لو سنوات الدراسة ترجع علشان الدراسة ترجع يظل مع منال منال وبس_ اللي ملت حياته بطيبتها ورقي أخلاقها..
الجامعة ما حبت تفارق طلابها اللي عاشوا بحضنها سنوات،،، علشان كذا تم التخطيط لرحلة هديه منالجامعة لطلابها الاعزاء
في الجامعة وفي وقت البريك
جاسم: أنور ترى الرحلة بعد يومين لازم تعترف للبنت بمشاعرك يمكن يصير شي يسعدك!!
أنور بيأس: ما قدر ياجاسم ما قدر صعب_ أحسها بتصدني تذكر لما سلمت عليها مره زعلت علي!!! يا أخي ما تحمل زعلها_ أخاف أحرجها!!
جاسم: طيب والحل؟؟
أنور بحزن عميق: ما عرف يا جاسم أحس أني بموت!!!
جاسم: سلامتك الغالي_ وكل أمرك لرب العالمين وعسى خير...
وف المقابل
منال: ريم شسوي؟احس اني تعبانة وااايد ما قادرة استوعب فكرة الفراق والبعد عنة!!!
ريم وتحاول تخفف عنها: صبري وكلي امرك لربك بعدين لو كان يحبك صدق اكيد راح يثبت على حبه ويصبر على الهوايل عشان يوصلك!!
منال بدات تصيح بس ماحبة ريم تسمعها
منال: ريم بخليك الحين النوم غلبني-تصبحي على خير
ريم حست بدمعها بس ما حبت طوال: وانت من اهلة...
في يوم الرحلة كان الكل فرحان ومستانس"
كان في باصين-باص لبنات واحد لشباب-
قبل لا تتحرك الباصات – انور كان وافق عند باب الباص ينتظر بلهفة وصول منال انتظر وانتظر- اما الشباب كانوا يضحكو علية-اللي يقول يالدرويل,أو الحارس,الاستاذ-بحكم انه وافق على باب الباص
جاسم: انور؟؟ تنتظر احد؟!!
انور بسخرية :انتظرك انت!
والتفت صوب باص البنات
جاسم: ليكون تنتظر منال
انور وهو يلتفت صوب الشباب ابش فيك انت وطي صوتك اذا شمعك احد من هالرغود!! ايوه انتظرها
جاسم وهو يدخل الباص:ما راح تروح!
كانت صدمة بالنسبة ل انور توقع تكون اول الحاضرين
انور: وانت كيف عرفت؟؟
جاسم بابتسامة:بمصادر الخاصة وبعدين يااخي انسى وباص البنات مليان مزيونات غازل بكيفك
انور تم ساكت ولا تكلم ولا كلمة....
جاسم كان غير عن انور من بنت ل بنت مغزلجي بس الصدفة جمعتهم وصارو اصحاب بس ولا واحد تاثر بالثاني...
منال قررت ما تروح معاهم ما كانت تميل الاجواء الاختلاط بالرغم ان الشوق ذابحها وشوفته بس فضلت تم بالسكن وتحاول تذاكر
الشباب كانوا مسوين جو حلو بالباص:غناء-تقليد-سوالف-تعليقات في الروحة والجيه بس انور في معظم الوقت سرحان بعض الوقت كان يشاركهم علشان بس ما يشكوا فيه-بس تفكيرة وكل كيانة لمنال منال وبس
بعد اسبوعين من الرحلة كان لكل مشغول بالمذاكرة قليل جدا اللي كانوا يداوموا بالجامعة-كل واحد غرقان بكتابة منال كانت تتجاهل انور قد ما تقدر تبعده عن تفكيرها اما انور منال فب بالة ليل ونهار يذاكر دقيقة ويفكر دقيقة
بدت الامتحانات والكل متواتر وخايف بس أنور ومنال كانوا خايفين أكثر من كل الموجودين،، خوف الفراق والبعاد ( الحب يتعب ويتعب أكثر لو كان مستحيل )
أحلى شي في علاقة منال وأنور النظرات الريئة التي تحمل في طياتها معاني الاعجاب والحب والشوق
وأنتهت الامتحانات بسرعة البرق والكل كان مستانس الا قلبين يبكون حزن ويتألمون لان نهاية الامتحانات معناها نهاية الحب والرحيل الى الابــــــد....
يوم الرحيل في سكن البنات
منال بدموع صامته: آآآآه آآآه يا ريم خلاص أنور راح ولا عاد أشوفه مرة ثانية
ريم: تعوذي من أبليس ومسحي دموعك اذا أنور نصيبك ( صدقيني ) أنتي له وهو لك
أما أذا ربك ما كتب هالشي الزمن راح ينسيك اياه ويكون ذكرى حلوة بحياتك
منال: أرتاحت لكلام ريم وتوكلت ع الله،، خذت أغراضها وسلمت ع البنات وركبت الباص ومعها أحلى الذكريات
أما في سكن الشباب
الكل مرتبش ألي يرتب وألي يودع بأستثناء أنور كان ساكت بشكل غير طبيعي ولولا قلب الرجولة ألي حمله كان بكى بكل قوة بس هذا ما منع من دمعتين سالن ع خده
جاسم: أنور خلاص عاد!!!! كل الشباب مستغربين من تصرفاتك؟؟!!!
أنور بلا مبالاة: أضحك غصب عني؟!!
جاسم: شوف يوم التخرج لازم تقولها ع كل شي واذا ما تكلمت أنا راح أكلمها فاهمّ!!
طلع جاسم من الغرفة وظل أنور يفكر في كلامه وأقتنع أنه لازم يسوي كذا قبل لا يضيع عنه للابد
مرت الشهور بحلوها ومرها بالبعاد والفراق،،
جاء اليوم ألي تنتظره منال بكل شوق: يوم التخرج!!
الكل سعيد مستانس اليوم تسليم الشهادات،،، بدت الاسماء تقال بصوت عالي بكل فخر، منال كانت سعيدة بس عينها تبحث عن حبيب العمر لين وصل دورها ما أنتبهت كرر الاسم مرة ثانية
ذكرى: منال؟؟!!!
منال بأنزعاج: هاااا؟؟
ذكرى: دورك وصل!!
منال قامت بسرعة وتوجهت لاستلم شهاداتها وقلبها ينبض بقوة
ذكرىبفرح: مبروك بأمتياز بعد!!!!
منال بعدم أهتمام: ماراح تكتمل فرحتي لين أشوفه
وصل الدور لأنور وبنفس الحالة كرر الاسم مرتين بس للأسف محد ظهر وأنتظر المسؤؤلين دقيقة لعل أعتقادا منهم أنه بأخر القاعة بس للأسف أنور كان بعيد عن القاعة كان طريح الفراش نتيجة حمى أصابته ف الايام الاخيرة!!!
بعد أنتهاء من تسليم الشهادات طلعت منال تجر أذيال الحزن،،
ذكرى حاولت تخفف عنها وتنسيها غيابه،،، بس تجري الرياح بما لاتشتهي السفن،،
جاسم وصاحبه مروا من عند منال وذكرى، تعمد جاسم يتكلم بصوت عالي مع صاحبه وقال: أنور مريض بحمى هذا ألي خلاه مايحضر أدعوا له ولا تنسونا السلام أمانة
منال عرفت أنها المقصودة ومشيت بسرعة كبيرة وأنزوت في مكان تبكي بحرقة وبألم
يا ليتنــــــــي أنا ياأنور ياليتني أنا،،،
بعد البكاء الأليم أستسلمت منال لقدرها وتذكرت كلام ريم اذا في نصيب أنتي له وهولك.
حملت شهادتها وركبت الباص وألقت نظره أخيرة ع الجامعة ع كل الاماكن الحلوة ع كل زوايا ألي كانت تشوف أنور فيها_ سالت دموعها وغمضت عيونها ودعت’’ يارب يا كريم خفف عن أنور وأرحمه وأرح قلبه الطاهر وأذا لم تجمعني به ف الدنيا فأجمعني به ف الاخرة في جنتك ومع الصالحين’’
أما أنور عرف قدره وأنه البعد محتوم بس قلبه اذا حب في يوم مستحيل يعطي مثل حبه لمنال

تـــــــــــــــــــ بحمدالله ـــــــــــــم

قصة حقيقية حدثت في احدى جامعات الخاصة بالسلطنة