(( مساء جميل !! ))
ذكية هالمديرة ..
ممكن عنوانها ..........!!
كح كح كح
يعطيك العافية كنوز النبض !!
هذه قصة سمعتها ويقول ناقلها انها حقيقية .
تدور القصة حول مديرة مدرسة عزباء غابت عن المدرسة يومين
ولما عادت لمدرستها قابلنها المدرسات سلامات وينك يامديرة ؟
قالت لهن باركولي تزوجت .
قالن مبروك يامديرة ولكن منهو زوجك ؟.
قالت لهن بصراحة زوجي هو زوج إحداكن ..
المدرسات تكفين علميننا أي وحدة منا ؟
قالت المديرة والله ما أعلمكن .
المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله
واللي آخذ خمسميتها فهي مهو زوجها
واللي أخلي خمسميتها على الطاولة ولا آخذها فهو زوجها عيب علي اتزوج زوجها
وآخذ بعد منها خمسمية ريال .
وافقت المدرسات على الطريقة .
ويوم جاء بكره وكل وحدة مزهبه معها الدراهم ..
جت الأولى والثانية والثالثة والرابعة حتى العاشرة والمديرة تاخذ الدراهم ..
يوم جت المدرسة ال 11 وبدت المديره تأفف
المهم حطت الدراهم على الطاولة
وقالت لها تكفين خذيها يالمديرة
قالت المديرة اعذريني قالت المدرسة كانها قليلة حطيت ألف بدال الخمسمية
قالت المديرةأووووووووووووه معليش أثرك أنتي جواهر
والله اني آسفه غلطت يوم تنفست المدرسة وقالت الحمد لله يعني بتاخذين الفلوس
المهم اخذتها المديرة ..
ودخلن بقية المدرسات حتى ال 23 والمديرة تلعب باعصاب كل وحده
وفي النهاية تاخذ الخمسمية .
المهم بقي مدرسة وحدة فقط ماجت
يوم اتصلن عليها المدرسات هاه وينك يا استاذه
قالت والله اني تعبانه وماني جايه .
قالت المدرسة الغايبة : هاه من صار زوجها اللي متزوج المديرة ؟
قالن لين الحين مابين شي والمديرة عيت تاخذ الفلوس لين نحضر كل المدرسات
( يلعبن عليها بس يبونها تجي عشان يتطمنون إنها هي لأنه مابقى إلا هي )
وقالو المدرسات لازم تجين تكفين .
المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي
وبدأن يسمن على المدرسة ال 24 عشان ماتنصدم ..
دخلت المدرسة الأخيرة غرفة المديرة وحطت باقي المدرسات ايديهن على قلوبهن
وحطت المدرسة الخمسمية على الطاولة وضفتها المديرة ..
يوم طلعت شافوها وماصار شي وفلوسها أخذتها المديرة ..
قالت يابنات فيه وحده منكن ماخذت المديرة دراهمها ؟
قالوا لا والله كلنا اخذت دراهمنا .
ودخلن المدرسات على المديرة وقالوا اخذتي الفلوس من كل المدرسات تلعبين علينا منهو زوجك؟
قالت المديرة المهم الدراهم ( 12000 ريال ) ماراح ترجع
وأنا والله لاتزوجت ولا شي لين الحين عزوبية ووالله كنت مريضة هاليومين .
ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريالنصلح المصلى ونشتري مصاحف وقف للمسجد ..
قالن المدرسات بردها الله بالعافيه فداك الدراهم
ولو تبين زود عطيناك هو صدق بس رجالنا ماتزوجوا علينا .
انتهت القصة واتمنى تكون اعجبتكم .
التعديل الأخير تم بواسطة كنوز ; 24 - 06 - 2007 الساعة 00:32
(( مساء جميل !! ))
ذكية هالمديرة ..
ممكن عنوانها ..........!!
كح كح كح
يعطيك العافية كنوز النبض !!
يسلموووووووووو عالقصه كنوز
حلو
ما شاء الله ع الذكـــــــــاء
فعلا تستحق أن تكون مديرة
مشكورة كنوز على القصة
تحياتي
عاد ما مقلب خذنه المدرسات والله انها مديره ما قصرت فيهم تستاهل كل خير
هههههههههههههالمشاركة الأصلية كتبت بواسطة بنت الشرق
واالله انه ذكية
عاد ما ذكيه
ولا مديره مدرستنا
اخخخخخخخخخخخخ
تسلموا
مشكوره أختى كنوز على السرد .
هذى القصه تثبت وبما لا يدع مجال
للشك أن المرأة تدفع فلوس الدنيا
كلها ولا يتزوج زوجها عليها .
نصيحه لكل زوجه :
لا ترهقى زوجك بالطلبات الزئده
عن الحاجه .
لا تخرجى مشاكل البيت خارجه
وحليها مع زوجك عندما تهدى
النفوس .
عندما يكون زوجك فرحان
أفرحى معه ولو كنتى حزينه
وأذا حزن واسيه وكونى له
الصدر الحنون .
مع تحيات شيخ المفاليع
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
