من بعد ما شوفتك
حسيت في حياتي ... أجمل تغيير
القلب فتح لك .. وبسرعة ارتاحلك
كان نفسي اصارحك من غير تأخير
جتلِك .. وورايا سنين
جِتلِك احلف لِك .. والعين في العين
حسيتِك . حبيتِك
مستغرب قلبِك ؟؟
محتاج تفسير ؟؟
حبيتك ... أكتر مــ الحب
حبيتك .... أكتر .... بكتير
في عيونِك
في عيونِك نظرة بتسألني
حَبِتني
إزاي .. من إمتى .. وفين ؟
حبيتك من حلم في قلبي
غَنيتِِك .. وكتبتِك شِعري
ومشيت لعيونك .. مشاوير
مشاوير
من دنيا لدنيا ... دَوَرت عليِكِ
سَهَاني وَخَدني التفكير
من يوم ما قابلتِك .... رَدَت لي الروح
من بعد ما تاهت .. في كــيان مجروح
حبيتِك وعشقتِك
والقلب في صدري مالهوش غير سيرتِك
:
ياما .. ياما .. وِياما
ياما خدني الماضي .. وطريق في خيالي
بين فرحي ووجعي ..... فريت بصوابعي
وفـ صفحة حالي ............ قَلِبت ليالي
وفضلت مسافر .. في الماضي مسافر
مـ الحب الأول ......... للحب العاشر
وعترت في ماضي ... بِيعَري جراحي
وبيسقي فـ عمري ... الوجع الصاحي
من نار .. وسنين من برد
من قسوة .. معدومة الحد
بَهربلِك
بهربلك .. من سجن الماضي
من صورته .. من سجن وقاضي
من شوك .. غارس في ضلوعي
من خنقة ....... بتجري دموعي
بَهرَبلِك
واتمنى لسجني يكون قلبِك
:
من بعد ما شُفتِك ... وِلقَيتِك
ولقيتني .. في قلبِك ... حبيتِك
:
سامعة .. سامعة
سامعة الفرحة
من قلبي .. مولودة وطالعة
:
اخدوني عيونك .. والرمش الجارح
غمضت الماضي .. في عيون امبارح
مع اخر دمعة
حَبيتِك
:
عامية / يحيى معوض
الارز
و يا بختو..
و يابختو القلب...بحنانك
و بطيبة روحك...و جنانك
و بقولو يا قلب ..اوعَ تبيِِِِِِِِِِن
بيرُد حَبيٍِِِِن ..و حياتك
ده عنيد و الله...ما بيرحمنيش
رغم اني لولاه...مش ممكن أعيش
و بقولو اصبر..بٍيقُولي ازاي
ازاي هصبر...الصبر ما فيش
و أنا هعمل ايه..طب قولي يا قلبي
غير اني أطاوعك..و بلاش أخبي
من بعد سنين... في متاهة الدنيا
لازم في الآخر.. يتعدَل دربي
*********************************
و تبقى العامية هي الأقرب لقلوبنا
و الاسرع في الفهم و التعبير
سيــــــــــــدي الأرز
سلمت أناملك
تحيتي..
..أريج..
(( مساء جميل !! ))
مشاوير كثيرة
تخوضها ايها المشاكس
ولن تتوب ..
اعرفك حينما تقرر .. تقرر !!
مشاوير ..
وغربتي ليل ..
ودفا مسافر لعيونك
انا انتظر غربتك
ديرة
وديرتك حيرة وانا ساهر
مشاوير ..
والهوى احساس
نبض ساكن وانفاس
والحكي معك احساس
وانت في عيون تاج
هامه وهمه فوق الراس
مشاوير
وكل ما فيني ينتظر
بكل معنى اختصر
تعبت امشي
تعبت اشكي
تعب شوقي ..
فيني ..
وظل عمري لعمرك ..
منتظر !!
ولسه في نفس المكان
بتكتب .. بتعشق
بتموت من شوقك ..؟
إيه يا زازة ما تعبت أنت ..؟
إيه أخرت كل ده ..؟
قول .. أعترف ..؟
ومن أمتى وأنا بعرفك ..
عشان ألقاك في كل مشاويري رايح جاي ..!
وكأنك عبدالحليم ..
بتصرخ ..
" ســــــــــــــــــــــــــــــــــــــــــواح "
وماشي في البلاد سواح
والخطوة بيني وبين حبيبي براح
مشوار بعيد ولا فيه غريب
والليل يقرب والنهار رواح
" ســـــــــــــــــــــــــــــــــــــواح "
وإن لاآكم حبيبي سلمولي عليه
طمنوني الأسمراني عملى فيه الغربة إيه ..؟
وأنا ماشي ليالي .. سواح
ولا داري بحالي .. سواح
بالفرقى يالغالي .. سواح
إيه إلي جرالي .. سواح
وســــــــــــــــــــــــــــــــــــــواح
ومشاوير كثيرة .. وقصص من وراك يامآ سمعت عنها
وبتقول بتحبني ولسه بتحبني من بكرا لـ بعد بكرا
ومن الماضي .. كنت معاك ..
وأنا لسه ما كنت نطفة ولا علقة ..
وأنت بتكتبني وتحبني ..
ولسه باسأل بعد كل مشاويرك ..
أزاي .. عايزة أفهم .. عايزة أكتبلك زي ما تكتب أنت ..
لسه حرفك شويه عليِّ .. لسه عايزة حاجة أقوى ..
ومشاوير أصعب ..!!
**
تشاكس وأشاكس
مصيبة وتحملها يا الارز
ومساؤك زهر مني سيدي الفاضل
وكـ العادة رائع
تقديري الكبير
هُمى
المشاركة الأصلية كتبت بواسطة أريج الروابي
بدون تفكيريوم عرفتِك .. صابني رمشِكيا ما غيرك عياره طاشكلمة أحبِك من جوة قلبِكطارت لقلبي طير الفراشأنا حبي غاليوعشقي حدوده خطرالحب عندي مش نظرة وصورولا سهاممرشوقة .. على صدر الشجرولا تنهيدةوتسبيلة .. على وش القمرالحب عندي مش طلة ونيسولا بدلة موضةوفستان .. صيحته تسمع باريسالحب عندي مش كلامولا حلم ورديوفلوكة سابحة في الغرام:والحب عنديمش ذواقة للحروفأو أقولك يا حبيبيأديني فرصةفرصة .. لما اشاور عقلي وأشوفالحبك مش كله في طاباولا .. موال .. على ناي وربابةولا كلام الناسأهلي وأهلك .. وهيئة عليا ماما وباباالحبمش مادة دارجة في العلومولا شهادة .. دكتوراه ودبلومالحبكمش ساحة تجارب افراح واوجاعالحب أني أضمكوأثور وأحاربوأموت في يوم .. لو مني ضاعالحبأه من الحب .. أه .. الحب شامللا .. يعني .. وجايز .. ولا إنصاص وارباعالحبالحب في الدميجري يجري .. غصب عنك وعنيالحب عنوانهُ حبيبتيحبيبتي حتى النخاع:عامية / يحيى معوضالارز:اريج الغاليةخلاص كلها تواصل ولا اتنينوساعتها ما بنلحق عليكيسعدني ويشرفني التواصل مع قلمك النابضالذي يبهرني بجسارته في منازلة العاميةعيني عليك باردةسلمت الايادي اريج الروابي
شيخ المستفزين منور
وهكذا العهد بك أبدا لا تَكل
دائما قلبكَ وقلمكَ واحساسكَ حاضر
:
لا تجيني
ولا اجيلك .. ولا تبعت مراسيلك
لا الحلم ها يجمعنا .. ولا عُمر بيستنى
احلمني واتمنى .. وانساني واتهنى
أنا قلبي ... خلاص اتغير
واتعلم ....... درس صُغير
النار أهـون لي في بعدك
ولا لحظة جنة في قربك
يالي بعيد عني ...... وغلطت وحبيتـك
ليه راجع من تاني من بعد ما نسيتك
لا تجيني
ولا اجيلك ولا تبعت مراسيلك
من بعد ما دوقت الهجر
والهجر ..... بطعم النار
ولقيت في عنيك الغدر
خَد قلبي ... ألف قرار
النار أهـون لي في بعدك
ولا لحظة جنة في قربك
لا تجيني
ولا اجيلك .. ولا تبعت مراسيلك
رجعلي قبل ما تسألني
رَجَعلي العمر
اللي جرحته وانا مِلك ايديك
والدمعة الحرة
اللي خانتني وبكيتها عليك
رَجَعلي النوم ...... اللي سرقته
والليل
والحلم الوردي ... اللي دبحته
لو تقدر رجعلي
رجعلي الحب ... اللي خنقته
وِسَاعِتها
وِسَاعِتها ها اصدق مراسيلك
والدمعة السايلة في مناديلـك
كلمات / يحيى معوض
الارز
" ســــــــــــــــــــــــــــــــــــــــــوا ح "
وماشي في البلاد سواح
والخطوة بيني وبين حبيبي براح
مشوار بعيد ولا فيه غريب
والليل يقرب والنهار رواح
وآه من النهار
ومشاوير النهار .. وانتظار النهار
10 ساعات يا هُمى
وتقوليلي
حبيبي
جِتَلك في الميعاد
في قلبي شوق .. لهيبهُ زاد
إنت عارف يا حبيبي
مـ الميعاد اللي فات
كان قلبي حالف ايمانات
إني ما اجي من عمايلك
من جرايرك
في الجناين والشوارع والحارات
وعشان بحبك أديني جيت
بالخطوة ماشية بقول يا ريت
يا ريت حبيبي تكون هديت
مش كل مرة نديها لَفة .. وتبقى زَفة
بـ 100 خناقة وكات وكيت
عشر ساعات انتظار مش كتير
ليه تقطم .. ليه تبرطم
عشر ساعات مش كتير
بليز يا روحي قَدَر ظروفي
وأوعى تزعل .. وتقولي روحي
ها تعلي صوتَك هاعلي صوتي
قدر ظروفي
وان كنت بكدب انشالله اموت
اصل بابا صعب موت وماما .. ماما
ماما عاندة مـ الباب افوت
وأديني جتلك في الميعاد
تأخير
عشر ساعات مش كتير
أديني جيت اهو يا روحي
ومـن البداية .. بقول لروحي
لو سكوتَك وراه خناقة
يبقى أحسن
بالسلامة ... قولّي روحي
:
أهلا يا روحي
10 ساعات بعد الميعاد
دلوقتي جيتي .. ولما جيتي
خلاص نويتي .. قوام تروحي
ألغي الميعاد ؟ألغي الميعاد ؟؟
طب فين تروحي .. فين تروحي
وأنا من ساعات طالعة روحي
من انتظار
وشمس والعة . فوق نفوخي
يا حبيبتي الحر موت الجو نار
ومش حكاية
لو قلبي ساح .. وعقلي طار
مش حكاية
مش ها اموت مـ الانتظار
أو من .. مَرارة .. في .. انفجار
لسة جاية يا حبيبتي
لسة جاية وعايزة تمشي ؟
إيه يعني فات عشر ساعات
عشرين فداكِ
كُله يهون عشان هواكِ
ساعات ساعات
أنا بوكرة ناوي
اشتريلك واملي ايديك
بالغوايش .. والساعات
ها اشتريلِك .. تلات ساعات
(1)
ساعة حلوة مني ليكِ
(2)
وساعة مُرَة .. من إيديكِ
(3)
وساعة دايما ها ادعي عليكِ
عامية / الأرز
همى الغالية
يحلو التواصل مع مناكشاتكِ الوردية
سلمت الايادي
مش عارفة...
مش عارفة الحب ألاقيه فين
دورت عليه و بقالي سنين
بيقولو وله ..بيقولو حنين
و بين ده..و ده..ضاعت العناوين
الورد الأحمر... و المساجات
و كلام ما بيخلص ..واتصالات
و وعود و أحلام زي العصافير
نتفسح فيها ..نروح مشاوير
مش عارفة..
مش عارفة الحب إذا كان حقيقة
و لا كلام.... بيفِشِّ الضِّيقة
و أذا كنت هعيش و لا أبقى غريقة
أصل الحزن صديقي...
و أنا ليه ابقى صديقة..
******************************
أستاذنا الأرز
وما يكون قلمي أمام جواهرك
إنما تركب الكلمات نفسها
بعدما تطرب الأذن بموسيقاك
لا حرمنا من إبداعاتك
بس بصراحة حكاية الساعات دي
حكاية هايلة و الله!!
تقبل تقديري
**أريج**
ياللي شاغلنيياللي شاغلني .. صباحك فُلييحلا صباحكياللي صباحك روحي وقلبيوَعدِي يا وَعدِيعالصبحية ............ لما تعديوعدي يا وعديهدي الخطوة إنبي لا تهديدنا .. مشتاق للخد الورديواملى عيوني ... شهد وقشطةوعدي يا وعديخِفة .. وعِفة .. ورِقة .. وذوقامتى حبيبيامتى الشوق .... ناوي يروقوِينَوّلني .. الشهد .... وادوقوعدي يا وعديلما بتتقلقلبي بيسأل روحي بتسألوافضل قاعد .. ايدي على خديولما .. ولما .. لما يعديما بيجبرشي حتى ... بخاطريوعدي يا وعديياللي بحبكحاسس قلبي وشوقه وحبه ؟ليه يا حبيبيليه نستنى لبكرة وبعدهويضيع يوم من عمري وعمركوعدي يا وعديليه الحب .. مخبي في قلبكوليه الخوف مشاركني في حبكعيني عليه وعيني عليكليه الشوق خواف في عنيكواحد فينايا انا .. يالخوف .. نبعد عنكوعدي يا وعدييلا ادردح .. عدي وصبحفكر مرة احسبها بقلبكوارمي الخوف كوم ورا ظهركاللي باقيلك .. بس حبيبكحبيبيصباحك فُلي:عامية / يحيى معوضالارزللعامية مذاق ومعنى حين تتواصل الكلمةبكل سلاسة ولا تأتي السلاسة إلا إذا مسهااريج الروابيسلمت الاياديمعكِ التواصل لا ينتهي
مشاوير
مشاوير والباقي خطوتين
:
:
بيني وبينِك خَطوتين .. آه يا سلام
خطوة حلم ؟
لا .. لا .. خطوة علم ... وشوق وغرام
آه يا سلام على طعم الحب
لما بطعمهُ .. يهَني القلب
وآه يا سلام
لما القلب يعيش بالحب
تسمع منه أحلى كلام
:
بيني .. وبينِك
بيني وبينك خطوتين
لو نِمشِيهم .. لو نِجرِيهم يلا قَوَام
نفسي أضُمِك .... بالاحضان
وارمي في حُضنِك .. تَعبي وأنام
بيني وبينِك خطوتين
فُرجت هانت بعد ما كانت
اول خطوة من ملايين
فُرجت هانت ... بعد ثواني
ها يكون قلبِك بين أحضاني
فاضل لحظة .. لا اثنين
وها يضحكلي ويحلا زماني
والله الفرحة مش سيعاني
راحت عني كل جراحي
ولقيت روحي ونصي التاني
ياما .. ياما
ياما سافرت كتير بخيالي
وياما الفكر حرمني منامي
كنت في كوكب
وروحي حبيبي في كوكب تاني
شفت في عينهُ شوق وحنين
شفت حكايتي واسمي ورسمي
أنا حبيتهُ في غمضة عين
وبيني وبينهُ خطوتين
كانو شايلين ... كل أمالنا والاحلام
كانو دايسين ... فوق اليأس والاوهام
آه يا سلام
لما تلاقي قلب حبيبَك
حاسس بيك .. لو كان فين
آه يا سلام
ضَيع عُمرهُ
اللي ما دقش الحب وِجَرب
آه يا سلام
لما نلاقي الدنيا بتصغر
وكل ما تصغر تنقص خطوة
خطوة تخطي .. وخطوة تقرب
آه يا سلام
كان مشورنا .. حلم لُقانا
وانتهى مشورنا
والحب
الحب أهو عايش جوانا
:
عامية / يحيى معوض
الارز
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
