السلام عليكم ورحمة الله وبركاته ..
كنت بس اقرأ العنوان وما أدش لضيق الوقت ..
خلاص اليوم دخلت وغرقت في قراءة الموضوع ..
وبهذا المثل ( فقير ودمير )..
طبعاً عندي تصور لهذا المثل على حسب عشرتي للناس ..
وقبل لا أقول تصوري .. رحت ركض لأمي
أسألها ( لأنها دائم تردد هذه العبارة فقير وشوره دمير !! )..
وكنت ما اسأل لأني افهم السالفة وأسكت وأقول صح
أن شوره دمير ..
ولو أبوي هنا كان أعطاني أمثلة أكثر ..
لأنه كثييييييييييير يقول هذا المثل ..
لكن هو بالخميس هنا وبحاصره بأسئلتي .. وبأعرضها هنا
بإذن الله ..
سمعو شو قالت أمي / قالت أمي دمير بس مرتبطة بسوء التصرف
يعني بالتفكير وعدم الحسن في التصريف في الأمور ..
وأقدر أوضح كلام أمي / يعني مثلاً راتبه ضعيف ويسوي أشياء
تدل على الرفاهية وهو أصلاً عليه ديوان وأشياء كثيرة
يعني ما عنده حسن بالتصريف ..
وأنا بجد بأحكي لكم امثلة كثيرة /
منها رجل .. راتبه صغير وعنده ديون ..
ولمَ كمل ولده السنة ..
سوا حفلة كبيرة ( ليلتين حناء وزفة وأشياء كرهتها )
والله قلت يعني هذه الفلوس لو راحت مكان ثاني كان أحسن ..
مافي حسن تدبير ..
وطبعاً هذا المثل ( يحمل صحة وخطاً )..
يعني مو كل فقير دمير ولا كل دمير فقير ..
يعني في ناس مستوى معيشتهم متوسط أو قليل
لكن كيف حياتهم وتضبيطهم لأمورهم ..
وفي ناس لا ..
يعني مثلاً .. أخوي أول ما بدأ يشتغل
أشياء بعقله برأسه يريد يسويها ..
حلو صح ..
لكن دائم أقول له .. مد لحافك على قد ثوبك ..
تبي سيارة حلو بس حاسب ..
لا توه بادي .. ويريد يتسلف من البنك ..
والله قلت له شو غبي إنت وإلا شو ..؟
وين تفكيرك ؟ ليش ما تبدأ حبه حبه ..
ليش تخلي نفسك أسير للبنك ..
أقوله شوفني أنا أختك نفسي بأشياء ..
بس كل شيء بوقته حلو .. ما اضغط ع نفسي
وعلى إللي يعيشوا معاي ..
كل مرة يريد يتسلف أصده واقول تتسلف لمَ تعرس زين..
حاول تبني حياتك وتخطط صح ..
يعصب يعبر عن شعوره ..لأنه يردني أكفله
وأنا رافضه بتاتاً ؟؟
أقوله معاشك على قدك وطموحك أكبر منك ..
هنا ينطبق عليه هذا المثل ( فقير وشوره دمير )..
يعني هذا المثل مو شرط ينطبق على الفقير
ممكن واحد معاشه كبير لكن ما سوا شيء بحياته
يعني ما حسبها صح ..
يعني بجد أعرف شخص ..
معاشه تقريباً يوصل 600 ريال عُماني ..
شاب لا متزوج ولا شي ولا يهتم بأهله ..
لكن تعالوا شوفوا كيف الديون إللي عليه بالبنك
آلاف ........!!!
شو هذا ؟ وين عقله .. كذا ما بدأ حياته
شو هذا بالله عليكم ..
ونحن نعرف إن أمثالنا العامية ..( هي شيء لاحظه الناس
من زمن وأستنكره وصار مثل لأنه شاع كثير )..
ما أدري إذا قدرت أوضح شيء ..
أحس إني شتت بكم ..!!
الأهم أنا فهمت كلامك وطبعاً أستمتعت ..
والأكيد الأكثر أخوي / عاشق المبادئ
طرحك رائع .. ومرحباً بك أنت ومواضيعك
تقديري لك
هُمى