النتائج 1 إلى 4 من 4

الموضوع: جميع حلول مشكلة الارسال في المنتدى

  1. #1
    الصورة الرمزية ضيف المهاجر
    Title
    المدير العام
    تاريخ التسجيل
    05- 2002
    المشاركات
    6,428

    جميع حلول مشكلة الارسال في المنتدى

    ســـــلام عليكــــم ..

    مرحبا يا شباب .. نظرا لأن مشكلة الارسال بالمنتدى ما زالت موجودة عند الكثيرين ..

    وما زال الاعضاء المبتدئين .. وبعض الاعضاء الاخرين .. يعانون .. منها ..

    قررت اكتب هالموضوع .. واهو عبارة عن تجميع للحلول السابقة .. في موضوع واحد ..

    بإذن الله .. وان شاء الله .. الله يقدرني على الشرح الكامـــل ..

    وما حد يدخل الموضوع ويطلع منه .. الا والمشكلة قد انحلت معاه .. بإذن الله ..

    موضوعـــي راح يكون من البداية .. وبشرح بشكل تفصيلي .. عشان الاعضاء المبتدئين يفهمون معاي ..

    أول شي .. نتأكد من ان المنتدى يرسل رسايل أول لأ .. ندخل لوحة التحكم الخاصه بالمنتدى ..

    http://www.xxxx.com/vb/admincp عبر الدخول الى هالرابط .. مع تغيير xxxx الى عنوان منتداك ..

    بعد ما دخلنا على هالرابط .. اهتمامنا .. بالقائمة اللي على اليمين .. نروح الى اخر القائمة ..

    حقل .. الصيانة .. واذا ظغطنا على الصيانة .. بتطلع القائمة المدرجة .. نختار التشخيصات .. كما في الصورة ..



    بعد الدخول الى التشخيصات .. بتجينا 3 حقول .. نروح للحقل الثاني .. البريد الإلكتروني

    انا دخلت هنا .. علشان بكتب ايميل لي .. واطلب من المنتدى يرسل رسالة الى هذا الايميل ..

    اذا وصلت الرسالة .. معناها ماكو مشكلة بالارسال من المنتدى .. اذا ما وصلت هناك مشكلة لازم نحلها ..

    بعد الدخول الى الصفحة .. نروح للحقل الثاني .. الخاص بالبريد الالكتروني .. ونكتب عنوان البريد اللي ابغى اشيك منه ..

    كما بالصورة ..



    بعد اعتماد الارسال .. بتجي صفحة زي هاذي ..



    اذا طلعت لك اي صفحة غير هالصفحة ..

    معناها ان اعدادات البريد عندك فيها غلط .. ولازم ترجع الاعدادات الافتراضية له ..

    طيب ..

    الحين ارسلنا من المنتدى الى الايميل رسالة .. نروح نفتح الايميل ونشيك .. هل وصلت ولا لأ

    اذا وصلت .. معناها ان المنتدى ما يعاني اي مشكلة من الارسال ..

    اذا ما شفتها في inbox ... أروح اشيك JunkMail ممكن موجودة فيه ..

    واذا ما شفتها .. هنا .. اروح اسأل المستضيف حقي .. هاذي نقظه مهمة جدا .. يعني قبل ما تتابع المووضع لازم يقولك مستضيفك انه فاتح خاصية الارسال لك .. اروح اسأله .. الخاصية مفتوحة لي ولا لأ .. اذا مغلقة .. اطلب منه يفتحها .. واعاود ارسل .. واذا مفتوحة وما وصلت .. نكمل الموضوع ..

    الحين نبتدي .. حلول مشكلة الارسال بالمنتدى ..

    اول شي نسوي ايميل رسمي للموقع من خلال السي بانل .. وهذا موضوع قمت بشرحه انا من قبل ..

    وبامكانك عمل بريد باسم الموقع .. عبر اتباع الشرح حقي في هذا الموضوع ..

    ويا ريت البريد اللي تسوونه يكون بهذا الشكل webmaster@xxxx.com

    http://www.traidnt.net/vb/showpost.p...32&postcount=1

    نرجع بعد ما نسوي الايميل الرسمي للموقع ..

    أول حل للمشكلة .. تغيير الايميلات اللي في الموقع .. بايميل الموقع اللي سويناه من قبل ..

    يعني .. ندخل الى لوحة التحكم الخاصه بالمنتدى .. خيارات المنتدى .. ثم الى اسم الموقع / عنوان URL / تفاصيل الاتصال .. كما بالصورة ..



    بعد الدخول الى الصفحة .. ننزل الى حقل عنوانه .. بريد المدير العام ..

    نمسح اي بريد موجود في هالحقل .. ونحط البريد اللي سويناه من قبل .. webmaster@xxxx.com كما بالصورة ..



    ونعمل حفظ اخر الصفحة ..

    الحين .. نروح للمنتدى .. عضوية الادمن في المنتدى .. ونغير الايميل الموجود في الحقل .. الى الايميل اللي سويناه

    webmaster@xxxx.com الخطوات موجودة على الصورة ..



    الحين باقي نغير الايميل اللي في ملف الكونفغ .. config.php .. نفتح الاف تي بي .. ونروح الى المسار التالي

    /vb/includes

    وراح نشوف ملف الكونفغ موجود .. نحمل الملف الى الجهاز .. وبعد تحمليه .. ننسخه ونخلي هالنسخه على جنب محفوظة ..

    الحين نفتح ملف الكونفغ وافضل يكون بالستخدام المفكرة .. النوت باد .. NotePad

    .. ولأن الملف بداخله اكواد للكثير مو مفهومة .. ما علينا منها ..

    الملف صعب القراءة .. وحنا بس نبغى نغير الايميل .. يعني .. بعد ما نفتح الملف بالمفكرة .. نبحث عن رمز @

    وراح نلقى الايميل بسرعه .. ^_^ .. شاهدوا الصورة ..



    الحين نغيير الايميل الموجود هنا .. الى نفس الايميل اللي سويناه webmaster@xxxxx.com

    نرفع الملف مرة ثانية الى الموقع ..

    وبكذا .. خلصنا اول حل .. الحين نروح من جديد الى التشخيصات مرة ثانية .. ونكتب الايميل .. ونرسل ..

    اذا وصلت .. حلينا المشكلة .. اذا ما وصلت .. نكمل الحل الثاني .. مع البقاء على التغييرات اللي سويناها في الحل الاول

    يعني لا تمسحونها .. خلوها تنفعنا في الحل الثاني ..

    سموووو بالرحمن عشان نروح للحل الثاني ..

    ندخل على لوحة تحكم المنتدى ..

    ومنه الى خيارات المنتدى .. ثم الى خيارات البريد .. كما بالصورة ..



    بعد ما ندخل الصفحة .. بتجي صفحة خيارات البريد ..

    نحط كما هو مطلوب بالصورة ..



    بريد SMTP .... نحطه نعم ..

    مزود SMTP ... حطه mail.xxxxx.com ... مع تغيير xxxx الى رابط موقعك ..

    اسم مستخدم SMTP .. حط اسم المستخدم الخاص بالسي بانل حقت الموقع ..

    لاحظ السي بانل حقت الموقع .. مو لوحة تحكم المنتدى .. اللي على هذا الرابط www.xxx.com/cpanel

    كلمة مرور SMTP .. حط الباسوورد الخاص بالسي بانل .. بالباسوورد الخاص بالاسم اللي حطيته قبل هالخطوة ..

    واعتمد التغييرات ..

    والحين روح على التشخيصات اللي ذكرناها في اول الموضوع .. وجرب حط ايميل .. وارسل له ..

    هل توصل او لا .. اذا وصلت مبروك .. حلينا المشكلة .. اذا ما وصلت .. تابع معاي بالموضوع ..

    هذا اخر حل .. وان شاء الله بيظبط الارسال عندك ..

    نرجع نروح الى لوحة تحكم المنتدى .. خيارات المنتدى .. خيارات البريد .. كما بالصورة ..



    الحين المعلومات .. اللي حطيناها حق اعدادات البريد .. ينغيرها ..

    شوفوا هالصورة ..



    المعلومات اللي حطيناها بالسابق نخليها كما هي .. بس نغيير حاجتين ..

    تذكرون .. البريد اللي سويناه اول الموضوع .. وكان على هالشكل webmaster@xxxx.com

    في المربع الاول اسم المستخدم .. نكتب webmaster+xxxxx.com

    في المربع الثاني نكتب .. كلمة المرور الخاصه بالبريد ..

    والحين روح مرة ثالثة .. الى التشخيصات اللي باول الموضوع ..

    ونجرب نحط ايميل ونرسل له رسالة من المنتدى .. وان شاء الله تكون وصلت ..

    اذا جربنا هالحلول .. وما نفعت .. نقوم بالاحتفاظ ابها .. يعني ما نرجع الاعدادات السابقه . ابقوا عليها ..

    ونروح نبحث عن ملف email.php الموجود على هالمسار vb/admincp/email.php

    ونرفع نسخه جديدة .. ونظيفه منه .. باستخدام الاف تي بي طبعا ..

    ونجرب نرسل من المنتدى رسالة .. وان شاء الله وصلت الرسالة الى الايميل

    بس مجرد تذكير .. كل مرة نشيك على الايميل لا ننسى نشيك على Junkmail ممكن الرسالة وصلت فيه ..


    هاذي هي كل الحلول للمشكلة .. وللي شفتها بالمعهد ممكن مطروحة مسبقا .. حبيت اجمعها في موضوع واحد ..

    ومعاها شرح من عندي .. ان شاء الله تكون مفيده للجميع ..

    منقول لأخي سنفور .. من ترادينت


    تحياتي
    <div style=text-align: center;><b><span style=font-family: Courier New><font size=4><a href=http://www.sultanqaboos.net target=_blank>موقع السلطان قابوس</a>
<a href=https://hmhaitham.om/ target=_blank><b><span style=font-family: Courier New><font size=4>موقع السلطان هيثم</font></span></b></a>
<a href=http://www.alrasby.net target=_blank>الراسبي نت</a>
</font></span></b>

</div>

  2. #2
    الصورة الرمزية عاشق السمراء
    Title
    "رجل عادي جدا"
    تاريخ التسجيل
    05- 2002
    المشاركات
    21,307
    مساااااااااءجميل!!

    هو كذلك اخي المهاجر !!
    شاكرا لك !!

  3. #3
    الصورة الرمزية Al3as]-[iQ
    Title
    نبض جديــد
    تاريخ التسجيل
    03- 2006
    العمر
    53
    المشاركات
    10
    مشكور يا شيخ انقذتني من مشكلة الرسايل

    كانت مسببه لي قلق مزمن بعيد عنك

    مشكور ياغالي .. لازم اسأل المستضيف الله يعيني عليه وبس

  4. #4
    الصورة الرمزية خلود
    Title
    نبض متألـق
    تاريخ التسجيل
    04- 2003
    المشاركات
    3,905
    يزاك الله خير اخويه
    مشكور ويعطيك العافيه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML