لاخــــوخ لا رمــــان لاطــلـــع تـيــنــا
ولا مشمـش البصـرة ولا هـن تفافيـح
مشكوره اختي على القصه والقصيده الرائعه
البدو واللي بالحضر نازلينا &&& كلن عطاه الله من هبت الريح
هذي قصه قديمه وفيها قصيده تثبت الموضوع وبكتبها لكم
باللهجة العاميه
(( قصه وقصيده ))
-------------------------------------------------
بسم الله الرحمن الرحيم
بداح العنقري كان من امراء ثرمداء ... وكان رجل تاجر ... وكانوا يجونه البدو كل سنه يشترون منه بالدين
اغراضهم وحوائجهم وكان رجل آمين وخلوق وكريم وصاحب مروه وشهامه ... وكان يديّن اللي يشترون منه الي
السنه اللي بعدها يجون يشترون منه ويعطونه فلوسه الاوله ....
وحدى السنين جاه احد خوياه يشتري منه وكانت معه بنته مزيونه .... المهم ان بداح رحب بهم واكرمهم واشتروا
منه ورجعوا لديارهم بالباديه .... فقرر بداح الا ان يتزوج بنت صاحبه ...
وفعلن عقب مامشوا منه وبعد كم يوم من مشيهم .. ويوم هقا انهم وصلو ديارهم شد على فرسه ولحقهم ...
ايام وليالي لاوالله الا هو واصلن عندهم .... فرح خويه بالحيل وهلا به واكرمه ... وثاني يوم قال بداح لخويه
انا جايك طالب ايد بنتك هيا ... فقال ابرك الساعات وارخص لي اخذ راي البنت ... فراح الابو ونشد بنته وبداح
يسمع حيث ان صوتهم كان مسموع .. وقالها يابنتي بداح العنقري جاي يطلبك حليلتن له وش تقولين ؟؟
قالت البنت : هذا حضري .. خيال تصفيح مايصلح لي ولا أصلح له .... سمع بداح كلام البنت ... فجاء الابو
مستحي وماتكلم .. قاله بداح ماله داعي الحيا والزواج قسمه ونصيب .. مير انت بيض الله وجهك وارخص لي
هالليله ابي انام والصبح ابي امشي لاهلي ...
المهم جاء الليل وعجز لا ينام بداح من القهر من اللي سمعه ان البنت ماتشوفه شي وانه ماهو شجاع ولا به خير ..
فتمنى بس لو يجي موقف يقدر يثبت به وجوده ........
المهم يوم اصبح الصبح مع الفجر .. يوم صاح الصياح .... الغزو الغزو .... اثاري قبيلة ,,,,,,, غازين وماخذين
حلالهم .. فتفازعت القوم والحقوا الفضول وبداح قاعد ايتقهوى ماتحرك ابد (( لان الضيف مايلزمه شي )) فجته
البنت هيا اللي كان يبيها تناظر له باحتقار وتقول حضري خيال نظره ..... حضري خيال نظره .... تعني انه بس
مظهر ومحتقرته لانه مافزع مع القوم ...........
المهم وهم يلحقون الفضول واتشابك السيوف ويعجزون اهل الحلال لا يفكون حلالهم وهم يرجعون حول
الضحى منكسرين وخايبين ولا ردوا شي .... وبهكاللحظات والناس والحريم كله طالعه تناظر الحال فقام بداح
يوم شاف ان معازيبه انكسروا وقدام الكل والبنت تشوفه وركب فرسه وخذا رمحه وطنب يم ,,,,, يبي يرد
الحلال لحاله ..... الناس استغربت والبنت اندهشت ... وهو يلحق ,,,,,, وادخل بينهم واذبح واذبح والبخيت اللي
نجا .. وهو يرجع بالحلال حروة العصر لحاله ... وكانت الناس تستقبله كله .... واول ما اقبل يم الديره ومعه
الحلال اركضت عليه هيا وقامت تهلهل مثل انه تعتذر منه وقابله الزواج به .... فركز رمحه عندها وقال :
doPoem(0)
الله أحـــــد يــامـــا غـزيــنــا وجـيــنــا
ويـامــا ركـبـنـا حـامـيـات المـشـاويـح
ويـامــا عــلــى اكــوارهــن اعتـلـيـنـا
ويـامـا ركبنـاهـن عصـيـرن مـراويـح
ويــامــا تـعـاطــت بـالـهـنـادي يـديـنــا
ويامـا كسبـنـا مــن حــلال المصالـيـح
وراك تـزهــد يـريــش الـعـيــن فـيـنــا
تقول خيال الحضر زين تصفيح ؟؟ !!
الـطـيــب مــاهــو بــــس للضاعـنـيـنـا
قـسّـم عـلـى كـــل الـوجـيـه المفـالـيـح
الــبــدو والــلــي بـالـحـضـر نـازلـيـنـا
كـلـن عـطـاه الله مــن هـبــت الـريــح
يـوم انجمـر رمـحـي خـذيـت السنيـنـا
واودعت عنك الخيل صم(ن) مدابيـح
هـيـا عطيـنـا الـحـق .. هـيـا عطـيـنـا
وان ماعـطـيـتـيـنـاه والله لا صـــيـــح
لاصيـح صيـحـت مــن غـدالـه جنيـنـا
والا خـلـوجـن ضـيـعـوه الـسـواريــح
يـاعــود ريـحـانـن بـعــرض البطـيـنـا
ومنيـن ماهـب الـهـوا فــاح لــه ريــح
يـابـو نهـيـد(ن) تـقـل فـنـجـان صـيـنـا
والا كـمــا بـيـضـن للمـشـقـا ذوابـيــح
لاخــــوخ لا رمــــان لاطــلـــع تـيــنــا
ولا مشمـش البصـرة ولا هـن تفافيـح
ويقولون عقب القصيده مشى وخلاها ماتزوجها .
لاخــــوخ لا رمــــان لاطــلـــع تـيــنــا
ولا مشمـش البصـرة ولا هـن تفافيـح
مشكوره اختي على القصه والقصيده الرائعه
اشكركي اخيتي همس الندى على الطرح واشكر ذائقتكي التي اختارة هذا الجمال
سلمت لنا ذائقتكي التي انتقت هذا الطرح
واتمنى لكي التوفيق
تقبلي عاطر التحايا
اختكي
الحزينه
مساااااااااء جميل ...
للندى همس ..
تقديري لك على هذا العطاء !!
جميل ما قرأت ........... انستي !!
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة