صفحة 1 من 2 12 الأخيرةالأخيرة
النتائج 1 إلى 10 من 16

الموضوع: علشان تطلع الصورة احلى

  1. #1
    الصورة الرمزية روزة
    Title
    نبض جديــد
    تاريخ التسجيل
    03- 2005
    المشاركات
    28

    علشان تطلع الصورة احلى

    علشان تطلع الصوره أحلى



    من المعروف أن المرأة تقدر تتحمل آلام ما يتحملها أقوى الرجال وهذا الشي مو جديد علينا ومعروف لدى الجميع


    ولكن ... أحيانا يكون هذا الأحتمال لأمر لا يســـــــتحق


    البعض منهم يرثى لحاها .. من جراء هذه المواقف


    نســـــــــــــتعرض بعضا منها



    @@@@@@@@@@@@@



    يعني الكعب اللي يلبسونه الحريم وكما يسمونه (( الشوكه )) من اسمه يروع

    هذا الكعب الله يسلمكم أتحدى رجال يمشي فيه متر واحد

    والله اني استغرب بعض الأحيان الوحده تلبسه وتروح مناسبه ولين رجعت وفصخته تنرحم تقول أســــير .. توهم فاكينه من المعتقل

    تقعد تتشكى وآي يا ظهري .. ومقدر أحركه .. وحالتها حاله (( طيب وشهو اللي حادج يوم تلبسينه ؟؟ ))

    أنا أقولكم ليش .. عشان تطلع طويله ورزه



    باختصار عشان تطلع أحلى...!!!؟؟



    @@@@@@@@@@@@@



    صارت مناسبه والبنت تبي تروحها لبست وكشخت وما لقت جوتي (( الله يكرمكم )) يناسب الفستان

    وش تسوي ..؟؟؟ لازم تلبس شي يناسب

    تروح تحوس عند خواتها .. تلقى وحده مناسبه .. تقيسها تطلع ضيقه


    وعنــــــــــــــــــــــــــــــــــــاد

    إلاّ بتدخلها (( تذكرني بخوات سندريلا ))

    وأخيرا قدرت تحشرها برجلها

    وراحت المناسبه

    والمسكينه رجعت ورجلينها وارمه ومحمره (( والله تنرحم ))

    كل هذا عشان الكشخه ..؟



    عشان تطلع أجمل وأحلى..!؟؟




    @@@@@@@@@@@@@



    بعض البنات تلتهب إذنهم من (( الحلق ))

    واذا طلعو مكان لازم يلبسون حلقات ولازم نفس لون اللبس

    ومايمدي المسكينه ترجع إلا على طول تفصخه هذا إن ما شالته بالسياره ثم تغسل مكانه بماء بارد .. وتحط كريم وحاله



    كل هذا عشان تطلع أحلى..!؟؟



    @@@@@@@@@@@@@



    وفيه حلقات نازله قبل فتره تكون طويله .. أو حلقه كبيره

    وفي حلقات كبار ما تتحملها الإذن البشريه

    يعني يالله إذنين فيل عشان تناسب حجمه

    استغرب من اللي يلبسونها خطر تقطع إذنهم

    يتحملونها عشان الموضة



    عشان يطلعون أحلى..!؟؟



    @@@@@@@@@@@@@



    العدسات الملونة ما تناسب عيون الجميع

    بعضهم يلبسونها وعيونهم محمره ... وتدمع وتوجعها

    بس الضعيفه مقاومه ومتحمله



    عشان تطلع أحلى...!!؟؟



    @@@@@@@@@@@@@



    ولاّ التسريحات بالأعراس ........... حدث و لا حرج

    يمكن البعض ماقد شاف درازن المشابيص والبنسات المدعسه في هالتسريحات

    يعني لو وحده تجيها خبطه على راسها يمكن ينبط ........ من البلاوي اللي تحت التسريحه

    وبعض التسريحات ثقيله ومليانه اكسسوار وبعضها يوجع الراس ويكون مشدود

    طيب ليش مستحملين العذاب ؟



    عشان نطلع أحلى...؟؟؟



    @@@@@@@@@@@@@



    والبعض ما يتحمل الشدو أو الظل والكحل لأن عينه حساسه

    ويحطونه وعيونهم توجعهم

    وترجع البنت وأنواع القطرات وغسول العين من البلاوي اللي حطتها

    طيب ليش تحطها وعينها ما تتحمل...!!؟؟

    يا خزياه تبونها تروح بدون ما تكمل الميك أب .. جعل عيونها تنحول .. أهم شي الكشخه



    عشان تطلع أحلى..!!؟؟



    @@@@@@@@@@@@@



    بعض الحريم تبي تلبس فستان ضيق ... والكرشه ماتساعد ابد

    تروح تلبس مشد

    ولا يخفى على الجميع ما يسببه ذالك المشد من آلام..

    يعني ذولا اللي يلبسونه ينرحمون حتى ما يعرفون ياخذون نسم منه

    ويمكن ما يتعشون .. حدهم الشاهي

    مافي أمل الفستان بينشق



    كل هذا عشان تطلع أحلى....؟؟!!



    @@@@@@@@@@@@@



    والبعض نفس الشي تنانيرهم ضيقه

    السحاب ( الجرار ) شوي بينقطع

    تلقاهم اذا جو يتعشون بطلوا السحاب .. عشان تدخل اللقمه

    ياحرام ........... ليش...!!؟؟



    عشان تطلع أكشخ وأحلى..!!؟




    @@@@@@@@@@@@@




    ولا الميك أب وما أدراك ما هو الميك أب

    طبقات مليسه على خشة الوحده

    والله ينرحمون حتى ريحته تكتم .. كريم وأساس وطبقات وبودره ومدري وش وووووو



    كل هذا عشان تطلع فتنه .. عشان تطلع أحلى..!! ؟؟





    @@@@@@@@@@@@@




    ولا الوحده اذا طولت أظافرها ..... تحسبونها مرتاحه فيها ؟؟؟

    تكذب عليكم لو تقول إنها مرتاحه

    وأنا اعني بتطويل الأظافر اللي موب صاحي

    يعني انسب شي سنتمتر واحد هذا اكثر شي ... وعقبه تلوع الجبد

    وتتحمل البنت عشان المناكير

    والموضة والحركات



    عشان تواجه وتطلع أحلى...!!؟؟




    @@@@@@@@@@@@@




    وفي أشياء كثيره تتحمل الوحده فيها أنواع الآلام عشان تطلع أحلى وأجمل

    أشــــــــــــــــياء وأشــــــــــــــــياء

    بس ما تنفع أقولها


    أخاف

    يكفي اللي قلته ..!



    @@@@@@@@@@@@@




    وســــــــــــــــــــــــــلامتكم

    منقول

  2. #2
    الصورة الرمزية عاشق السمراء
    Title
    "رجل عادي جدا"
    تاريخ التسجيل
    05- 2002
    المشاركات
    21,307
    مساااااااااء جميل

    ،،،

    وشهد شاهدٌ من اهلها ..

    يعطيك العافية اختي الكريمة روزه

  3. #3
    الصورة الرمزية الأدميـــرال
    Title
    نبض متألـق
    تاريخ التسجيل
    12- 2003
    المشاركات
    3,525
    مسااااااااااء الخـــــير............
    أهلاااا روزه ويا ميت مرحبا بموضوعك
    جميل ما طرحتي وكما قيل الأعتراف
    بالذنب فضيله نتمنى العفو والعافيه
    لمثل التي أشرتي أليهن .
    التعديل الأخير تم بواسطة الأدميـــرال ; 14 - 06 - 2005 الساعة 14:38

  4. #4
    الصورة الرمزية غـــايـــه
    Title
    نبض جديــد
    تاريخ التسجيل
    04- 2005
    العمر
    38
    المشاركات
    251
    روزه

    تسلمين الغاليه

    اى والله ياكثر ما تعانى الحرمه

    عشان بس تطلع حلوه هههههههههههههههه

    عذاب بس شو انقول الجمال

    يطلب كل هالمعاناه



    تقعد تتشكى وآي يا ظهري .. ومقدر أحركه .. وحالتها حاله (( طيب وشهو اللي حادج يوم تلبسينه ؟؟ ))

    أنا أقولكم ليش .. عشان تطلع طويله ورزه

  5. #5
    الصورة الرمزية روزة
    Title
    نبض جديــد
    تاريخ التسجيل
    03- 2005
    المشاركات
    28
    اشكركم احبابي على الردود


    وترقبو المزيد

  6. #6
    الصورة الرمزية وردة عمان
    Title
    نبض جديــد
    تاريخ التسجيل
    04- 2005
    العمر
    41
    المشاركات
    28
    سلام
    الله يعينهم فعلا
    بس تصدجون ان المرأة تتحمل اكثر من ذلك وذاك
    تحملها على الحمل والتحمل وانجاب الاولاد
    ما اعتقد انكم بتقدرون بمثل هذا التحمل

  7. #7
    الصورة الرمزية kuwaitstar
    Title
    نبض جديــد
    تاريخ التسجيل
    01- 2005
    العمر
    54
    المشاركات
    256
    موضوع جدا جدا روعه يا روزه

    وبصراحه انا ك ل ما اشوف وحده مسويه نفس الي تقولينه استغرب واقول في نفسي ليش معذبه روحها ...
    الحين عرفت علشان تصير احلى ...

    والغريب كل يوم لهم موضه بالعذاب ... الله يعينهم

    تشكرين يا روزة نبض المعاني


  8. #8
    الصورة الرمزية ج ـنة الروح
    Title
    نبض مبــدع
    تاريخ التسجيل
    03- 2004
    المشاركات
    1,592
    موضوع حلوووو والله

    اللهم ما احفظنا

    بس حرام بيتعبون اللى يسوى كذا

    الله يعينهم

    ويبعدنا على هالاشياء



    مشكوره حبيبتى روزه على موضوعك

  9. #9
    بصراحه

    شئ غريب تتحمل شئ لجل ترضي الناس

    ولا تتحمل القليل لجل ترضي الخالق

  10. #10
    الصورة الرمزية عذبة المشاعر
    Title
    نبض جديــد
    تاريخ التسجيل
    02- 2005
    العمر
    40
    المشاركات
    141
    روزه شي بقيتي ما قلتيه وما عيبتي عليه في البنات العسولات مو كلهم طبعا اللي مثلي بس ههههههههه


    ممكن اسالك
    انتي ما تسوي كذا في الحفلات بصراحه

    خخخخخخخخخ

    انتظر ردك

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML