الموضوع: قصيدة حلوة ... و هي إهداء لكل خاينة ...

مسااااااااااااء جميل ...

شكرا لك على هالاهداء يا بنت زايد الخير

على فكرة هذه الاغنية سمعتها وانا كنت بالامارات كان زميلي حاط هالنغمة في موبيله على شكل صوت واوصل ما سمعنا الاغنية فطسنا ضحك بالسيارة .. وهو يقول الله لا يردها ..

مسكين الظاهر ...... ماخذ بمبه

قصيده جميله ياااا بنت زايد وفعلا قويه .

تشكرين على طرحك لهذه ...................

المشاركة الأصلية كتبت بواسطة عاشق السمراء

مسااااااااااااء جميل ...

شكرا لك على هالاهداء يا بنت زايد الخير

على فكرة هذه الاغنية سمعتها وانا كنت بالامارات كان زميلي حاط هالنغمة في موبيله على شكل صوت واوصل ما سمعنا الاغنية فطسنا ضحك بالسيارة .. وهو يقول الله لا يردها ..

مسكين الظاهر ...... ماخذ بمبه

عاشق أنا ما اتمصخر وياااك إنزين .... تيلس تقول الله لا يردها و ما أدري شو إنزين ... و تقول مسكين



أنا صج متؤثرة بالشلة ....




أسووووووووووووووووووووووووووووووووووووووووووولف لا تزعل كله و لا زعل عاشق السمراء ما تهون علي فديتك ... انت عالراس و العين ... لا تصدق عمرك لو سمحت ...

المشاركة الأصلية كتبت بواسطة بنت زايد

هذي القصيدة تعجبني واايد و حبيت أنشرها في المنتدى ...


هي القصيدة وايد طويلة و حلوة حييييييييييييييييييييييييييييييييييييييييييييييييي ييييييييييل.... و كلماتها قوية واايد ....


و شلها محمد بو رحيمة شاعر إماراتي صوته عجيب ...


الحين بخليكم مع القصيدة ....



لا ردك الله لا ولا اطلب ترديــن ......ادعي عليك بعثرة فـي صلاتـــــــي

عثره تشلك ما بعدها تقوميـن ......يا قاتلتني يوم صرتي حياتــــــــي

خدان لك بالقلب كانت بساتين ......وريضان وغصونا بها يانعاتـــــــي

كنتي مناة القلب والروح والعين ....واليوم عينك يعلها ما تباتـــــــــي

كنت أحسبك للعهد والحب توفين ..قلتي الغدر بالحب ماهي بسواتــي

وحلفتي يمين الله ما منك اثنتين.......وانك ملاك دون كل البناتـــــــي

وانك على عهد المودة تسيرين ....ولا تسمعين أهل الحسد والوشاتـي

وصار اليمين ستار خلفه توارين .......ورماح غدرك بالخفا مشرعاتـــي

وبان الغدر سم جرى بالشرايين ......الله عسى يسقيك سم الفعاتــــي

كلي سقيتك حب واليوم تنسيـن........تقولين حلم ايام واليوم فاتــــــي

خذتي الهوى لعبه على ما تحبين ......لين عصفت بالهوى عاصفاتـــي

من زينك يا بنت بالشعر تزيين ............ من صورك بابياته الطايلاتـــي

انا من غرامي قلت كانك تذكرين ...... قلت الخجل صاب البدر من مناتـي

وصرتي بشعري في العذاري تباهين.تقولين انا شمس العصر في حلاتي

زينتك بشعري ولا غربك الزين ..........ما زانتك صبغات حمر الشفاتــــي

صورتك بالشعر حزام ورياحين .......واثرك هضاب وشوك ما به هداتـي

رسمتك سحابه خير قطر تنفين .........فزت لك الصحراء زهور ونباتـــي

رسمتك مهاه للجميله تقودين .............واثرك قطيعه وضيعتها الرعاتـي

واثرك غراب يوم سدل الجناحين ......كنت احسب اني شايف لي قطاتي

بالشعر غليتك على كل غاليين ...........واثرك دنيه وتعشقين الدناتـــي

وبالشعر عاتبتك عتاب المحبين .........انا من يسوم الروح لك يا غناتـي

توسلت لك خايف على حب عامين .......عامين لكن في حسابي مئاتــي

ناديت لكن لي ابد ما تسمعين ...........عمري وروحي فكري في ثباتي

حذراك للشينات عمري تماشين ............عديمات اصل اخلاقهن دانياتي

غاب الولي عنهن ولعبن بحبلين ................يا خس واليهن وخس الولاتي

ما همهن في الناس زين ولا شين ...........وقلوبهن من حقدهن مظلماتي

وقلتي وربك لو يكونا ملايين ..............ما غيرن بالطباعهن من سماتي

تحسبين انك بالمهافه ترقين .................كيف الصعود يكون للهاوياتي

وخنتي وبعتي كل عهد وايامين ............ما عاد يفرق بين ماضي واتي

وصرتي مثل غيرك برخص تبيعين .........يا مرخصتني ما بقى لك غلاتي

صبري نفذ واليوم ثارت براكين .............مظلوم انا وباكر تحل ادعواتي

سمعي عسى من بعدها ما تسمعين ...سمعي دعا من صار قلبه حصاتي

ادعي عسى من ناضرك ما تشوفين ......وتطحن بك الايام طحن الرحاتي

وعساك عوق منه ما عاد تبرين ..............عوق تشافق له قلوب العداتي

ويالله عسى يحتار فيك المداوين ...........تبين الممات ولا يجيك المماتي

ويالله عسى كف الندامه تعضين ..............تندمين يوم انه يفوت الفواتي

وتبكين دم يسيل من مقلة العين .............وتحتار امك عن عناك وتحاتي

عسى ما تلاقي من له القلب تهدين .....وان حصل ادعي عساك الشتاتي

يا بلوة اللي وسط بيته تعيشين ..........ساهي وحوله شب جمر الغضاتي

عسى بعمرك ساعه ما تهنين ..............وتمضي حياتك بين هم وشقاتي

يا بنت قلبي وين مثله تلاقين .................قلبا عطاك الحب ما قال هاتي

جيتك وروحي شلتها لك بكفين ............وفي التاليه رمح الخيانه جزاتي

يالله عساك النار يا أم وجهين ................كله انكشف لا ما تفيد العباتي

ويالله عسى تلبسك جن وشياطين .....وتكونين مدعاة الحكي والشماتي

يا حية رقطا تقود الثعابيــــــن .........باكر تحن ايامك المعتمـــاتي

وباكر على فعلك بمثله تجازين ..............ظلم المشاعر ما تحكمه قضاتي

بيني وبينك تحكم ايام وسنين ............وانا شاهدي قلبا من الغدر ماتي

ويا دمعة التمساح لالا تذرفين .................العيون رغم ادموعها كاذباتي

لا ما عرفتي الحب لا ما تحسين .............وغدرك تعدى غدر ذيب الفلاتي

الذيب يعوي قبل يغدر بمسكين ........وانتي غدرتي خافقي في سباتي

لو كان غدرك في كفوف الموازين ......لكان رجح كل غــــــــــدر البناتي

انتي السبب سقتي على القلب .......جرحين غدر الغرام وموجع الذكرياتي

وانتي السبب واليوم لالا تلومين ....... وان جاك باكر شوفي اشلون يأتي

والله لاكتب وافضحك في دواوين .........وارقص واغني يوم خبر الوفاتي

وارسم لاهل العشق قلبا وسهمين ............وقصة خيانه ما روتها الرواتي

ويمين لانشر فوق اسمك عناوين ........واشهرك من قاصي اليمن للفراتي

ومن غرب هالدنيا الى قاصي الصين .....ديوان غـدر فيه كل اللغـــــــاتي

والبادي اظلم سنة العين بالعين .............والا فذي لا عادتي ولا صفاتي

ويا شبه انسانه برأس ورجلين .............اعوذ بالرحمن منك بصـــــــلاتي

صح لساااااااااااااااااااااااان من قالها وتسلم ايد من نقلها



صموني غناتي


انا برد على قصيدتج هذي


بهالاغنية

http://songs1.6arab.com/a7mad-elhermi_fa6ma-elzaiani_enta-mo-gadd-elkalam(doit).rm





اتمنى من الجميع يسمعها


اووووووووووووووووووكي


ويسلموووووووو صمون

المشاركة الأصلية كتبت بواسطة السفيـر

قصيده جميله ياااا بنت زايد وفعلا قويه .

تشكرين على طرحك لهذه ...................

مشكووور أخوووي على مرووورك ...



لا شكر على الواجب ...



بس محد عيبه هالقصيدة لانه محد راااد على الموضوع...

احم يعني الاهداء ما حالي لاني ما عمري صرت خاينه

فيه قصيده تشبها لفهد المساعد اعتقد
من قال انا ميت عليك
اصلا انا الي ما ابيك
تبغاني خاتم باصبعك
ياشيخ ذا بدري عليك
لا تخلط اوراق الهوى
كل تراه لك مستوى
كانك على غيري قدرت
اصبعك ما هي سوى احم

غلطت الشعر لخالد المريخي

هممممممممممممممممم

مرة ثانية لا تغلطين انسة نكته

مرحبا عزيزتي ... وشكرا على القصيده ..
وهي للشاعر احمد الوحشي.... اذا اي احد حضر احدىامسياته الشعريه راح يسمعه وهو يلقيها .... هو دايما يبتدي بها في كل امسيه ...
شكله صدج ماخذ بمبه