الموضوع: اشكي لي واشكيلك...

عاشقة الوصلاوي الله يعوضكم ان شاء الله وحلو الي تعلمتيه من تجربتك وان شاء الله الكل يتوجه تفكيره دايما للخير بعد ما يمر بمواقف مثل هذي سواء كانت منحه او محنه


الله يسلمك صارلي موقف هوه بعيد عن الفرح والحزن بس تعلمت منه كثير وعرفت انه اخر شي اطبقه هوه اني اخذ قراري
الله يسلمك كنت مشاركه فمنتدى وصارلي تقريبا سنتين او ثلاث ما اتذكر
المهم فكانت عندي صديقه فالمنتدى اعزها بشكل فضيع والها مكانه فقلبي وكنت اكلمها فالتلفون وجات بيتنا وعرفت وحبيتها اكثر
المهم فبعد ما صارت علاقتي معها وثيقه
وصلني كلام انها كتبت اسمي بالشات وقالت معلومات عني وكلام ماله معنى ففاول الموضوع ما صدقت وبعدين طبيعي الانسان انه يخاف على نفسه بطبع الدنيا انه كل شي جايز فيها فبعد ما اقتنعت من كلام الناس وبدون لا اعرف منها اي شي طبعا لاني كنت منصدمه
كتبتلها كلام بنفسي لو كتبته لنفسي بحس انه غلطتي اكبر من الي غلطتها
وقطعتها وما صرت اكلمها بالغرم من معزتها عندي
وبعدين بعد استكشف الامر وشفت زواياه اكتشفت انه البنت مظلومه وانه مجرد اشاعه الله يسامحهم كان الغرص منها التفريق بين خلق الله
بعدها ندمت ندم ما ندمت مثله بعمري كله وخصوصا لانها كانت تبكي
لكن هيهات ان ينفع الندم بعد ما شوهت علاقتي معها بنفسي ومزقتها بارادتي
لكن عموما دايما نعرف انه الندم ليس النهايه واحنا بانتظار البدايه
فتعتذرت لها وخبرتها بالسالفه كلها واتصافينا الحمد لله والحين لازلت معها واحبها اكثر من الاول بكثير واتمنى هالمحبه تدوم

مسااااااااااااء جميل ...

اذا صفحات من كتابنا .. !!

قد لا نحب ان نعود للماضي او للحزن لكن نحتاج له كثيرا !!

شكرا عاشقة الوصلاوي على هذا الموضوع ..!!

بصراحة



تعلمت ادفن الماضي في

سرداب افكاري

أأسف لعدم التعليق

بصراحة الموضوع جميل جدا.... و حلو إن الانسان يتعلم من مواقف غيره ...

أنا صارت لي مواقف كثيرة ....

ما اعرف كيف أبتدي بس بحاول ...

الكل كان يدري إن كنت بنت أبوي المفضلة من بد كل بناته يعني خواتي.... و كنت وياه دايم الدوم ... يعني لو كان يروح يبات برة البيت يومين ياخذني وياه لأنه ما كان يستغنى عني و لا انا استغنى عنه... كنا مثل العين و هدبها .... المهم إن قبل سنة تقريبا من الحين إنصدمت إن أبوي بالمستشفى بس ما كنت أدري بالسالفة و يوم أسأل أمي تقول لي أبوج تعبان شوي و بيرد عقب كم من يوم.... انتظرت أسبوعين و ما قدرت لان حسيت في شي بداخلي ياكلني و يعني كنت مع بدايات إمتحانات التجربة للثانوية العامة.... و قلت لنفسي بروحي بتصل بمستشفى خليفة .... قبل لا اتصل اقنعتني بنت عمي إني أتريا... و بالصدفة عرفت من ربيعتي باللي صار لأبوي لانه عبالها إني أدري باللي صار له.... قالتل صدق إن أبوج كان عنده سرطان في ريله و قصوه له .... إنصدمت و طاح تلفوني من إيدي و ما عرفت شو أسوي ركضت و سرت عند امي و سألتها و خبرتني بالسالفة و من ذاك اليوم صار الماضي مثل ذكريات مستحيل إنها ترد صحت وايد وايد صحت مثل ما يصيح شخص يفقد له عزيز عليه... صحت أكثر من يوم وفاة أخوي .... و لو سوينا أي شي ما بيرد كل شي مثل أول .....

المهم اني تعلمت إني أحمد ربي على كل شي على الصحة و المرض و تعلمت إني أصبر و انه الانسان الصبووور لابد انه يحصل جزات صبره ...

المشاركة الأصلية كتبت بواسطة انسة نكتة

عاشقة الوصلاوي الله يعوضكم ان شاء الله وحلو الي تعلمتيه من تجربتك وان شاء الله الكل يتوجه تفكيره دايما للخير بعد ما يمر بمواقف مثل هذي سواء كانت منحه او محنه


الله يسلمك صارلي موقف هوه بعيد عن الفرح والحزن بس تعلمت منه كثير وعرفت انه اخر شي اطبقه هوه اني اخذ قراري
الله يسلمك كنت مشاركه فمنتدى وصارلي تقريبا سنتين او ثلاث ما اتذكر
المهم فكانت عندي صديقه فالمنتدى اعزها بشكل فضيع والها مكانه فقلبي وكنت اكلمها فالتلفون وجات بيتنا وعرفت وحبيتها اكثر
المهم فبعد ما صارت علاقتي معها وثيقه
وصلني كلام انها كتبت اسمي بالشات وقالت معلومات عني وكلام ماله معنى ففاول الموضوع ما صدقت وبعدين طبيعي الانسان انه يخاف على نفسه بطبع الدنيا انه كل شي جايز فيها فبعد ما اقتنعت من كلام الناس وبدون لا اعرف منها اي شي طبعا لاني كنت منصدمه
كتبتلها كلام بنفسي لو كتبته لنفسي بحس انه غلطتي اكبر من الي غلطتها
وقطعتها وما صرت اكلمها بالغرم من معزتها عندي
وبعدين بعد استكشف الامر وشفت زواياه اكتشفت انه البنت مظلومه وانه مجرد اشاعه الله يسامحهم كان الغرص منها التفريق بين خلق الله
بعدها ندمت ندم ما ندمت مثله بعمري كله وخصوصا لانها كانت تبكي
لكن هيهات ان ينفع الندم بعد ما شوهت علاقتي معها بنفسي ومزقتها بارادتي
لكن عموما دايما نعرف انه الندم ليس النهايه واحنا بانتظار البدايه
فتعتذرت لها وخبرتها بالسالفه كلها واتصافينا الحمد لله والحين لازلت معها واحبها اكثر من الاول بكثير واتمنى هالمحبه تدوم

حلو اللي تعلمتيه عزيزتي

والواجب انا نحن ما نصدق كلام الغير بسهولة كذا ولازم نتحقق من الامر مهما كان


تحياتي لج الغالية

المشاركة الأصلية كتبت بواسطة عاشق السمراء

مسااااااااااااء جميل ...

اذا صفحات من كتابنا .. !!

قد لا نحب ان نعود للماضي او للحزن لكن نحتاج له كثيرا !!

شكرا عاشقة الوصلاوي على هذا الموضوع ..!!

وشكرا لك عاشقنا

وهي دنيتنا غريييييييييييييييييبة

والماضي لازم بنحتاجه مثل ما قلت

تحياتي لك عزيزي

المشاركة الأصلية كتبت بواسطة بنت زايد

بصراحة الموضوع جميل جدا.... و حلو إن الانسان يتعلم من مواقف غيره ...

أنا صارت لي مواقف كثيرة ....

ما اعرف كيف أبتدي بس بحاول ...

الكل كان يدري إن كنت بنت أبوي المفضلة من بد كل بناته يعني خواتي.... و كنت وياه دايم الدوم ... يعني لو كان يروح يبات برة البيت يومين ياخذني وياه لأنه ما كان يستغنى عني و لا انا استغنى عنه... كنا مثل العين و هدبها .... المهم إن قبل سنة تقريبا من الحين إنصدمت إن أبوي بالمستشفى بس ما كنت أدري بالسالفة و يوم أسأل أمي تقول لي أبوج تعبان شوي و بيرد عقب كم من يوم.... انتظرت أسبوعين و ما قدرت لان حسيت في شي بداخلي ياكلني و يعني كنت مع بدايات إمتحانات التجربة للثانوية العامة.... و قلت لنفسي بروحي بتصل بمستشفى خليفة .... قبل لا اتصل اقنعتني بنت عمي إني أتريا... و بالصدفة عرفت من ربيعتي باللي صار لأبوي لانه عبالها إني أدري باللي صار له.... قالتل صدق إن أبوج كان عنده سرطان في ريله و قصوه له .... إنصدمت و طاح تلفوني من إيدي و ما عرفت شو أسوي ركضت و سرت عند امي و سألتها و خبرتني بالسالفة و من ذاك اليوم صار الماضي مثل ذكريات مستحيل إنها ترد صحت وايد وايد صحت مثل ما يصيح شخص يفقد له عزيز عليه... صحت أكثر من يوم وفاة أخوي .... و لو سوينا أي شي ما بيرد كل شي مثل أول .....

المهم اني تعلمت إني أحمد ربي على كل شي على الصحة و المرض و تعلمت إني أصبر و انه الانسان الصبووور لابد انه يحصل جزات صبره ...

جماعة الخير انا ما اقدر اقول لكم على غلاة ومعزة بنوتة ابوي في قلبي

وعلى الرغم من جذيه اني اول مرة اعرف هالشي مثلي مثلكم من بنوتة ابوية

بس انا بقول لها الله يخليلج ابوج والوالدة وكل من تحبينهم ولا يخليج الرب منهم دوم هب يوم


وان احلى شي في الدنيا الصبر

والانسان كثير وعظيم المصائب هو من يحبه ربه اكثر

وهذا دليل ان ربج ذاكرنكم مثل ما انتو دوومكم ذاكرينه

وهالحادثة اكيد زادتكم صبر وايمان

والواحد ما يقول غير الحمد لله على السراء والضراء

وتسلميييييييييييييييييييين غناتي على مشاركتج