الله يرحمها ويغمد روحها الجنة
ومشكورة عالقصيدة مشخصاتي
هذي القصيدة كتبها شاب متهور كان مع امه في حادث سيارة وماتت وهو نجا !!
محد يكون في مثل مكانه وبهذي الحالة
يواسيني و انا الميت وحالي يجبر الدمعات
تسيل من الذي فيني و يبكي وهو يواسيني
وانا ابكي واتنهد وارسم بالحزن لوحات
يجبروني عشان امشي و رجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى الي يصحيني
فداك القلب يا يمه ومهما قلت من كلمات
صغيرة في كبر حقك بس اتمنى تعذريني
نهيت الفرح من بيتي صحيح اني خسيس الذات
صحيح اني ولد طايش وكل ما اسمعه فيني
تجول عيونهم فيني تفصل مني قياسات
وتشيح وجوههم عني وكأني غيرت ديني
يظنوا حزنهم اكبر وهم اصحاب المأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يا يمه ارجعي كافي! ابجلس معك لو لحظات
واقبل ايدك ورجلك وافرش لك رمش عيني
يا يمه ما اتحملهم يقولون فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبين بسكات
واصلي الفجر بالمسجد قبل منتي تصحيني
يا يمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني
الله يرحمها ويغفرلها
تحياتي
الله يرحمها ويغمد روحها الجنة
ومشكورة عالقصيدة مشخصاتي
مسااااااااااااءجميل!!
فعلا لحظة ألم حزينة ..
ان تفارق روحك ..
وتكون انت بين البشر ..
دون الام !!
..
لحظة تستحق البكاء !!
..
مشخصاتي ..
اهلا بحضورك وتواصلك ............ !!
يا حبيبتي يا أمي...
فعلاً حضن الأم ما يتعوض .....
الله يرحمها ويرحمنا ويرحم الجميع .....
ولا يحرمنا من رضا الوالدين علينا.........
تحياتي.....
مشخصاتي
رحيل
الأم رحيل الروح
رحيل البوح رحيل الكلمات كلمات
الحب الطاهر المقدس ، كانت اللحظات سراب
فأصبحت واقع فكم هي تعيسة
الأيام عندما تتمنى
العيش في الحلم
بعيدا عن حقيقة الواقع
شكرا لمروركم الكريم
سعدت بمداخلاتكم الطيبه
عيد سعيد
تقبل الله من الجميع صالح الأعمال
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة