رد مع اقتباسالمشاركة الأصلية كتبت بواسطة ربيـ العمر ـع
اكرمك الله ربيع العمر والخير
على رقة تواصلكِ
ومتابعة حرفي المتواضع
اشادتكِ النقية
اشادة ربيع
تروي بستان يتربع في افق كياني
:
دنيا من الشكر لكِ
تحياتي
ذات يوم ..
ومساء جميل !!
وفي ليل أجمل !!
نسجت السحب بساط..
ليحملنا لقضاء ساعات
في دنيا كبيرة ..
وحياة جميلة ..
بها الحروف تتراقص على
عامية الأنغام ..
راقت لنا .. واستهوتنا
للأحلام .. والأماني
وحكايات الدار ..
نرقبها .. وترقبنا
تساهر أهداب
أعيننا ..
وفي يوم أشدت بها الريح
لتشتت البساط الجميل!!
ولكن .. بساطنا ثابت
للأزل .. بثبات الليل والنهار
وفصول الأعمار ..
وسقيا الأمطار ..
وثبات شتلات شجيرات
الأرز .. بأرض البوح
ومدن جمال الإبداع ..
فاستحال .. التشتت
واستحال توقف البساط!!
****
أخي الأرز .. ثرثرة رائعة ..
توقعت عدم توقفها .. وها أنا أعود بعد غياب
أتأمل استمرارها
اتحفتنا بما طرحت .. سلمت ما خطته يمناك
دمت على الخير دائما
اكرمك الله ربيع العمر والخير
على رقة تواصلكِ
ومتابعة حرفي المتواضع
اشادتكِ النقية
اشادة ربيع
تروي بستان يتربع في افق كياني
:
دنيا من الشكر لكِ
تحياتي
(( حلم بالألوان ))
الليل سكون
والعالم
يَغط في أحراش النوم
وأنا
وأنا .. منظومة
أفكار حالمة .. وعيون ساهرة
نظم رَمادي
يتخبط
في أحضان أُمسية سوداء
كيان مقهور
عطش لبصيصٍ من نور
لخيوطٍ بيضاء
تدحر في أعماقي
جذور اليأس العتماء
:
الليل سكون
وويلي من كل سكونٍ
خلف جداره حدث يقلقني
طبعي ... وعيبي
أني .. لا أغلق بوابة ليلي
لا أعرف
كيف اقترض النوم
لا اعرف كيف
اختلس بضع ساعات
عفوا ... لحظة
اسمع صوتا
خربشة !! .. خطوة ؟
لا ... بل زحف خافت .. كفحيح الافعى
:
حرف يتنهد
أنا الغربة . . أنا الحيرة . أنا الوَحشة
تتوقف أنفاسي .. تركض نبضاتي
دقات .. تتسابق في مِضمَاري
دُوم .. دُوم .. دُوم
اصوات .. الدُوم دُوم .. تتوالى
لا أدري
الخوف ... يُداعبني !
أشباح ... تُسامرني !
من يدنو .. ويقصد إرهابي !
:
أنشدُ عاصفة
تصفعُني .. تشطُرني
تفصلني .. من لَغَطِ ضياعي
آه يا خوفي العاتِ
الصوت الواشي
يتسلل من غابة صدري
آه يا خوفي العاتِ
تقتات بويلي .. وتدنس ليلي
لأعيش ونفسي .. تسخر من نفسي
:
دوم . دوم . دوم
نشاذ يرمي لإيقاعي
دُوم .. دُوم .. دُوم
ايقاع .. يُربك ايقاعي
د دُوم .. دُوم .. دُوم
تغتال
صمودي واعصابي
:
أنهض
اتسلق أبراج الطالع
اقرأ .. واطالع
وافتش عن حظ ضائع
حظ .. يقطف لي
من أغصان الأمل بريق
يمنحني
شَربة ماء .. خطوات ... وطريق
:
يلمحني .. حظي العاثر
يخنقني ... بقيدِ مجدول
لكني
رغم شعور .. الموت .. المفزع
أُغلق عيني
قد يأتي بساط خيالي .. قد يحملني وارحل
لكن . الحيرة أسرع
تنتزع صلابة أهدابي
تتضاحك من فرط عــذابي
:
يا ليل محنتي
باتت دمعتي .. تبكي في بستاني
وتهاوت .. دموع
تسقي بذوري العَطشَى
في نفسي .. تُنبت زهرة
تنمو .. تترعرع
تتمايل .. صوب وجودي المعدم
تتقدم.. تتفحص عنواني المبهم
في عُجالة .. تتقهقر
يصرخ مني ...برعم أملي
يتفتأ.. يتفتح .. يكبر
يهمس للزهرة
أن تتقــدم .. أكثر .. أكثر
لتلامــس
أوراقها .. رهبة وجهي الأسمـــر
في حياء ... تقترب الزهرة
يتنهد قفصي الصدري
يتنفس أطنان الصُعداء
تنحسر الوحدة
الدُوم دُوم
يتلاشى يتبخر
ينفرج .. رنينا .. يتكرر
صباح الخير
إنهض
إنهض .. يا أرز
أنت
كالعادة تتأخر
:
بقلم
يحيى معوض
( الأرز )
ليلي يا ليل
ليلي.. ياليل طارح منديلك
فوق الأرض وعالشطآن
نفسي اندهلك
نفسي احكيلك
وأنا متلوع .. وأنا حيران
:
ليلي يا ليل
أمانة .. ياليل
:
هِل بِسحرك ... مِد رموشك
خلي الرمش يطول ويطول
أُحضن قلبي وضوي نجومَك
نور . من حبي . وأحكي واقول
ليه
بتفوتني وتبقى إمبـــارح
وكل امبارح
كان في حياتي .. قاسي وجارح
ليه
بتفوتني وتبقى امبارح
وكل امبارح
راح ... ولا همه
قلب في عِشقُه .. ينزف هَمُه
:
ليلي يا ليلي
ليه
تخليني .. في حيرة لبوكرة
وانت يا بوكرة
حاسس بيه يا بوكرة وشايف
باستناك .. وانا دايما خايف
:
إمتى ؟
إمتى يا بوكرة.. ناوي تروق
وانت بتيجي .. قوام .. وتروح
عمال تجري .. وعمري بيجــــري
باستناك .. وأنا كلي .. جروح
:
عايزك مرة
عايزك مرة .. يا بوكرة .. تطُــــــل
شايل .. بسمة ... وعود من فـــُـل
:
عايزك
تيجي يا بوكرة .. تغني
غني .. يا بوكرة
غني حبيبي يقرب مني
ليلي يا ليلي
نبرة شوقي .. نار .. تندهلك
ليلي يا ليلي
هِل يا ليلي .. وفوت على مهلك
:
بقلم
يحيى معوض
الأرز
قرأت حلما ً بالألوان ..وأنا مازلت أرسم أحلامي بقلم ٍ من الفحم ..أشكال أبعثرها ..أظللها وأقرر أن أحلم ..
ينتهي الحلم الملون على مشارف قوس قزح والصقيع ُ يضيف لوناً ثامنا ً: أسود الفحم ..لاتتأخر ْ
هو سكون الليل ..وأصداء بومة تصرخ في الأفق : ALARZ يحلم ..سكوب بالألوان..
فحيح أفعى يزعجه . تعالي أيتها البومة واقتلعيها من هنا ..فلن يرهبه صوتها المقيت ..
وعاصفة تحاول أن تشطر ذاكرته ..وترسم على صفحات مخيلته دنسا ً لم يصنعه ولا يهواه ..
يراك أيها البرج المتسامي ..سوف تنهار أمام إصراره كما هوى غيرك من الأبراج ..
أيها الأرز المبجل :
قرأتك حرفاً حرفا ً وأحضرت قلمي الفحمي ورسمت وجهك الأسمر ْ دون أن أراكْ
أطلقت العنان لمخيلتي الشريدة فيك َ ..وأرسلت جنيا ً شاركني أمسيتي إلى مشارف
العين وأبوظبي وبقي يبحث عنك حتى أحضر لي صورة لوجهك الذي تراءى لي
صلبا ً ..يهمس فيجيب ..يصرخ فيُخرس الأصوات َ المقرقعة التي تحاول قول َ
ما لايقال بسهولة ..
قلت َ فأصغينا ..كتبت َ فقرأنا ..أتحفتنا ..أسعدتنا ..نشكرك من القلب ِ ..ونشكر العاشق النبيل الذي
استطاع أن يستفزك ويطيل بنا هذه الملاحم الرائعة ..التي نتمنى أن تطول أكثر لتغنينا أكثر ْ..
دمت بكل خير ..
.................................................. .....أيمن
..
صدقني
لا اشك ابدا في قدرتك على تحليل الحرف
ورسم صورة هي الحقيقة بعينيها عن صاحب الحرف
فهذه ملكة حباك بها الله وبكل ذواقة عاشق للكلمة
تضرب هنا مثلا جليا لانسان جميل يعايش الكلمة
ويغوص وراء المضمون
لا انسان يجامل لمجرد المجاملة العمياء
كما نرى في مختلف المناسبات
انسان غيور لا تقبل عينه أن ترى حرف مشوش
ولا معنى بلا معنى ولا كلمات تنسخ بلا هوية
إلا وكان تعقيبه الواضح الصريح ميزة ندرت
في زمن المجاملات
احببت فيك نزعتك المجردة الغرض
وحرصك على ابداء النصح
:
اتشرف سيدي برؤيتكم
في ابو ظبي في العين .. في القاهرة
وان شاء الله سنلتقي
اشكر لك ايها الوفي متابعتك الثرية
واشكر للعاشق هذه الفرصة التي منحني إياها
لاعبر عن جزء من عالمي
دمتم بخير
حل الوداع
وتمردت
راحة الكفوف .. تأبي السلام
فُترت حيلتي .. وتسمرت قدرتي
لا .. حبيبتي
لا .. لا أقوى الوداع
كَبلت حزني .. خلف زيف شجاعتي
ورسمت بريشتي
أكذوبة باسمة
تتألق فوق قناعي الجميل
بسمة غير مبالية
ودمعة ..
تلوح لكِ في الرعيل
لا .. حبيبتي
لا .. لا أقوى .. الوداع
عذرا حبيبتي
فليس بيدي
إن بدوت . جفا . متبدل الأطوار
ففي الوداع سيدتي
لا أحسن الغناء .. ولا .. تطاوعني الأوتار
سامحيني .. سامحي .. من أهلكته الأسفار
ولعق في الوداع .. مذاق المرار
لا .. حبيبتي
لا .. لا أقوى الوداع
إن أفل نجمك .. وغاب عن عيني
سيقبع عمري
سجين .. في حصار السواد
حزين
كالليل المتهالك في ثوب الحداد
لا .. حبيبتي
لا .. لا أقوى الوداع
أزف الرحيل
وبات البقاء
سهم عقيم في جراب المستحيل
حبيبتي
ارحلي
تَصحبكِ الشموع
نفذ الرجاء
وجفت الدموع
:
يحيى معوض
الارز
تلات خطاوي
الأولة للدنيا
جيتها
حافي صغير مولود
والتانية في الدُنيا
مشيتها
خطوة ورا خطوة
والدنيا ليها حدود
والتالتة مـ الدنيا
سايبها
ورايح .. لربنا المعبود
....
يا بني آدم
على مهلك
سايق كدة على فين
الكِبر ليه مالكَك
والبخل يا مسكين
يوم لُقا ربك
لا المال ها يشفع لك
ولا بنات وبنين
يا بني آدم
اصحى
الدنيا ضاحكة عليك
نملة تزيل برجَك
تلقى التراب حواليك
يا بني آدم
لحظة
شايل ده كُله لمين
يا عم فِك ايديك
زكي شمال ويمين
دي الدنيا غدارة
والموت
في غمضة عين
....
النهار
جاي النهار وحده
سألته فين شمسه
رد النهار
برد الشتا عالباب
والشمس فوق التلج
زمانه حن وداب
شمس الشموس جاية
فوق المطر جاية
قوم فَرح اللبلاب
قوم دور الساقية
:
يحيى معوض
الارز
أمراض النت
(1)
المجاملة المفرطة
بجد عيب .. عيب بجد
مرض المجاملة .. بأي رد
ليه نجامل
على كلام .. منقوع كلام
مكتوب
مشاركة كِدة والسلام
:
عيب
يا كل قارئ .. بجد عيب
طب ايه مناسبة
جميل وهايل .. رائع رهيب
على كل لبخ صاحبه عجيب
حَبَة يشخبط .. حَبة يلخبط
وإن قولنا وَقف راجع وظَبط
تلاقيه في دُور .. بلا قافية شاعر
عَمال يخبَط .. عَمال يكابر
طب ايه نقول لُه
النُغة ده .. وحيلة أُمُه
مش برضو قالو
نقول ومالو
يا مخ طُور
اصحى وصحصح
ده العلم نور
:
تِعبنا والله
من ناس بتكتب
اسلوب فراخ .. ونَقش بَط
وناس صُداع .. طيخ وطاخ
ناس يادوب .. بتفك خط
وناس بتمدح
للكوكو واوا .. والبابا أُبَح
وناس تنافق .. وناس بتسرح
يا مداحين
يا كل عقل وكل قلب وكل عين
فين ضميركم ... شمسُه فين
هي الحكاية
إثبات وجود في كلمتين
الجميل ... نقول جميل
والعليل
نكون معاه نُصح ودليل
مش تمام .. آخر حلاوة
و 100برَافُو .. و 100 بَرَاوَة
على مشاركة باللاوندي
وحليب مراعي وتمرهندي
ولبخ أزلي
مكانه اصلا حِتة خَرابة
كلام يا بابا .. كِدة في الطَراوة
:
تعبت عيونا
من نص تافه ركيك وخايب
لِرُبع كاتب .. خياله سايب
شايف الكتابة شُغلانة سَهلة
وحجم عقله .. عقل نَملة
بالمدح
تِكبر راسُه وتملا
والهيئة راسب تعبير وإملا
:
مش عيب
نحاول بهدوء نِعَبَر
مش عيب تكون
مش عيب أكون كاتب صُغَير
اسمع نصيحة
من قلب ينصح . واشطب واصلح
واجي وارَوَح .. واتعلم اكتر
:
سيدنا المجامل
حقك تجامل
على نص شامل
الكلمة فيه
قصد تلاقيه .. معنى تلاقيه
واوعى تجامل
أبو حرف ناعم ( جنس لطيف )
من غير ما تقرا دي كاتبه إيه
ولا تجامل علشان تجاملك
ساعتها طبعا .. ها نقول في شكلك
الإسم شاغلك
ناوي ..وقصدك .. ترسم عليه
كُتر المجاملة
كُتر المجاملة حذاري منها
لعبيد وزيد .. وناس بعينها
قالو يا صاحبي
قالو في المجاملة
في غير آوانها .. ولا مكانها
بتعيب صاحبها
يا ستي عيب
يا سيدي عيب
يا اخوانا عيب
:
ارتجال ارزي
(2)
المسروق والمنقول
::
يلا نحكي ويلا نقول
عالمسروق .. والمنقول
أما صحيح .. طبع النت
غابة كبيرة .. وحش وغول
:
واحد يكتب .. من احساسه
واحد يهرش كدة على راسه
عِينُه عليه
لحظة يفكر .. ولحظة يقرر
يهبِش إيه ... ويلطش إيه
:
حاجة تجنن والله يا ناس
فيه في النت .. حَبِة ناس
فيهم نقص .. ناس مش ناس
قول .. همجية .. قول حرامية
قول تافهين .. قول مساكين
وِدة تصنيف .. من تخاريفي
مـ اللي بشوفه شتوي وصيفي
ناس مش ناس
ربك وحده .. عالم بيها
ناس حرامية .. ايديها طويلة
ناس .. مش ناس
هَم وتافهة .. قُطعم نِيلة
:
مش موضوعنا
نيجي للقصد والمقصود
والملموس الموجود
فين .. فين .. ؟
في المنتديات
:
واحد بَابي جَاب له جهاز
واحد آخرُه قبل يومين
راديو حِجارة ولمبة جاز
فجأة اتطور
جه عالويب .. رِجلُه تِدب
بقى في الشات والمنتديات
فلتة وروميو .. جِن مِصَور
يوزر نيم على باسوردات
ونشوف وِشُه
ولعبُه وغِشُه
فين فين ؟
في المنتديات
من أول نص
من أول رد نلاقيه مكتوب
وعقولنا بتسال
دَه كلامُه ولا كلام مَسلوب
صادق .. ولا منافق وكذوب
وناهيك عن نَصُه
رَكز حَبة
في حضوره وِرَدُه
بيبان من وَضعُه
متخلف
مش على بَعضُه
:
وناس
طبعها هَلاس
مجهولة
ولا ليها أساس
الواضح منهم
ما في دم .. ولا ذرة ملح في عينهم
ده جميل
وده رائع .. وردود تعبانة
مخصوص
جايين لِفُلاَن وِفُلاَنة
ويادوب
الواحد من اشكالهم
مِتعَين للشكر .. بوظيفة مَندُوب
:
وناس
ناس بالسرقة
بالعضلات والطبخة المسبوكة
ناس عطشانة لكاس الشُهرة
ما تقولشي شكوكو أو كاريوكا
بالحَنجَل والمَنجَل . وِالدَخلة المحبوكة
تِرقعنا بقصيدة .. مسروقة
مشمومة .. مكسورة مشروخة
مِش إشكال ..
ها نقول سرقة وِشغل عيال
مِش إشكال
الإشكال
هُنا يَكمُن
في الاستهبال .. والاستغفال
واحد جاي واحد رايح
وصاحب النص محروق دمه
وابن الــ .. ..
ابن الاوباش .. ولا بلاش
قاعد بينا .. بيفرز سِمُه
مش اشكال
مالنا بأصله .. يحميه لُامُه
ننقل تاني وندي مثال
:
ناس ..مش ناس
ناس في العلم جاهلة وحافية
عاملين شُعرا كِدة بالعافية
ناس حريفة .. في شعر الهايفة
ياللي
بتكتب شعر الغافلة
هي الناس طُرش وِعَاميَة ؟
كل الناس قارية وشايفة
مُجمل شِعرَك
طبخ وِلَبخ .. منهي بقافية
:
قرب قرب قرب بُص
أي كلام عمال يترص
شرقي وغربي .. وفجل وخس
الإلهام .. بالعضلات ؟
والاحساس بِدُه مواصلات ؟
ياللي بتنهش في الاحساس
لو احساسك كان معدوم
مهما
ها تسرق احساس غيرك
فيه الحق دين لاصحابُه
سيف الحق ها يقطع ايدك
الحق نفسك .. يلا وتوب
عمر قناعَك مش ها يدوم
بوكرة يخونك
بوكرة يدوب
:
ارتجال ارزي
ولسة
ها نُقول
ونقول
الذين يشاهدون الموضوع الآن: 3 (0 من الأعضاء و 3 زائر)
ضوابط المشاركة