أنا المجنون..!!

[بيرد333]

أنا المجنون..!!
ـــــــ

إرسمى بقلمى فوق الورقة..

وأبنيلك ع الورقة قصور..

وفوق القصر بلاقى قلبى..

طالع فوق القصر يدور..

وألقى عيونك ماليه سمايا..

وشعرك ليل مزروع جوايا..

وحلمى معاكى ماله نهايه..

وشوقى بأراضيكى مبدور..

إرسمى بقلمى فوق الورقة..

وفوق الورقة إعملى ما بدالك..

إرسمى شخبطى إعملى كل إللى بيحلالك..

ساعات قلمى بيكتب غنوة..

بس ياريت تملى عنيكى الحلوة..

وجوه عيونك بلقى حاجات..

يا ما حلمت أنا بيها زمان..

لكن جوه عيونك إنتى..

الألوان ملهاش ألوان..

ملهاش زى فى أى مكان..

أنا كنت بلخبط لون أحمر وأزرق..

يطلع لون أسود بيبرق..

لكن مع لون شعرك بيبان..

لونى الأسمر لون بهتان..

إرسمى بقلمى فوق الورقة..

فرحانة الورقة بأحلامى..

وألاقيها بترقص قدامى..

لكن لما الورقة رقصت..

كل حروف القلم إتهزت..

وقع الميم فوق الجيم..

فوق النون والواو والنون..

ولقيت كل كلامى فى كلمة..

إنى بقيت بيكى مجنون..

أيوه بقيت بيكى مجنون..

أنا المجنون..أنا المجنون..!!

بيرد333

[عاشق السمراء]

مسااااااااااء جميل ..


ايها المجنون .. !!


جميلة منك هذه الكلمات والسرد العامي .. !!

اتمنى ان استمع للمزيد .. عشان اتعلم منك شوي .. :) !!

[قطرة مطر]

مجنونة ٌ أنا ،
هل يعقل أني لا زلت ُ أتنفسه !
أشعر ُ به ِ رغم َ كل المسافات !
وكل الحواجز والعقبات !

مجنونة ٌ انا ،
هل يعقل ُ أني لا زلت ُ أنثر ُ حروفي لأجله ِ فقط !
أنثره على سطوري رغم َ كل الآلام ِ ،
والأحزان ِ والخصام !

أجبني أيها الطيف ُ العابرُ في سمائي كل َّ ليلة !
أحتاج ُ للإجابة على تساؤلاتي المبعثرة ،
أحتاج ُ للكثير من الضوء ِ في غرفتي ،
وللعطر على الزوايا ،
وعبق ِ طيبك َ في الحنايا ،

===

مرور ٌ متهالك !!