المساعد الشخصي الرقمي

مشاهدة النسخة كاملة : نفس الخطا



سالم البدوي
05 - 11 - 2002, 10:10
نفس الخطا
إللي فرقنا زمان
تكرر
لاهو عطا
لا حفظ عهده وصان
تكبّر
الغرور أعمى النظر
والفواد أصبح حجر
بالخطا لا ما يحس
يبي العذر مني وبس
اكيد ما عنده خبر
إني بعد مثله بشر
*******
عطيته أغلى ما معي
روحي وقلبي ومدمعي
وعطيته إحساس سكن
بين الحنايا وأضلعي
ولا بيّن بعينه العطا
بادلني برد الخطا
اكيد ما عنده خبر
أني بعد مثله بشر
*******
والحين لازم نفترق
بنشوف منهو ليحترق
وافترقنا
وكل منا في طريق
اختلفنا
لا رفيقه ولا رفيق
صار الحزن دربه أكيد
وصار الفرح دربي الجديد
نمشي على عكس الدروب
نفس الخطا بس من بعيد

عاشق السمراء
05 - 11 - 2002, 11:52
مساااااااااااااء جميل ..



ولا اجمل من كلماتك اخي البدوي ..


صح لسانك على هالابيات .. واهلا بهذا الحضور !!

FAHAD48
06 - 11 - 2002, 04:52
الى اخي العزيز سالم البدوي ..الى صاحب الابداع المرهف الاحسام
كلمات رئعه جدا اتمنى لك التوفيق والابداع
اخوك فهد الشقصي

سمراء الليل الحزين
08 - 11 - 2002, 14:35
ما اجملها بالفعل من كلمات ....حقاً رائعه ...اخي سالم بوركت على هذه السطور الرائعه

تحياتي

عبدالله اليعقوبي
13 - 11 - 2002, 03:46
أحاورك ليه الخطى
نفس الخطا
ولا حكم فينا الزمن
ما نلتقي إلا بخطا
وشلون احبك وانجرح
وشلون انادي للفرح
انتي غلط
كل الغلط
مو دمية أنا فإيدك
مو لعبة فرحة تزيدك
انا كلي شعور الياس
ضاع فداغلي لحساس
روحي بعيد وانسي
وعلىغير انا اقسي
انتهى كل العطى
ما صرت أحمل ذا الخطا
انتى خطا

هذي الكلمات المتواضعه اكتبها هنا
لأن كلماتك الرائعة اثارتني كثيرا
شكرا يا ايها الشاعر الحساس